الموضوع: توكيل دايموند اسوأ توكيل

انا روحت اغير التيل عندهم و بالمره اعمل الكشف الشامل اخدوا 150 جنيه مصنعية تغيير التيل و بالنسبه للتقرير فالمهندس قالي ان جلب المقصات عايزه تتغير و ده مظبوط اما الغريب انه قالي ان لمبة الايرباج بتنور و تطفي و ده مابيحصلش غير مع اول تكه بتعمل check بعد كده بتطفي (العادي يعني) المهم قاللي ان قرص SRS عايز يتغير و ده ب 800 جنيه غير المصنعيه و الضريبه !

مصنعيه تيل فرامل 150جم والله بجد حرام اى كان توكيل لكن مش ياخد مصنعيه تركيب تيل فرامل 150 ده انا لما روحت لتوكيل الرواث بالكيت كات بالاضافه الى تربيط العفشه طلبت من المهندس انه يظبط الفرامل ظبط الدنيا اه راضيت الصنيعى ب10 جم بس ظبط الفرامل نضف التيل الامامى ورجلش التيل الخلفى ونضاف مليون فى الميه بصراحه حرام وعايز اقول انه توكيل برضو بس فرق فى المعامله اما موضوع قرص srs عايز يتغير و ده ب 800 جنيه غير المصنعيه و الضريبه على فكره كل الناس الى كانت هناك هتتجنن من الكلام ده
وهم بيتكلمو باسلوب المصطلحات علشان كتير مش فاهم يعنى ايه ده فبالتالى هتقول الناس ديه فهمه وجمده (شكلك فاهم يا نصه هههههههههه) فتقوله ياهههه طب اوكيه غير ........ اى كلام يا عم الحج والله ربنا يرحمنا

انا طبعا معرفش هو ايه ده بس قولت ماشي يمكن انا اللي مش فاهم بس اعتقد لو فيه مشكله ايا كانت في الاير باج اللمبه هتنور علي طول !
الرواس بتاع الكيت كات ده مشكلته انه مش نضيف نهائي و بستلم العربيه مزيته ده غير طبعا الصنايعيه و بتوع الامن كلهم عايشين في العيد علي طول و كل سنه و انت طيب و بالنسبه للشغل عندهم فانت لازم تقولهم علي كل حاجه يعني مثلا لما تروح تغير تيل المفروض يعملك رجلاش لا لازم تقولهم انا الصراحه في دايموند موتورز ظبطولي الفرامل كويس اوي و حاجات تانيه كتير و انا قبل كده عملت معاهم مشكله و الصراحه المهندس طارق كان ليه الفضل في حل المشكله دي

المشاركة الأصلية كتبت بواسطة Eng_hatemfathy

الاخوانى الكرام انا نفسى نعمل حاجه علشان النصب اللى بيحصل وخاصه الاشتغالات انا معايا فاتورة واحد زميلى معاه بومه بصراحه جننتنى ورعبتنى بالرغم انى لسه مكملتش اسبوع على الانضمام لملاك الميتشوبيشى
تخيلوا دفع فى صيانة 50000 مبلغ 1547 منهم مصنعية تغيير فلتر البنزين 50 جنيه بخلاف مبلغ 150 جنيه سرفيس فما معنى خروج سعر التغيير عن السرفيس وماذا يشمل سعر السرفيس بالرغم من الاسعار الغريبه لقطع الغيار يعنى على سبيل المثال
فلتر بنزين 500 جنيه
فلتر هواء 210 جنيه
فلتر زيت 55 جنيه
بوجيهات 120 جنيه (ودى بوجيهات عاديه مش زى بتاعة الشارك)

بصراحه ارقام مرعبه
بفكر نعمل على الموقع صفحه لتلقى شكاوى التوكيلات وبداخل الصفحه قسم لكل توكيل بحيث يتم ارسال تقرير بالصفخة التى يعانى المشاركين فيها من توكيلاتهم ومرفق معها الاوراق او الفواتير المدعمة للشكاوى مباشره الى جهاز حماية المستهلك وبذلك نكون قد اتخذنا خطوات ايجابيه لمنع الاستغلال او بمعنى اصح الاستهبال والمركز الذى يحترم نفسه ويحترم عملائه لن يخاف من ذلك بل سيفرح بان منافسه اما يقفل ويخلو له الجو زى ما بيقولوا او يفرح بان البلد نضفت من الفساد والمركز الى بيسهبل اكيد هيلم نفسه لو خايف على اكل عيشه

ارجا ان تثبت هذه الصفحة وان يتم تفعيل الاقتراح
ودمتك طيبين وفى انتظار التعليقات

انا بقى لسه مغير الحاجات دى من كام يوم فى توكيل قليوب والاسعار كالاتى
فلتر بنزين 540 جنيه فلتر هواء 240 جنيه بيجوهات 128 وبرضك عاديه زيت للفتيس cvt ب 450 جنيه سير دينمو + سير تكييف 215 جنيه
والمصنعيات كالاتى سيرفيس 100 الف كيلو 170 جنيه تغيير فلتر بنزين 50 جنيه تغيير سيور خارجية 30 جنيه تغيير زيت الفتيس 50 جنيه وسائل تنظيف 14 جنيه ده من غير الضريبة طبعا وبكده نلاحظ ان فى اختلاف اسعار غريب من التوكلين

انا عامل صيانه العربية (1000 و 10000و 20000 و 30000) عند الرواس ماعدتش 500 جنيه و العريبه تمام
المركز فعلا قديم بس اتفرج بقى على الجديد

مصنعيات 490
قطع غيار (فلتر زيت + تيل امامي + سير دينامو + سير تكييف + بوجيهات) 1005
ضريبة 151
زيوت (ماتور + فرامل + مية ريدياتير) 332
الاجمالي حوالي 2000 جنية

ملاحظات :
1- المصنعيات غالية جدا
2- التيل سليم و هستخدمه تاني
3-غير ليه السيور على 40000 ؟؟؟
4-جداول صيانه غير معلنه والشخص اللي بيستلم (احمد) مش تيكنيكال فضل فاتح الكونتاكت 10 دقايق وبيجرب الانوار و المساحات اقوله يدورها يقولي كده عادي مفيش مشكله

انا مش رايح دايموند تانـــــــي.......