المشاركة الأصلية كتبت بواسطة theking_med
انت رحت من كام يوم توكيل المصريه في قليوب....؟ طيب مش تقول نروح سوا ممكن يعمولولنا تخفيض...
انا بقي كنت النهرده هناك من 9 الصبح لحد ما قفلت معاهم التوكيل ومشي الباص اليبياخد العمال
مع اني مكنش فيه ناس كتير بتعمل صيانه وكنت انا من الأوائل بس عشان الحاجات الكتير الي كانت عندي في العربيه والفاتوره الطويله العريضه .....:s
عمومتا لو تحبوا لو انا هتكلم عن مميزات وعيوب المصريه او الرواس من وجه نظري وللعلم بالشئ
انا عربيتي تقريبا اغلب الحاجات الي اعرفها والي حسيت انها عاوز تتغير او بمعنى اصح اتأكدت انها عاوزه تتغير بس برضوا العربيه مش مظبوطه وفيها حاجات كتير بس انا مش عارفها
عيوب الرواس او المصريه
1- حسيت هناك انهم عاوزين يغيروا كل حاجه في العربيه حتى لو ينفع تتصلح عندهم....:s
2 - اول حاجه يقولولك تغيرها "تيل الفرامل" سليم مش سليم تيل الفرامل.. تيل الفرامل... طيب تيل الفرامل بكام ياعم الحج 450 +90 جنيه انا شفت ال 4 ديه وقلتلوا لالا مش هغيروا ده بره بيبدا من 50 لحد 150 جنيه يعني اغيروا 3 مرات طيب ايه حكايت ال 90 جنيه ديه ديه خرط الطنابير طيب اخرطي الطنابير بس لالا ياهما الاتنين "لاللللللللللللزم مع بعض" حسيت اني بيجوا في كرتونه واحده..:s رحت مكنسل الموضوع ده نهائي وطبعا حاجات تاني في العفشه وانا مفهمش قوي فيها واهم حاجه عندي العفشه خلتهم يغيروها كلها
مميزاتوا
1- تلاقي عندوا من الابره للصاروخ للعربيه زيت الفتيس cvt دورت عليه كتير جدا والي يعرفوا والي ميعرفوش ده حتى فرع الكتكات ميعرفش عنوا حاجه ولما رحت سألتوا في مره قعد يضحك المهندس ولا هوا فاهم حاجه والحمد لله بمساعه الاعضاء قدرت اعرف توكيل قليوب وغيرتوا قبل كده
ملحوظات شخصيه....هوا توكيل دايموند على حد علمي دافع مبالغ طائله عشان ياخد العلامه التجاريه او التوكيل في مصر توصل للملاين...؟ توكيل الرواس او المصريه مش بيدفع المبلغ ده المفروض يقلل من اسعار قطع الغيار والصيانه بمايعادل المبلغ ده... مش يكون مقارب لتوكيل دايموند
ده ملخص بسيط للأحداث الي حصلت معايا بس ...اخيرا العربيه بجد بعد التوكيل اتحولت وبقيت كأنها جديده والحمد لله اسبكم مع الفاتوره .. وقائمه المصنعيات
المفضلات