احترت مع الليجانزا

**ahmedjumpo** · 21-07-2010 01:55 AM

الاخ alexcdx تحياتى لك كان نفسى ارد عليك بسعادة بس للاسف النهاردة رجعت نفس العيوب ثانى من التبطيل و استهلاك البنزين العالى و كانى بدور فى حلقة مفرغة مش عارف لها نهاية و ربنا يعنى على العربية ديه
كان فيه فى مشاركتك قبل كده بتتكلم على حساس عمود الكرنك هل العيوب الناتجة عنه متشابهة مع العيوب اللى موجودة عندى وازاى اقدر اكشف عليه وهل ممكن تكون عمرة وش السلندر هى السبب و كيف ذلك حيث ان العملية مجرد تغيير صبابات و جوان و سير كاتينة و هذا السير قد تم التشييك عليه من قبل و بالتالى فاين موطن الخلل
حاجة ثانية انا حاسس بدرجة كبيرة ان العيب كهرباء و ليس ميكانيكا لانك و انت سايق العربية تشعر اوقات كثيرة برعشة شديدة مع سماع صوت كهربة العربية و كانه بيعلى و يوطى بصورة شديدة فايه من المكونات الكهربية ممكن يؤدى الى هذا الخلل مع العلم انك لو شغلت حاجتين بالكهرباء فى نفس الوقت بيحدث تاثير من خفض شدة اضاءة التابلوه مثلا مع رعشة فى الاضاءةاو صعوبة رفع شباكين مع بعض مثلا
هل من الممكنه تكون ضفيرة الكهرباء بيها خلل و تؤدى الى التبطيل و زيادة استهلاك فى البنزين حيث يوجد فى النيسان صنى عيب استهلاك بنزين عالى جدا بسبب الضفيرة و يتم استبدالها مجانا فى التوكيل فهل ممكن نفس المشكلة عندى و ازاى اقدر اكتشفها ثم لو افترضنا ان فى مشكلة اليس من المفترض تكون ثابتة طب ايه تفسير ان تبطيل العربية دايما و هى باردة و لم يصل مؤشر الحرارة الى المنتصف
معلش انا عارف ان الاسئلة كتير و فيها متناقضات و لكنى فعلا تعبت و معدتش عارف اعمل ايه ثانى لانى من وقت ما جبت العربية ديه و انا فى دوامة و مفيش يوم واحد حلو معاها لغاية دلوقتى

**samirayad** · 21-07-2010 07:24 AM

سلط الضوء على الدينامو حاليا

فمن الوارد يكون كتاوت الدينامو بيشاور عقله

وشغال بمزاجه وبحالات

**mahmoudbadr** · 21-07-2010 01:34 PM

و الله يا باشا أنا كان عندى عيوب كانت هتجننى و بعضها مشابه للى بيحصل

فى عربيتك و التفاصيل فى الموضوع دة

http://www.nilemotors.net/Nile/157621-a.html

وطلعت فى النهاية بعد أكتر من شهر بهدلة و تعب

المشكلة كانت قفلة فى التابلوه بتاع العدادات

بسبب تركيب فيشة أو لمبة بشكل غير صحيح و

بمجرد فك التابلوه و تركيبه تانى...... الحمد لله رجعت العربية زى ما كانت

فلو كان عندك شغل فى التابلوه و إتفك جرب تفك كل العدادات و دور العربية من غير العدادات
و جرب من غير عدادات

يمكن تكون حاجة بالبساطة دى

و كمان إطمن على فيش البوبينة و فيش الاسبراتير

**samirayad** · 21-07-2010 02:22 PM

و كمان إطمن على فيش البوبينة و فيش الاسبراتير

الليجانزا مفيهاش أسبراتير يا أبو حنفى

**mahmoudbadr** · 21-07-2010 02:30 PM

المشاركة الأصلية كتبت بواسطة samirayad

الليجانزا مفيهاش أسبراتير يا أبو حنفى

شكرا يا باشا على المعلومة

أهو يطمن على كل الفيش

يعنى مفيش غير الاسبيرو اللى فيها اسبراتير!!!!!!!

