الموضوع: مسافر السعوديه باذن الله ومحتاج نصائحكم

في موضوع التامين الطبي ده قولهم التامين هيبقى انهي فئة لان هنا التامين بيتقسم فئات vip, a, b, c

وانصحك بلاش c لان ده بتاع العمال ومش هيغطي مستشفيات هيغطي بس مستوصفات.

لو في حاجة كلمني وفي كل الاحوال تابعني قولي انت هتيجي امتى وموضوع اللاب توب والباقي انا هظبطهالك ان شاء الله

ان شاء الله بالتوفيق و ربنا يكرم حضرتك , حاول بقدر الامكان تحدد مبلغ معين لمصاريف الاكل و الشرب و تشيل الباقى عشان تحس بفايدة للغربة و ربنا يوسع رزقك

تيجى بالسلامة
وفعلا الاخوة قالوا اهم الحاجات
زى لو ليك دواء معين بتستخدمة كتير زى الحموضة او كريمات معينة تجيبة من مصر احسن ومتزوش اوى فى كمية الادوية علشان الصلاحية,,
و تحاول تكون كل بنود عقدك واضحة و متجيش على وعود

السلام عليكم ورحمة الله وبركاته

أول شىء تروح بألف سلامة أستاذ مصطفى
تانى شىء يمكن أنا دخلت الموضوع لأن يهمنى اقول لحضرتك حاجة مهمة وهي:ـ
1ـ لازم تكون هادي على قد ما تقدر لأنك هتتعامل مع ناس مختلفين عنا فى كل شىء
2ـ مهما شفت قدامك من تصرفات إوعي تنتقدها خاصة إذا كانت عامة
3ـ مش أى حد تكلمه وتثق فيه خلى علاقتك بالكل كويسة لكن فى حدود لغاية ما يبانلك بمرور الوقت مين فعلا اللى مخلص ليك وانسان محترم
4ـ كلما استقليت في سكنك ومعيشتك كان ده أفضل بكتير ليك وبيقلل من المشاكل اللى بتصادفها
5ـ موضوع الأكل والشرب ده له حل من اتنين اولهم:ـ اذا ليك فى عمل الاكل وبتعرف فده هيرحمك من أكل المطاعم وهيوفر معاك برضه كتير لأنك مع أول كل شهر هتجيب حاجاتك بالجملة وده هيفرق معاك برضه فى السعر...وتانى حاجة لو حضرتك مش بتعرف تعمل اكل يبقى فيه مطاعم خاصة للعزابي هتشترك فيها بالشهر
وهما هيوفرولك الغداء والعشاء وبرضه بالشكل ده هيكون احسن والسعر معقول
6ـ الاتصال بأهلك عن طريق النت هيخليك تكلمهم يوميا وعلى راحتك ومش هتتكلف كتير زي ما يكون بالتليفون او موبايل
يمكن دي النصايح اللى اقدر اقولها لحضرتك من خلال خبرتي هنا فى الخليج مع أهلي
وإن شاء الله ربنا يوفقك ويصلح أحوالك وييسر كل أمورك
برعاية الله وحفظه
توتاااااااا

المشاركة الأصلية كتبت بواسطة m.moustafa

في موضوع التامين الطبي ده قولهم التامين هيبقى انهي فئة لان هنا التامين بيتقسم فئات vip, a, b, c

وانصحك بلاش c لان ده بتاع العمال ومش هيغطي مستشفيات هيغطي بس مستوصفات.

لو في حاجة كلمني وفي كل الاحوال تابعني قولي انت هتيجي امتى وموضوع اللاب توب والباقي انا هظبطهالك ان شاء الله

الله يخليك يامحمد
متشكر جدا على ذوقك وعلى تعبك معايا
انا حابقى اتاكد من الحاجات دية وحاتابع معاك اول باول ان شاء الله
ياريت برده تبعتلى ايميلك والاكونت بتاعك على الفيس بوك

المشاركة الأصلية كتبت بواسطة alaasaid

ان شاء الله بالتوفيق و ربنا يكرم حضرتك , حاول بقدر الامكان تحدد مبلغ معين لمصاريف الاكل و الشرب و تشيل الباقى عشان تحس بفايدة للغربة و ربنا يوسع رزقك

ان ىشاء الله يااستاذ علاء

المشاركة الأصلية كتبت بواسطة elrasy

تيجى بالسلامة
وفعلا الاخوة قالوا اهم الحاجات
زى لو ليك دواء معين بتستخدمة كتير زى الحموضة او كريمات معينة تجيبة من مصر احسن ومتزوش اوى فى كمية الادوية علشان الصلاحية,,
و تحاول تكون كل بنود عقدك واضحة و متجيش على وعود

