الموضوع: تقرير مصور لصيانة 40,000 كم للألنترا md (الجزء الاول : المطار الكوري)

المشاركة الأصلية كتبت بواسطة formulator

هههههههههههههههههههه
وهو حد قالك ان الألمانى أو الأوروبى مابيعطلش؟!!
- أمال انا بقولك بنحاول نلتزم بجدول الصيانات ليــــــه؟؟ عشان ماتعطلش! Lol
هههههههههههه

بس بجد
- البوجيهات الـiridium رقم#1 فـ العالم: الشركة بتقول يتير على 30-40 ألف iirc
ngk نفسها اللى عاملة البوجية بتقول بيقعد لحد 60 ألف كم فـ العربيات التربو! تمام

أنا قعدته 7-8 آلاف زيادة بس.. عادى مفيش مشكلة لحد دلوقتى - انت مش متخيل الفرق فـ إستهلاك البنزين والسحب بعد ماغيرته؟؟!!!
(للأسف ثمنه 550 جنيه بالضريبة)!

نفس الكلام البوش laser فـ الـtsi ومواتير البيجو-bm الجديدة!

شوف:
- فيه فرق ان العربية تشتغل عادى -- بعد إنتهاء العمر-الإفتراضى للقطعة...
- وبين انها تفضل شغالة بنفس الكفاءة؟!!! مستحيـــــــــــــل!

العربيات الكورى بقى
عشان هى أصلا مش معقدة :) مابتفرقش كتير حالة القطع دى من أول عمرها لآخره؟!!
هههههههههههه




أعتقد زى مابقولك ياكبير!

هو البوش اللى فـ العلبة نتيجة ان سن التروس متآكل؟!!
- خد بالك بردو:
فيه زى رينجات/جوانات teflon كده عـ النقطة بتاع الـrack/pinion وعـ الأطراف عند البارات الداخلية (البيضة) فـ طرف القطمة:
دول لما يوسعوا أو فيهم بوش بردو-- بيخلوا الدركسيون خفيف (مش العكس!) ومابتضبطش زوايا بسهولة؟!!
- المهم يبقى البارات تمام والعفشة قدام سليمة (جلب-مقصات ومساعدين وتيش ميزان)..

(وممكن اللى حصل مع المهندس سمير ان بيض البارات خفيف مش محكوم؟) غير عيب العلبة؟!!

وبصراحة 1000 جنيه لعلبة دركسيون (باور كهرباء) مش كتير أبدا؟!! دا كده رخيصة جدا؟!
فـ البونتو (مش الجولف ولا البرافو) ثمنها 7000 جنيه ألمانى من التوكيل!

