الموضوع: احترت مع الليجانزا

الملاحظ ان كل ده من بعد قطع سير الكاتينة و تغيير الصبابات فهل من الممكن ان يكون فيه مشكلة مثلا فى الصبابات او فى تقفيل الموتور ممكن تؤدى لاءى مشكلة من المشاكل السابقة حيث فى مرة ميكانيكى قالى ان العربية متلتة و ده لما دور العربية و كانت لسه باردة

أيه اللى عملته فى وش السلندر تانى غير تغيير الصبابات

وهل محصلش حاجه للبساتم ........؟

وأيه السبب فى قطع السير...........؟

سخونه وقفشان كرنك

ولا عمر أفتراضى..............؟

وليه معملتش أختبار كبس للأطمئنان على كفاءة حبك غرف الحريق ( كشنابر وصبابات )..........؟

طب ممكن يا استاذ احمد تشرحلى طبيعة عمل صمام الايدل و علاقته بالبنزين حيث عند دوس دواسة البنزين بشعر بتعتيلة بسيطة و كان سبق ان احد الميكانيكيا قالى ده الايدل و عايز يتنظف فهل ممكن تكرار دوس دواسة البنزين ممكن يسبب سحب عالى للبنزين مثلا

المشاركة الأصلية كتبت بواسطة samirayad

أيه اللى عملته فى وش السلندر تانى غير تغيير الصبابات

وهل محصلش حاجه للبساتم ........؟

ما فيش حاجة غير الصبابات و تغيير جوان وش السلندر اما البساتم فكويسة

المشاركة الأصلية كتبت بواسطة samirayad

وأيه السبب فى قطع السير...........؟
سخونه وقفشان كرنك
ولا عمر أفتراضى..............؟

وليه معملتش أختبار كبس للأطمئنان على كفاءة حبك غرف الحريق ( كشنابر وصبابات )..........؟

ممكن يا هندسة تشرحلنا ايه الفرق بين الحالتين وان شاء الله هاعمل اختبار الكبس و هاقول لحضرتك على النتائج
بس زى ما سبق شرحت ان و العربية سخنة مفيش استهلاك بنزين و لكن كثر قفل و تشغيل العربية على البارد بلاقى استهلاك مفزع هل ممكن يكون حساس حرارة المياه لانى حسب معرفتى البسيطة لما العربية بتكون باردة فالحساس بيعطى اشارة للكنترول فيقوم الكنترول بضخ بنزين زيادة لغاية ما العربية تسخن
بالنسبة لتجربة كنترول تانى فده صعب جدا ان الاقيه عند كهربائى او ميكانيكى لان زى ما حضرتك عارف الليجانزا مش منتشرة مثلا زى اللانوس او النوبيرا و لو موجود عند حد فهو بيشتغل بيه و صعب برده يدهونى اجرب بيه لمدة اسبوع مثلا

المشاركة الأصلية كتبت بواسطة mmamdouh

العربية دى عايز يتفك الوش بتاعها و يتراجع علية... غالبا اللى عمل شغل الصبابات كروت الشغلة... او فيه مشاكل فى الشنابر و البساتم

mmamdouh

المشاركة الأصلية كتبت بواسطة mmamdouh

طالما المشكلة مش من الحساسات يبقى العيب ميكانيكى... و انت قولت انها ظهرت بعد ما الكاتينة قطعت يبقى الاحتمال الاكبر ان المشكلة فى الميكانيكا

كونها بتظهر و تختفى مش دليل على حاجة... كدة كدة فيه حاجة غلط فى المكنة

mmamdouh

الكلام ده حان ميعاده الآن

ولازم تعمل أختبار كبس علشان تتطمن على حبك غرف الحريق

بعد قطع السير اللى حصل معاك

جايز تكون فيه مشكله فى البساتم لما الصبابات خبطت فيها وقت قطع السير

أو اللى غيرلك الصبابات معملش روديه صح

وكروت الشغل

على رأى أبو يوسف

وأنا شاكك فى حبك غرف الحريق بعد ماركزت تانى فى موضوعك

ممكن يا هندسة تشرحلنا ايه الفرق بين الحالتين

لو القطع نتيجة عمر أفتراضى أو أهمال تغييره فى ميعاده

كل اللى ممكن يتأثر وش السلندر ( وعلى حسب سرعة العربيه وقت قطعه )

