الموضوع: ايهما افضل لزيت الفتيس ليكوى و لا فالفولين

المشاركة الأصلية كتبت بواسطة bassem.naguib

طبعاً وبدون شك البي واي دي .. والسيارات الصينية بصفة عامة بتديك أحسن مقابل أمام ما تم دفعه فيها من فلوس .. وده راجع لأسباب كتيرة .. بس في نفس الوقت هي مش الأحسن في السوق وإلا كنا نقول للألماني والياباني راحت عليكي يا زوزو .. وإن كنت متوقع أنه حيحصل في يوم من الأيام .

المهم فتيس اللانسر مش مطابق تماماً لفتيس البي واي دي .. وذلك لوجود فيشة حساس زيادة في البي واي دي .. ولذلك بيتاخد قلب فتيس اللانسر ويتحط في فارغة فتيس البي واي دي (كلامي من واقع قراءات وليس شيء مؤكد) .

الفكره مش كده و بس ,, و لاء كمان مدى توفر هذا الفتيس و سعره فى السوق

انا بيتهيئلى ان حاجت الميتسوبيشى مزروته و فى كل حته ,, يعنى الفتيس ده سهل تلاقيه حالته كويسه بسهوله

و كمان سعره بيتهيئلى نسبيا كويس ,, مقارنه بفتيس الرينو الفرنساوى مثلا

بس ان شاء الله مش حنوصل لكده ,, لا "قلب" فتيس و لا فشه و لا كبده و لا كلاوى

عايزينك بس يا استاذ باسم تخلى عميلك السرى 007 اللى حيجرب الابرو يشهل شويه و يقولنا ايه الاخبار و شوف هو عايز ايه و احنا ممكن نساعده ,, بس ما يدلعش علينا اوى

و عايزين أى معلومات عن عربيته ,, موديل كام ,, ماشى اد ايه ؟ ,, جرب يحطلها ايه قبل كده و منفعش ؟ ,, ناوى يحط الابرو امتى ؟ و حيغير زيت فتيس فين ؟؟

أى حاجه كده لحسن الموضوع نام خالص

و علفكره ,, الرابط بتاع ابو جنى ,, كان بيتكلم اكتر على إضافة الابرو على الموتور و ليس الفتيس ,, و بعدين ,, لازم اللى جربه يكون على عربيه بى واى دى برده فيها نفس المزعجات و يقولنا رأيه بدقه

يعنى مثلا ممكن الابرو يضيع الونه و ده بيتهيئلى الى حيحصل لكن مش شرط يعرف يضيع العضه و الخشونه و ده برده متوقعه بس مش عايز اتشائم