بالمناسبة العربية كانت بتدور عندى من أول سنة

و بعد الشغل دة لاحظتها وهى باردة بتدور من أول سنة

بس و هى سخنة السنة بتبقى أطول شوية من المعتاد

كانت البطارية ضعيفة رحت غيرتها ب كلورايد 66 أمبير عادية

رحت النهاردة للميكانيكى قلت له يمكن تكون منضفتش الرشاشات ولا حاجة قال

ان دة ممكن تتكون بوجيهات (أنا فى أول المشكلة غيرتهم بالتشيكى)

و طبعا شافت البهدلة دى كلها

إيه رأيك يا هندسة.

**samirayad** · 21-07-2010 02:33 PM

ان دة ممكن تتكون بوجيهات (أنا فى أول المشكلة غيرتهم بالتشيكى)

طالما بدور بسهوله وهى بارده

يبقى عيب من البوجيهات مستبعد شويه

**mahmoudbadr** · 21-07-2010 02:41 PM

المشاركة الأصلية كتبت بواسطة samirayad

طالما بدور بسهوله وهى بارده

يبقى عيب من البوجيهات مستبعد شويه

بعد إذن صاحب الموضوع

هى بتدور وهى باردة من أول مرة بس وهى ساخنة بتدور من أول مرة بس بتغيب شوية (لو لسة مبطل ودورت بعد دقيقة تدور على طول لو غبت مثلا 10 دقائق مثلا تغيب)

يعنى ممكن تكون رشاشات و هو بيركب مثلا

حصل انسداد أو شبه انسداد لواحد منهم

**samirayad** · 21-07-2010 02:57 PM

يعنى ممكن تكون رشاشات و هو بيركب مثلا

حصل انسداد أو شبه انسداد لواحد منهم

ممكن تكون الرشاشات بدأت تسيل نسبه بسيطه جدا

فممكن تعمل دور نظافه للرشاشات

والأول حاول بأستخدام ( أبرو الأمريكانى )

______________________

بالمناسبه يا أبو حنفى

أنت بتجيب الكتالوجات أزاى من على الرابد شير

وهل فيه حاجه قابلتك عن قطع غيار النوبيرا

**mahmoudbadr** · 21-07-2010 03:07 PM

المشاركة الأصلية كتبت بواسطة samirayad

ممكن تكون الرشاشات بدأت تسيل نسبه بسيطه جدا

فممكن تعمل دور نظافه للرشاشات

والأول حاول بأستخدام ( أبرو الأمريكانى )

______________________

بالمناسبه يا أبو حنفى

أنت بتجيب الكتالوجات أزاى من على الرابد شير

وهل فيه حاجه قابلتك عن قطع غيار النوبيرا

الرشاشات كانت قبل كدة تمام و حتى قبل فكها و أثناء المشكلة

كانت بتدور من أول سنة

على فكرة الرشاشات بتاعتى فيها فقط ثقبين إتنين

جاب لى رشاشات بى إم على ما أعتقد فيها 6 ثقوب

و على فكرة أنا قبل كدة جربت منظف رشاشات stp و محستش بفرق

لكن يمكن علشان كانت سالكة بس نجرب

بالنسبة للكتالوجات أنا بدخل على مواقع كتالوجات أو WWW.rapidlibrary.com

فيه مواقع كتيرة جدا بس أحيانا بتحتاج تغير Keyword بتاعة البحث

علشان تطلع معاك نتائج

وبالنسبة للنوبيرا حضرتك قول بس وأنا هفرك لك النت و أجيب لك اللى إنت عاوزه

**samirayad** · 21-07-2010 03:10 PM

وبالنسبة للنوبيرا حضرتك قول بس وأنا هفرك لك النت و أجيب لك اللى إنت عاوزه

الله يخليك يا أبو حنفى

فعلا أنا عاوز لينك لكتالوج للنوبيرا زى بتاع الانوس اللى فيه قطع الغيار والتخطيط العام للكابلات الكهربيه

عموما لو قابلتك حاجه
ياريت تبقى تبلغنا بيها

وشكرا مره ثانيه

الموضوع: احترت مع الليجانزا

LinkBack

أدوات الموضوع

عرض

-

-

-

-

المواضيع المتشابهه

سؤال عن الليجانزا

قطع غيار الليجانزا

العربية الليجانزا

الليجانزا انتحررررت

ايه رايكم في الليجانزا ؟

الكلمات الدلالية لهذا الموضوع

المفضلات

المفضلات

ضوابط المشاركة