الموضوع: توكيل دايموند اسوأ توكيل

المشاركة الأصلية كتبت بواسطة theking_med

الشرف ليا .....ياباشتنا

انت تقصد انت مغيرتش ايه في التوكيل....بقلك كان نفسهم يغيروا العربيه كلها

1- قاعده جير ب 450 جنيه + تغير قاعده الجير ب 50 جنيه

2- "2" طقم اصلاح ميزان او مسمار ميزان ب 160 + 50 جنيه تغير المسامير

3- "2" اتياش دركسيون وبيض 740 جنيه + 170 جنيه

4- اصلاح كلبير ب110 + تغير 100

5- ماجه تيل 20 جنيه

6 - فيشه الكونتاكت ب160 + تغير 40

7 - لمبة الولاعه - والطفايه - و لمبتين الاسطبات الي ورا الواحده ب 12 جنيه

ياعم انا عندي لمبه في الطفايه لالا اصلي بتاعت الولاعه والطفايه بيجوا مع بعض زي التيل كده

8- كشف على عوامة البنزين 50 جنيه

9- سرفيس 170 جنيه

10 - ضبط المحرك mut 100 جنيه


11 -ظبط زوايا ثنائي 90 جنيه

وطبعا السياسات بتاعتهم ديه مش عاجباني خالص وبحذر الاخوه منهم في التعامل بس برضوا بقول اني العربيه اختلفت 180 درجه عن الاول

ياه كل ده غيرته على العموم اهم حاجة انك مبسوط من النتيجة الحمد لله
بس انت ممكن تغير لمبة الولاعة والطفاية والاستبوبات بنفسك انا عملت كده وما كلفنويش غير تمن اللمبات اللى هما باين 2 او 3 جنيه كل اللمبات

مساء الخير على الجميع انا كنت شايف موضوع بيسال على شراء لانسر وبيسال على التوكيل (دايموند) هو ايه خلاص الناس هتخاف انها تشترى لانسر بسب التوكيل ده السياره كلنا عارفينها وصيانتها مش صعبه وقطع غيارها موجوده والحمدلله وسياره بمنتهى الجمال وطبعا الكل عارف وشكرا لكل من قال مشكله وجهته او حل فى الصيانه وكل من قال وجهه نظر صريحه وكل ده بيفيد بعضنا وياريت كل من تعامل مع مكان فى الصيانه وارتاح يقول تجربته