rgds،

شوف يا معلم ..
بغض النظر عن تريقتك علي الكوري لكن فعلا انا عايز أخد رأيك في موضوع البوجيهات ده :
- دلوقتي هل البوجيهات اللي بتنزل مع العربية أو أي موتور أستيراد بتختلف فعلا في نوعيتها و جودتها عن البوجيهات اللي بنشتريها من السوق ؟
هأقولك أنا ليه بأقول الكلام ده و خايف أغير البوجيهات مع العلم أن كتالوج العربية مكتوب فيه فعلا مش قبل 60,000 كم و ممكن 90,000 كم لو نيكل و 120,000 للأيريديوم
في الياريس قبل كده العربية كانت بتجري و سحبها ممتاز و كنت بأجيب بيها ال 190 بسهولة
في صيانة ال 20,000 غيروا البوجيهات و كعادتي بعد كل صيانة بأطلع بالعربية سفرية من بتوعي و كنت علي طريق بورسعيد - دمياط الساحلي و الطريق فاضي تماما و أحاول أجيب بيها ال 190 أبدا رأسها و ألف ..... أنها ماتعدي ال 180
لكن الالنترا (بسم الله ماشاء الله) بعد كل صيانة بأطلع بيها طلعة علي طريق فاضي و أجرب العربية بتجيب نفس السرعات و بتحقق نفس معدلات أستهلاك البنزين (صدق أو لاتصدق) انا بأقولك عن تجربة مش كلام نظري
أنا بجد محتاج رأيك؟ و هل لو هأغير البوجيهات علي 60,000 كم زي ما انا ناوي أجيبها من بره مصر و لا فيه حد مضمون هنا و لا أجيبهم من التوكيل ؟
اما عن الجزء الثاني من كلامك عن علبة الدريكسيون , المشكلة اللي كانت معايا مجرد خبطة بتحصل في النقر فقط و في جنب واحد هو الجنب اليمين
لكن العربية كانت مظبوطة جدا و زواياها مظبوطة و مافيش أي مشكلة في التوجيه أو أختلاف
و الواقعة اللي حصلت علي طريق السويس دي أنا كنت فاكر أنها من تأثير التورشن بيم و علي فكرة انا قولت لهم في التوكيل علي الواقعة دي و العربية المرة دي أتكشف عليها كويس جدا و مافيش غير موضوع العلبة و فعلا الصوت راح
ياريت بقي نبقي نعمل موضوع عن علبة الدريكسيون و بالصور و نشرح فيه للناس الكلام ده و العيوب اللي ممكن تظهر فيها و علاجها
انا بصراحة كنت ناوي أعمل كده لكن لايفتي (بضم الياء) و مالك في المدينة (قصدي في هيونداي عندنا - ههههههههههه)
و متشكر جدا علي مشاركاتك القيمة و تعبك معانا

المشاركة الأصلية كتبت بواسطة samir elshahawy

و بعدين بتتكلموا عن الألنترا اللي بتغير علبة دريكسيون بعد 40,000 كم في طرق مايعلم بيها ألا ربنا و نسيتوا :

- الفولكس فاجن الألماااااااااااااااني اللي بتغير فتيس و هي لسه خارجة من المعرض هههههههه
- الكورولا ال أم أم تي (الصانع الأول في العالم) اللي كانت بتغير الفتيس أكثر من تغيير الزيت و الفلاتر
- النويوتا الكورولا اللي تم سحبها من أسواق العالم (ماعدا مصر) علشان مشكلة دواسة البنزين
- الياريس موديل 2008 اللي المساعدين كانت بتطقطق و تجيب زيت بعد 10,000 كم و توكيل تويوتا مصر المحترم أوي كان بيقول لأ عادي و فضل ينيمنا لحد ماغيرها في صيانة ال 60,000 كم بخناقة
- البي أم الألمااااااني برضه اللي كاوتشها ضرب من غير ما الانذار يشتغل و صاحبها رفع قضية علي البافارية و كسبها
- أسكودا أوكتافيا اللي كانت بتجيب عمود كرنك و كومبرسور تكييف قبل 10,000 كم و التوكيل في مصر كان عامل ودن من طين وودن من عجين و الشركة الام قالت للناس هنا ماليش دعوة
- و لا الميجاااااااااااااان الفرنسااااااااوي و مشاكلها اللي كرهت الناس في حاجة أسمها رينووووو
- و لا الفياااااااااااات و توكيلها في مصر


و لو الكوري باظ بعد 40,000 كم اهو علي حد كلامكوا عربيات زبالة و شركات لسه مبتدئة و بتتعلم
الدور و الباقي علي الشركات صاحبة التاريخ و حضارة ال 7,000 سنة لما عربياتها تظهر فيها عيوب بعد 10,000 كم

ياباشا .. لا تعايرني و لا أعايرك الهم طايلني و طايلك

كلام زي الفل يا هندسه
بس ايه بقى موضوع الميجان اللي كرهت الناس في حاجه اسمها رينو
نورني يا كبير ربنا يباركلك اصل انا بفكر اشوف واحده يوزد ومش عاوز البس صحيح قدامي كام شهر كده بس كنت بفكر في الميجان جداً