الموضوع: توكيل دايموند اسوأ توكيل

المشاركة الأصلية كتبت بواسطة eng_hatemfathy

انا طلبت منهم يكشفوا عليها وكتبت ده فى امر الشغل وطلبت من موظف الاستقبال (انا مش عارف مهندس ولا لأ) انهم برده يكشفوا عن سبب صوت الموتور العالى ولكن انا مشفتهمش اثناء شغل الميكانيكا والعربيه مخرجتش للتجربه فالله اعلم هل كشفوا على البوجيهات ولا لأ ومش عايز اكشف انا الكشف التقليدى علشان لمبة العطل متنورش وتحتاج تتوصل على الكمبيوتر علشان يتعملها ريست والمفروض ان الباشا اللى وصل العربيه على الكمبيوتر كان يشغلها علشان يقرا مواصفات الحرق ودرجة الاشتعال والبيانات دى اللى بتين اداء السيارة بس للاسف شكله اشتغلنى لانى حاسس ان العربيه اسوأ من الاول فى موضوع السحب وبعدين مش دايما لمبة اى بى اس بتنور يعنى لو سنسور مش شايف بسبب وجود طينه او شحم عليه مش متهيألى انها هتنور-انا مش خبير بموضوع اى بى اس ده لانى مجبتش ولا عربيه فيها الوبشن ده قبل كده وعربيات الشغل كانت بتخش الورشه او التوكيل لما بيظهر عيب عن طريق اللمبه ومش بعرف السبب كان ايه
وطبعا انا حسيت بيه فى الفرامل المفاجأة اول لما جبت العربيه واحساس ى بيه انه مش حلو بعد المطر وكان تخمينى انه اتغطى بطين مثلا ولكن الاخ الفنى جرب جوا التوكيل معايا ولقاها بتمسك بس طبعا سرعته لا تتجاوز 20 او 30 كيلو فى الساعة لكن انا لبست مطب محترم بسبب الفرامل فى حين انى اول لما جبتها الفرامل وقفت العربية فى مكانها زى الفل فى مواقف مشابهة
والله محتار وخاصة انى خايف من موضوع السحب والصوت العالى ده اوى انا لما جبت 140 كانت مقربة من 4000 ار بى ام والصوت كانى راكب ترله ده وانا قافل الشباك ولقيتها بدأت تتأخر فى الغيار خاصة الصبح اول لما بمشى بيها وهيا برده وبتأخر النقل انا جربت واتأكدت انها بتجيب الرابع واطمنت عليه بس الملاحظ انها بتنقل الرابع عند 2800 ار بى ام والسرعة بتكون حوالين الستين وبتوصل الار بى ام ل 3000 لما بتكون 100 كم/ساعة ولما بوصل ل 120 كم/ساعى الار بى ام بيكون حوالى 3250 مش عارف كده طبيعى ولا لأ

بس انا حسيت بالفرق بعد التوكيل وكتب موضوع عن الكلام ده قبل كده بس انا حابب افهمك على حاجه بسيطه يا استاذي فرامل ال abs لما تدور العربيه في اول تكه هتلاقيها نورت تنسنا لحد ما تطفي وكده بتكون عملت شيك على الفرامل انها شغاله وتدور العربيه بتشتغل لما تدوس فرامل جامد وخصوصا لما تكون الارض ملساء او عليها رمل بحيث انها اول ما تزحلق العربيه تشتغل الفرامل باحساس نغزات صغيره في الفرامل هيا بتسب الفرامل وتكبس لوحديها حتى لو انت كابس عشان متتزحلقش وفعلا شئ جميل فيها......


اما من ناحيه اني العربيه مفهاش سحب فا الشارك معروففه اني البدي بتاعها تقيل على ماتور 1500 سي سي العربيه ديه نازله بره وفي دول الخليل 2000 سي سي مبا يدي العزم....السؤال هنا انت حسيت باني العزم تقيل اول ما اشتريتها ولا بعد فتره ... طيب مش ممكن يكون ده توهم يعني اركب عربيه شارك تاني وجرب...والله اعلم

معلش انا هاحكي تجربتي بسرعه انا اشتريت العربيه مستعمله كانت 27 الف كيلو الكلام ده سنة 2009 هي العربيه 1.6 اوتو 2007 قشطه :
30 الف : مصريه قليوب صيانة 30 الف
37 الف : مصريه قليوب تغيير تيل فرامل وخراطة طنابير
40 الف : الرواس العبور صيانة 40 الف
50 الف : الرواس العبور صيانة 50 ألف
60 الف : دايموند ابو رواش
70 الف : دايموند ابو رواش

العربيه دلوقتي عامله 76 الف كيلو وان شاء الله ال80 الف في دايموند ابو رواش ...

خلاصة الصيانات دي كلها بصراحه دايموند كان افضل في المعامله والصيانه من وجهة نظري كنت باروح في معاد الحجز بتاعي والعربيه باستلمها في المعاد اللي بيتحدد بيها والمهندس كان بيعملي ابديت كل ساعه ولو انا بره بيكلمني في التليفون ..اي حاجه عايزه تتغير كان بيسألني قبل ما يغيرها .... انا اتفق معاكم ان مصنعياتهم أغلى لكن قطع الغيار ارخص قليلاً من مصريه والرواس ومتنسوش ان التوكيل فتح في نفس التوقيت اللي اليين الياباني سعره رفع فيه وبالتالي قفزة قطع الغيار حصلت مع افتتتاح التوكيل الجديد ...

محدش يحكم عليهم في الشهر اللي كان فيه فحص مجاني عشان اللمشكله كانت من الكوول سنتر انه كان بيحجز وخلاص بدون ما يراعي المركز يقدر يستوعب كام عربيه لان لما انا روحت في الفتره اللي كان فيها فحص مجاني سألت المهندس هو ايه اللي حصل فقالي ان طاقة المركز 40 عربيه والكوول سنتر حجز 75 عربيه وبالتالي هم كانوا بيعملوا كل اللي يقدروا عليه ... ده كان في صيانة ال70 الف ومحصلش معايا مشاكل .رغم الزحمه. والتقرير كان طالع في ورقه مطبوعه عليه صورة العربيه من جميع الزوايا وكل ملحوظه كانت مكتوبه مكانها...

لكن ال60 الف كانت الدنيا رايقه وزي الفل وعملت كل اللي كنت عايز اعمله واللحاجات اللي هم قالولي عليها انا كنت باشتكي منها فعلا يعني ساعة الايرباج انا اللمبه عندي مكنتش بتطفي خاااالص وبالتالي غيرتها كانت ب 800 جنيه ولما سألت عليها بره كانت بنفس السعر ده ..فبصراحه انا عن نفسي مشفتش منهم حاجه وحشه بتاتاً ويوم ما اشوف أكيد هاقولكم .....