المشاركة الأصلية كتبت بواسطة eng_hatemfathy

السلام عليكم انا خدت بنصيحة الزملاء وتوكلت على الله انى اعمل صيانة الالف للشارك فى قليوب وبالفعل اتجهت ليهم يوم السبت الماضى وقلت اخد الدائرى السلام وبعدين الدائرى قليوب ومشيت حوالى 70 كيلو من المعادى لحد لما وصلت- للاسف لقيت المكان قديم جدا ومفيش فيه الرفاهية بتاعة التوكيلات الى رحتها او سمعت عنها زى الدايهاتسو وعز العرب وكيا و فيات -المهم سمعة الفنيين اللى سمعت عنهم كانت دافع للتجربة وحاولت اقنع نفسى بكده وانسى المكان
علشان مطولش وصلت الساعة 8 وعشرة وكنت خامس امر شغل وطبعا صيانة الالف غيار زيت وفلتر والكشف عن اى شكاوى اخرى وكانت شكوتى متعلقة بالسحب غير الجيد وقلق من اى بى اس الفرامل المهم طبعا كنت حريص على مقابلة المهندس طارق والتعرف عليه وجها لوجه لان تعرفى الاول كان من خلال التليفون وشجعنى كلامه الطيب وبشاشته وحرصه على معاونة الاخرين على التعرف عليه عن قرب وبالفعل امضيت معه وقتا طيبا حتى نزلنا سويا فى تمام العاشرة لنرى احوال السيارة ووجدناها على وشك الانتهاء هكذا قالوا لنا -تركت المهندس طارق حتى لا عطله عن عمله وامضيت نصف ساعة فى الاستراحه وانا على يقين انهم فى خلال دقائق سوف ينادون على لاستلام السيارة ولكنى لما ابطأ بى الامر ذهبت للتحرى فوجدت السيارة متوقفة امام الكهرباء فى انتظار من يكشف على اى بى اس بالجهاز وظللت هكذا وانا اتابعها والمهندس طارق ايضا يوصى عليها حتى اذان الظهر ولما وقفت بجوارها لاشعر الفنيين بقلقى بسبب هذا التأخير بدأ الفني المنوط به العمل بالمساومة وانى سوف ادفع كشف كمبيوتر اذا اصررت على الكشف وان السيارة ليست بحاجه للكشف ولما توسط المهندس طارق قام بتوصيل السيارة على الكمبيوتر على مضد واخذ يعبث ببعض الصفحات وطبعا كانت الشاشة بالعكس فلم ار ما يفعل ولم يقم بتشغيل المحرك انما بتقليب بعض الصفحات والبدء من جديد اكثر من مرة (طبعا فهمت هذا من خلال فصل الكابل واعادته واغلاق الكونتاكت واعادته ) ثم قال كله تمام بعد اقامة الصلاة للظهر وبالطبع لم يطمأن قلبى لذلك وليس بيدى شىء فانا فى توكيل وليس عند الاسطى بلية وبالطبع ناقشت المهندس طارق فى هذا الوقت المهدر وعدم وجود تنظيم لاوامر الشغل مما يسبب ضياع وقت رهيب على العميل فافاد بان هذا عيب خطير وهو عدم وجود تنظيم او جدولة لخطوات الصيانة والتوزيع على الفنيين وما شابه ذلك وشعرت عندها بانى كنت ظالم لتوكيل الامل (لادا)وانهم اكثر نظاما من غيرهم وعندما ذهبت للحساب وجدت الفاتورة بمبلغ 420 جنيه مجرد غيار زيت وفلتر وسائل تنظيف ولما سألت لماذا الزيت فقط ب 330 جنيه افادونى انهم اكثر من 4 لتر -حتى ولو ما ثمن الجركن من موبيل وان؟
طبعا دفعت المبلغ ومشيت ونفس الاعراض من ضعف السحب وعدم شعورى بالاى بى اس موجود وايقنت ان موضوع التوكيلات فى مصر خدعة كبيره وذلك لان العامل المصرى قد امضى جل عمره فى هرجله وعدم التزام والقاعدة تقول من امن العقاب اساء الادب وبالطبع فالشعب حنين ومبيحبش قطع العيش فللعامل ان يفعل ما يشاء طالما لا يوجد استمارة كشف تملأ بعناية وبدقه ويتم عمل جميع ما فيها من خطوات تبعا للwork procedure والتى هى من صميم عمل مراقبى الجودة والحصول على شهادات جودة معتمدة
طبعا احلام ولكن قد يأتى يوما فنراها وشكرا لمصر وللتوكيلات وعودة الى اصلاح سيارتى بنفسى وربنا يغنينا عن التوكيلات

طب وبعدين يا حاتم هنعمل ايه طيب, نروح يمين مش نافع نروح شمال مش نافع. لنا الله يا ميتسوباشيتيه
انت خالتهم يكشفو على البوجيهات انت كنت شاكك انها رطبت من الركنه؟
بخصوص ال abs انا متهيقلى ان لو فيها مشكله ومش شغاله ال pre-check اللى كمبيوتر العربية بيعملو هيخلى اللمبه بتاعة ال abs تفضل منورة لول ما تدور الكونتاكت وهيطلعلك error msg, عموما الى اعرفه برضو ان ال abs مش بيشتغل على طول يشتغل بس ساعه الفرامل المفاجئة او لما الارض تبقى منزلقه

مساء الخير على الجميع كنت عايز اسال هل حد جرب توكيل لانسر الى فى سوق القنال جسر السويس وشكرا

المشاركة الأصلية كتبت بواسطة solo9

مساء الخير على الجميع كنت عايز اسال هل حد جرب توكيل لانسر الى فى سوق القنال جسر السويس وشكرا

انا جربته فى صيانه ال1000 , زحمه ولازم تحجز قبليها بكتير ومش منظمين برضه, الصيانه كانت بس زيت وفلتر وقعدت 3 ساعات