أما لو القطع نتيجة سخونه أدت الى قفشان مؤقت لعمود الكرنك مثلا

فدى قصه تانيه

ممكن تكون جدران الغرف من جوه سلخت وبالتالى الكبس تعبان

وساعات يبقى كويس ( مع تحضير البساتم وهى ساخنه وشغل شنبر الزيت )

وساعات لا وهى بارده

ويبقى الحبك بيتم بحالات

وحيعقب شغل المزاج ده

تفاوت وعدم أنتظام فى أستهلاك البنزين

وأنا تقريبا شفت فى كلام سابق ليك

أن فيه أصوات خشونه برضه

فبدأت أشك فى جدران غرف الحريق وسبايك الكرنك

وأنت بأه اللى عارف السبب فى قطع السير ( بس مخبى )

المشاركة الأصلية كتبت بواسطة samirayad

وأنت بأه اللى عارف السبب فى قطع السير ( بس مخبى )

لا و الله يا هندسة مش مخبى اى حاجة و بالنسبة لقطع السير فماعتقدش ابدا انه بسبب السخونة و ذلك لان السير لما انقطع فهو انقطع جمب البيت بتاعى يعنى يدوب طلعت من البيت و قطع على اول الشارع يعنى ممشيتش اكتر من دقيقتين بالعربية و الرعة لم تتعدى ال 20 الى 30 كم و يمكن ده من ستر ربنا برده لانه كان جمب الكهربائى جارى و خدناها زق بالصنايعية اللى معاه الى ميكانيكى جاره و بالتالى مستحيل تكون العربية سخنت فى ظرف دقيقتين او ثلاث دقايق بالاضافة الى ان و الميكانيكى بيفك كانت المياه الخضراء بتنزل يعنى العربية فيها مياه التبريد
كده برضه يا هندسة تظن فيا كدا مهو لو انا عارف السبب ما كنت حليت المشكلة اللى مدوخانى بقالى شهرين و نص ولا انا غاوى تعب و صرف فلوس فى الفاضى و باعتقد ان السير اتقطع عند حضرتك برده على حوالى 10000 كم يعنى ممكن يكون قضاء الله و قدره

و الله موضوع تنظيف صمام الايدل و البوابة و عمل الايدل ليرن مش حياخد وقت و لا تكاليف و اهو اجراء وقائى عسى انه يكون هو الى مسبب المشكلة
و الصمام ده مسئول عن ظبط كمية الهواء على السلانسيه اثناء التسخين و بعده و اثناء الاحمال ( النوافذ الكهربائية - الباور - التكييف - الانتقال ما بين النقلات ......الخ) و هو بيبقى صمام سولونيد كهربى راسه مخروطية بتدخل و بتطلع بحاجة و خمسين خطوة لفتح و غلق مجرى هواء اضافى حول البوابة و بياخد اوامره من الكنترول بناء على مدخلات للكنترول من ضمنها حساس درجة حرارة المحرك (زى ما انت قولت احتمال برضه يكون هو سبب المشكلة ) و tps وضع بوابة الهواء و سرعة السيارة و التكييف ..... و حاجات تانية
فلو الصمام نفسه او نضافة البوابة او عملية الايدل ليرن فيهم مشكلة كل ده يلخبط العربية و يزود الاستهلاك
فابتدى بالسهل و كلهم سهلين اى ميكانيكى فاهم دايو حيعمل الشغلانة فى نص ساعة و مبلغ قليل اهم حاجة الايدل ليرن يتعمل مظبوط انا معرفش الليجانزا حتبقى ازاى بس حتبقى قريبة من طريقة النوبيرا و اللانوس

هوا انا من ثلاثة ايام كنت نظفت البوابة و غيرت فلتر الهواء وكنت عايز استفسر من حضرتك هو صمام الايدل علشان يتنظف لازم افك البوابة و لا ممكن افكه لواحده و انظفه و لاممكن انظفه وهو راكب مكانه