ربنا معاكى فى محنتك يارب , ويعديها على خير
هو طبعا لو شوفنا القصة بتاعتك دية هتكون كالتالى :
1- الاب طبعا غلطان ان يجوزك لراجل اكبر منك ب28 سنة , طبعا دة فرق سن مش هين والتفكير غير التفكير والطباع مختلفة , انتى متجوزة وسنك 17 سنة يعنى سن بنت عايزة تفرح بحياتها وتعيش قصة حب , وتتخطب وتتجوز اللى بتحبة وتشوف الدنيا وتخرج وتتمتع بالدنيا
- بس فى النهاية حصل واتجوزتى
وتقولى الحمد لله ان ربنا بردة كانت رحمتة واسعة ان جوزك طلع ( مش بيضرب - مش بيشتم ) وبيكلمك بالراحة وبهدوء
وانتى بتقولى ان ظروفة المادية ماتسمحش , ان ينفذ وعودة , وحالتة المادية مش مستقرة وصعبة , يعنى طبيعى مايقدرش ينفذ وعودة انة يجيبلك شقة او يسفرك , فالمفروض تقفى جنبة لحد مايعدى المحنة دية وساعتها تبقى انتى عمتلى بأصلك وتربيتك , والدور والباقى علية هو يثبت انة كمان اصيل وينفذ وعدة
2- انتى ربنا رزقك ببنت ربنا يخليهالك وتربيها وتديها كل اللى اتحرمتى منة , وهية دية اللى المفروض تعيشى عشانها حتى لو كنت كارهة الحياة مع زوجك , لازم بنتك تتربى مع والدها ووالدتها , بتفرق جامد جدااا مع الطفل
3- كل اللى اقدر اقولة لازم تقعدى مع زوجك يحاول يحققلك جزء من طلباتك بحيث تخرجى من جو الزهق اللى انتى فية
ولو هو متدين فعلا , كلمية بالدين , وهاتى احاديث عن الرسول صل الله وعلية وسلم , لعلة يتعظ , ويعرف ان اللى بيعملة دة غلط , وماينفعش الواحد يحبس حد كدة بدون وجة حق
وان شاء الله هتلاقى هنا اخواتك واصدقائك , تكلمى وتفضفضى وان شاء الله تخرجى من اللى انتى فية , ونهون عليكى شوية
المفضلات