الموضوع: مسافر السعوديه باذن الله ومحتاج نصائحكم

حضرتك انا دخلت مكة المكرمة من سنة 2002 كنت باجلس سنتين وانزل اجازة حتى سنة 2008 ودلوقتى معايا تأشيرة حرة بروح كل 6شهور اجدد التاشيرة وانزل مصر تانى

أول حاجة مهما مصر كانت ظروفها صعبة حصلتك مشاكل مرت عليك صعاب أول ماتنزل وتكون رجلك هناك هتحس ان مصر بلدنا لا مثيل لها

حاول تحط هدف قدامك عشان تحققه وتنزل وتنهى الرحلة مهما كانت طويلة او قصيرة فانها رحلة الاكل هناك ميسر فى كل المستويات البيك عندك فى العكية والعزيزية الشمالية والعتيبية محلات الاكل منتشرة المية هناك لازم تشترى ميه معدنية فى عربيات بتعدى على السكن ممكن تملى شراكن كبيرة برده ميه صالحة للشرب الجو فى الصيف حر واغلب السنة صيف ممكن شهر واحد تحس بالبرودة طبيعة البد صخرة هتلاقى مطالع عمرك ماشفتها البلد فى رمضان والحج زحمة لا تطاق بعد الحج البلد جميلة جدا ممكن تروح تعمل عمرة براحتك كل اسبوع او شهر

لا تتكلم فى السياسة مهما انفتح موضوع قدامك وخصوصا هتلاقى تعاطف كبير جدا مع النظام السابق
احذر فى بداية وصلك الاخوة المصريين الى شغالين معاك لغاية ما تعرف كل واحد على حق

وانا تحت امرك فى اى مشورة

المشاركة الأصلية كتبت بواسطة m.moustafa

هبعتهملك على الخاص وصدقني متخفش من موضوع الاكل ده نهائي لان سيادتك بكل بساطة ممكن تاكل غدا محترم ب 12 ريال الا وهوا البيك او وجبة مندي او مظبي يعني حتى لو معندكش وقت تطبخ ممكن تجيب الاكل ده وتجيب من السوبر ماركت حاجاتك بقى العادية للفطار والعشا اللي هيا الجبن الزبادي والحاجات دي برضه مش غاليه.

بس هنصحك نصيحة الشباب نصحوك بيها ان يكون ليك هدف من المجي هنا ومتبصش لحد لانك هتلاقي في حاجات حواليك كتير قوي ومغرية للصرف ولو سبت نفسك ليها مش هتحوش ريال واحد.

انا بقالي هنا سنة اهو محوشتش فيها ريال واحد بس انا معايا مراتي وبنتي عشان كده مصاريفي كتيره.

حاجة كمان مع اني عارف ان الشركة عندك هنا مش هتوافق عليها بس حاول تسال عليها لو لا قدر الله بعد العقد ما يخلص اللي هوا السنتين وانت مش عايز تكمل معاهم او العكس هما مش عايزينك هيبقى ايه الوضع هيدوك نقل كفالة ولا لاء

انا مستنيك الاكونتات بتاعتك على الخاص
اكتر حاجه مخوفانى هناك انى معرفشى الم نفسى فى المصاريف لانى بعانى من ده فى مصر

موضوع نقل الكفاله والكلام ده انا مش حاقدر اسبق الاحداث دلوقتى خصوصا ان لسه ماسفرتش حتى وحاسيب الامور دية مستقبلا لما اشوف الوضع هناك ايه

المشاركة الأصلية كتبت بواسطة wesam_salom

تروح وترجع بالف سلامه يا مصطفى
متنساش تدعى لنا هناك فى الحرم

الله يسلمك ياوسام
ان شاء الله الدعوه تكون مستجابه

المشاركة الأصلية كتبت بواسطة mohamedfadel

أخوك يعمل بمكة المكرمة منذ 4 سنوات في احدي الفنادق القريبة من الحرم المكي الشريف
أنا تحت أمرك في أي أستفسارات أو عندما تصل بإذن الله تواصل معي
0505984612
0560718564

