الموضوع: مشكلتي مع جوزي معقدة ياريت القى حل مناسب

طبعا موضوع انك تسافري وتسيبي جوزك وبيتك وتهربي مش مظبوط أبدا !!
انتي دلوقتي واقع عليكي شيء من الظلم والقهر
لكن بالصبر والاحتساب يتحول الظلم والقهر دا لثواب واجر وفرج من عند لله
يمكن لا يكون في الدنيا والله عزوجل مدخرة لكي في الاخرة

تقربي الي الله بالطاعات وادعوة ان يرزقي الصبر وان يفرج كربك وهمك ويهدي لك زوجك
وتفكري دائما ان الانسان دائما مبتلي وكلما ضيق الله علي العبد فهو يريد له الخير وينظر ايحتسب ام يجزع
فاحتسبي واصبري مع التقرب لله بالطاعات والدعاء بفك الكرب

ولا تنسي فتح سبيل للتحاور مع زوجك بالتي هي احسن مع الدعاء له لعل الله يحدث بعد ذلك أمر

فاصبري فالصبر هو جماع كل شيء والله عز وجل يجازي علي الصبر بما لا يجزاي علي غيرة فهو جماع كل شيء
اصبري واحتسبي وتقربي لله بالطعات واشغلي اوقاتك بحفظ كتابة والتفقة في دينة تكوني من السعداء

المشاركة الأصلية كتبت بواسطة egyptiandiver

السلام عليكم،
يلا نواجه الواقع... حضرتك عمرك كله في المملكة و أسرتك دلوقتي سعودية و مالكيش حد في مصر فعلياً، و من كلامك و اعذريني شكل والدك تعليمه محدود و ظروفه المادية على قده للاسف... الامر لله، طيب نتصرف ازاي دلوقتي؟ أنا لو منك اسعى فوراً عشان جوزي يقدملي على الجنسية السعودية و بالتالي يكون من حقك تشتغلي أي مهنة نسائية،،، و تشتغلي و تتعلمي بشكل سلس أكتر و هما بيدو الجنسية السعودية على حد علمي للحالات إلي ذي حضرتك و يمكن تاخد وقت يا ريت تتأكدي من الإجراءات. المملكة فيها فلوس كتير و ممكن تلاقي شغل في مشغل نسائي أو كوافير حريمي أو أي شغلانة مش محتاجة تأهيل قوي يعني و دة هيفيدك كتير... 1- هتخرجي من حالة الخنقة إلي بتمري بيها 2- هتكتسبي خبرات مختلفة في الحياه 3- هتسبيلك قرشين يمشولك حالك، و حولي تشيلي قرش. أما تخدي الجنسية السعودية و يمكن يساعدك زيادة إن عندك طفلة من زوج حضرتك السعودي، سعتها قدمي في أي جامعة حكومية، مبدئياً مش هتدفعي رسوم دراسية و أنا فاكر إن الدولة في المملكة بتشجع الطلبة و بتصرفلهم حوالي 900 ريال شهرياً تشجيعاً على تحصيل العلم! و بعد كدة حضرتك تختاري أي مجال دراسة جامعية تحبي تتخصصي و تكملي فيه وليكن كلية الآداب قسم لغة إنجليزية مثلاً، و ممكن برضه و إنت في الجامعة تخدي كورسات كمبيوتر و تقدم في الحكومة أو القطاع الخاص يا ستي... الدنيا هنا بصراحة في مصر مش أمان زي الأول فيه سرقات مسلحة و فراغ أمني كلنا بنعنيه و عايشين فيه... و عشان فيه مشاكل سياسية و أمنية الكل عارفها و عايش فيها... فده بيخلي الناس كل الناس تقريباً يكون عندها خوف من المستقبل،،، النتيجة برد إن كل الناس بتصرف أقل و تحتفظ بالسيولة المادية، يقولك منعرفش بكرة في إيه؟ المصانع و الشركات تبيع أقل بكتير من الاول،،، و بعد كدة نخش في مرحلة غلق الانشطة و تسريح العمالة بكمية كبيرة، طيب الناس دي بنئدمين زينا و عليهم مصاريف و مش لايين شغل، للاسف في منهم ابتدى ينحرف و يمشي في كل الطرق الغلط! و حضرتك أما تشرفي مصر معلش يعني مين يصرف عليكي و على بنتك؟ و المصريين خريجين جداد و ناس عندها خبرة و مش لاقيين شغل... و حضرتك معلش يعني بمستوى ثانوية عامة و كمان من السعودية! إلي احنا كمصريين بنبصلهة انها أقل في المستوى من شهادتنا الثانوية، هيشغلوكي إيه يعني و بكم؟ و دة أصلاً لو لقيتي! فكري في إلي أنا كتبته براحة هتلاقي كلامي معقول إلى حد كبير، و خلي بالك أنا كنت اشتغلت في المملكة لحد 2004 و بالتالي عندي فكرة مش بطالة عن العيشة هناك، أنا دلوقتي بدور على وظيفة مدرس إنجليزي في مدرسة عالمية في السعودية، بس مش عارف أنهي مدارس بترضى تاخد مصريين كمدرسين إنجليزي أو حتى مساعدين للمدرس البريطاني أو الامريكي، ممكن حضرتك تستفسريلي عن أسامي المدارس دي أو الموضوع دة؟ و أنا مش عوز مدارس لغات أو إلي بيسموها مدارس أهلية و الكلام دة عشان مرتباتهم تعبانة و أنا و لله الحمد مدرس مؤهل و صاحب خبرة في المدارس الدولية. أنا لما سبت السعودية كان الريال تقريباً بجنح و ربع ولا حاجة النهاردة الريال ب- 2 مصري! متنسيش إن عملتنا في مصر بتتدهور و لسه هتتدهور أكتر! علشان احنا بنستورد ضعف إلي بنصدره و الدين العام وصل أرقام مرعبة و الحكومة دلوقتي دايره تحط كمية ضرايب و جمارك ربنا يرحمنا منها... الخلاصة محدش مرتاح... لكن إلي علينا نعمله إن احنا نسعى و نحاول و أهو جوزك برضه صبور و هادي و واضح إنو بيحبك و دي ميزات مش قليلة... اشغلي وقتك بخطة جميلة و مفيدة ليكي و لبنتك و أسرتك و لمستقبلك و اعملي علاقات طيبة مع جاراتك و لو ليكي قريبات مصريات أو عربيات طيبات زيك و ربنا يعملك الصالح و ضروري تطمنينة عليكي أمانة. ربنا يعملك الاصلح إن شاء الله، أخوكي أحمد سامي.

+11111
مفيش كلام بعد اللي اتقال دا..ربنا يفك كربك ويصلح حالك.