الموضوع: احترت مع الليجانزا

السلام عليكم و رحمة الله و بركاته
كان سبق و طرحت موضوع بخصوص الليجانزا http://www.nilemotors.net/Nile/152279-a.html
و كانت العربية ظبطت شوية و لكن الان رجعت الى الاسواء و مش لاقى تفسير لدلوقتى.
العربية سحبها بيبقى بطىء جدا فى السرعات المنخفضة و لو فى وزن فى العربية السحب بيبقى وحش بدرجة فظيعة و كنت مرة عملت تجربة الوصول الى سرعة 100 من الثبات و اخدت وقت حوالى 23 ثانية مع انه فى المفترض تاخد من 11 الى 12 ثانية وديه عربية 2000 سى سى يعنى المفروض يكون عزمها كويس و لكنى حاسس ان عزمها ضايع

الحاجة التانية ان استهلاك البنزين رجع ادهور تانى و ديه من اكتر الاشياء اللى مجنينانى لان الاستهلاك عندى متغير بطريقة بشعة و ليس متقارب بمعنى فى مرة تعمل فى اللتر 15 كم و فى مرة 10 كم وفى مرة 5 كم وذلك تحت نفس ظروف القيادة و السرعة و مش عارف ليه التفاوت الرهيب ده يعنى يفترض ان لو مشكلة فى اى حاجة داخل منظومة الوقود و الاحتراق ان يكون ثابت بمعنى ان لو مثلا الرشاشات فيها مشكلة يبقى المفروض ان الاستهلاك عالطول يكون زيادة مش يزيد اقوى مرة واحدة و يقل قوى مرة واحدة و بعدين يزيد قوى ثانى و لو افترضنا ان فى تسريب فى دورة الوقود يبقى المفروض برده ان الاستهلاك يكون عالى عالطول مش كده برده

الحاجة الثالثة لما تكون العربية باردة و تيجى تدور بدور عالطول بس اصبح فى صوت خشونة غريبة لما بتدور و كمان مفيش خمس دقائق و تروح مبطلة و لو زودت شوية بنزين مفيش فايدة و تلاقى عداد ال rpm يتهاوى و تروح مبطلة لغاية لما مؤشر حرارة العربية يبداء يجيب الربع و يعدى تبداء العربية تتعدل و لكن و انت ماشى فى حتة زحمة شوية تلاقى العربية وكان الكهرباء بتلعب و تحس انها بتعلى و توطى
طبعا حطيتها على السكانر يجى 5 مرات عند كذا كهربائى و منهم محمد السيد و كلهم قالوا ان العربية نتائجها كويسة و انا محتار ازاى النتائج كويسة و العربية مش كويسة
معلش انا تاعب حضراتكم معايا و باحاول افكر معاكم بصوت عالى لحسن العربية ديه هتجننى فعلا و ياريت نفكر مع بعض فى نقطة نقطة راجيا من المولى سبحانه و تعالى انه يهدينا الى الحلول
فى حاجة برده ملاحظها من فترة قريبة و اتاكدت منها يوجد تسريب زيت بسيط جدا بيظهر من مقدمة اعلى الموتور هل ده بسبب جوان غطاء التاكيهات و هل التسريب ده ممكن يوصل للبوجيهات و هل لو وصل الزيت للبوجيهات ممكن يؤثر فى الاحتراق و يؤدى الى ضعف العربية فى الصباح و ضعف السحب و استهلاك بنزين زيادة
الملاحظ ان كل ده من بعد قطع سير الكاتينة و تغيير الصبابات فهل من الممكن ان يكون فيه مشكلة مثلا فى الصبابات او فى تقفيل الموتور ممكن تؤدى لاءى مشكلة من المشاكل السابقة حيث فى مرة ميكانيكى قالى ان العربية متلتة و ده لما دور العربية و كانت لسه باردة
مش عارف ليه برده انا حاسس ان فيه مشكلة فى كهربة العربية و كنت عايز استفسر هل من الممكن ان لو فيه مشكلة كهرباء تؤدى الى تفاوت فى استهلاك البنزين و لو نعم ازاى ادور وراء الكهرباء وهل لازم افك الضفيرة و اكشف عليها مع ان محمد السيد من الكشف الخارجى عليها قالى كويسة بس فى التوكيل قالولى ان الضفيرة حالتها سيئة جدا و طلبوا فكها و الكشف عليها ولكن التكلفة عالية جدا وكمان ممكن بعد كده ما يطلعش العيب منها
سامحونى يا جماعة على الاطالة بس زى ماقولت قبل كده انا باحاول افكر معاكم بصوت عالى

المشاركة الأصلية كتبت بواسطة samirayad

طقم بوجيهات حلو + طقم كابلات بوجيهات حلو + بوبينا حلوه


حتخليلك العربيه دى تمام

بإذن الله

وخد من عبد الله ..............وأتكل على الله

و الله يا بشمهندس سمير انا فعلا فكرت زى ما حضرتك قولت و ناوى فعلا اغير البوجيهات و كابلاتها مع الترتيب مع ميكانيكى لاختبار بوبينة ثانية زى ما حضرتك ما قلت بالاضافة انى جبت ايضا wd40 و سوف اقوم باذن الله بمحاولة تنظيف كل الافياش مع تنظيف الحساسات و كان ليا استفسار هل يمكن ان يحدث تسريب للبنزين بالبخر بحيث يكون التسريب غير واضح بالعين و ايه اللى ممكن يؤدى الى مثل هذا النوع من التسريب ان وجد.
و انا فعلا بشكر حضرتك جدا لانك من اكتر الناس اللى اهتمت و حاولت تساعدنى و فعلا انت الصديق الوفى ربنا يرزقك دايما الصحة و العافية.