الف شكر استاذ محمد انا سجلت النمره

المشاركة الأصلية كتبت بواسطة أبو صلاح

هقول تاني علشان الرد ماتبعتش
ونصيحة ضروري لازم تعرفها وعن تجربة اليوم

تأكيد على كلام الاخوة عن التأمين
اولا اجباري على صاحب العمل أنه يأمن عليك وده قانون العمل عندهم
تقريبا أفضل شركة التعاونية ودول اللي انا تبعهم من حيث الانتشار والتغطية على المملكة كلها
انا مكنتش اعرف انه متأمن علي انا وزوجتي في أقل فئة
رحت اليوم اكشف عيون على زوجتي في مستشفى سليمان الحبيب (الناس اللي قاعدة في الرياض يعرفوها كويس)
داخل زي الباشا بطلع كارنيه التأمين قالي مش مغطي لانه أقل فئة ولا يغطي غير نسبة 80% من مستوصفات وأخصائيين فقط
المهم طبعا كنت لازم ادفع كشف
دفعت 265ريال يعني 425 جنيه مصري
ده لسه بخلاف الدواء اللي لسه معرفش سعره

طبعا رجعت الشغل كنت عايز اطلع مصارين الكفيل بسبب الورطة دي
واخد الكارنيه وقالي هعليه

المقصد من القصة
حاول يكون تأمينك على أعلى فئة أو اللي اقل منها
ولو شروط العمل عندك ما تسمحش تعالى نفسك وعليها على حسابك
هتفرق جدا

مع تمنياتي لك بدوام الصحة

كان في حاجة تانية عايزك تعرفها وهي لو ربنا كرمك وحبيت تجيب اسرتك معاك ايه المزايا اللي هتاخدها زي السكن العائلي والتأثيث وتذاكر السفر والتأمين عليهم وخلافه

متشكر على النصايح الغاليه دى يا ابوصلاح
ربنا يسهل وتطلع شركه محترمه بتامن صح على موظفينها ولو ماكنشى كده ححاول ان شاء الله اعلى الفئه

المشاركة الأصلية كتبت بواسطة شريف شعبان السيد

حضرتك انا دخلت مكة المكرمة من سنة 2002 كنت باجلس سنتين وانزل اجازة حتى سنة 2008 ودلوقتى معايا تأشيرة حرة بروح كل 6شهور اجدد التاشيرة وانزل مصر تانى

أول حاجة مهما مصر كانت ظروفها صعبة حصلتك مشاكل مرت عليك صعاب أول ماتنزل وتكون رجلك هناك هتحس ان مصر بلدنا لا مثيل لها

حاول تحط هدف قدامك عشان تحققه وتنزل وتنهى الرحلة مهما كانت طويلة او قصيرة فانها رحلة الاكل هناك ميسر فى كل المستويات البيك عندك فى العكية والعزيزية الشمالية والعتيبية محلات الاكل منتشرة المية هناك لازم تشترى ميه معدنية فى عربيات بتعدى على السكن ممكن تملى شراكن كبيرة برده ميه صالحة للشرب الجو فى الصيف حر واغلب السنة صيف ممكن شهر واحد تحس بالبرودة طبيعة البد صخرة هتلاقى مطالع عمرك ماشفتها البلد فى رمضان والحج زحمة لا تطاق بعد الحج البلد جميلة جدا ممكن تروح تعمل عمرة براحتك كل اسبوع او شهر

لا تتكلم فى السياسة مهما انفتح موضوع قدامك وخصوصا هتلاقى تعاطف كبير جدا مع النظام السابق
احذر فى بداية وصلك الاخوة المصريين الى شغالين معاك لغاية ما تعرف كل واحد على حق

وانا تحت امرك فى اى مشورة

شكرا على النصايح استاذ شريف

انا بجد باشكر كل اعضاء نايل موتورز لانى مكنتشى متوقع الموضوع يبقى فيه كل كمية الردود دية

بس سؤال بخصوص التحويلات انا عاوز احول مرتبى اول باول على مصر وابقى بس مصاريفى
انا عندى حساب فى البنك الاهلى هنا هل حاحتاج اجهز حاجه قبل ماسافر ولا كده خلاص وممكن احول على الحساب ده

افتح يا مصطفى حساب في cib بالدولار واول ما توصل روح تحويلات الراجحي مش بنك الراجحي واديهم رقم حسابك بتاع cib هتلاقي الفلوس في حسابك تاني يوم ان مكنش نفس اليوم كمان وهما عاملين اتفاقية مع cib فمش بياخد رسوم تحويل كبيرة