انا عندى دوا باخدوا باستمرار علشان سقوط الشعر وده حاضطر اجيب منه كمية تكفى السنه وحيكون غالى طبعا ومبلغ بس للاسف مضطر لانى حتى لو فيه تامين طبى محترم مش حيغطى حاجه زى دى

المشاركة الأصلية كتبت بواسطة totaa

السلام عليكم ورحمة الله وبركاته

أول شىء تروح بألف سلامة أستاذ مصطفى
تانى شىء يمكن أنا دخلت الموضوع لأن يهمنى اقول لحضرتك حاجة مهمة وهي:ـ
1ـ لازم تكون هادي على قد ما تقدر لأنك هتتعامل مع ناس مختلفين عنا فى كل شىء
2ـ مهما شفت قدامك من تصرفات إوعي تنتقدها خاصة إذا كانت عامة
3ـ مش أى حد تكلمه وتثق فيه خلى علاقتك بالكل كويسة لكن فى حدود لغاية ما يبانلك بمرور الوقت مين فعلا اللى مخلص ليك وانسان محترم
4ـ كلما استقليت في سكنك ومعيشتك كان ده أفضل بكتير ليك وبيقلل من المشاكل اللى بتصادفها
5ـ موضوع الأكل والشرب ده له حل من اتنين اولهم:ـ اذا ليك فى عمل الاكل وبتعرف فده هيرحمك من أكل المطاعم وهيوفر معاك برضه كتير لأنك مع أول كل شهر هتجيب حاجاتك بالجملة وده هيفرق معاك برضه فى السعر...وتانى حاجة لو حضرتك مش بتعرف تعمل اكل يبقى فيه مطاعم خاصة للعزابي هتشترك فيها بالشهر
وهما هيوفرولك الغداء والعشاء وبرضه بالشكل ده هيكون احسن والسعر معقول
6ـ الاتصال بأهلك عن طريق النت هيخليك تكلمهم يوميا وعلى راحتك ومش هتتكلف كتير زي ما يكون بالتليفون او موبايل
يمكن دي النصايح اللى اقدر اقولها لحضرتك من خلال خبرتي هنا فى الخليج مع أهلي
وإن شاء الله ربنا يوفقك ويصلح أحوالك وييسر كل أمورك
برعاية الله وحفظه
توتاااااااا

متشكر جدا لنصايحك المهمه دى
انا الحمد لله ست بيت شاطره اوى هههههههههههههههههههههه
وباطبخ كويس وان شاء الله حاعمل كل حاجه لنفسى

المشاركة الأصلية كتبت بواسطة m7amd_7amdy

ربنا يكرمك ويوفقك يامصطفى باشا وإن شاء الله تكون مستريح فى شغلك الجديد :)

وأوعى تنسانا :)

الله يخليك يااستاذ محمد وانا عمرى ما انساكم ابدا
ده انا حتى كنت فى دمياط امبارح من الساعه 1 ومروح الساعه 9 بليل لانى مستنى دكتور العيون ييجى من مصر وكان نفسى يكون معايا تليفونك علشان اعدى عليك فى المحل بس محصلشى نصيب للاسف

هبعتهملك على الخاص وصدقني متخفش من موضوع الاكل ده نهائي لان سيادتك بكل بساطة ممكن تاكل غدا محترم ب 12 ريال الا وهوا البيك او وجبة مندي او مظبي يعني حتى لو معندكش وقت تطبخ ممكن تجيب الاكل ده وتجيب من السوبر ماركت حاجاتك بقى العادية للفطار والعشا اللي هيا الجبن الزبادي والحاجات دي برضه مش غاليه.

بس هنصحك نصيحة الشباب نصحوك بيها ان يكون ليك هدف من المجي هنا ومتبصش لحد لانك هتلاقي في حاجات حواليك كتير قوي ومغرية للصرف ولو سبت نفسك ليها مش هتحوش ريال واحد.

انا بقالي هنا سنة اهو محوشتش فيها ريال واحد بس انا معايا مراتي وبنتي عشان كده مصاريفي كتيره.

حاجة كمان مع اني عارف ان الشركة عندك هنا مش هتوافق عليها بس حاول تسال عليها لو لا قدر الله بعد العقد ما يخلص اللي هوا السنتين وانت مش عايز تكمل معاهم او العكس هما مش عايزينك هيبقى ايه الوضع هيدوك نقل كفالة ولا لاء

تروح وترجع بالف سلامه يا مصطفى
متنساش تدعى لنا هناك فى الحرم