الموضوع: مشكلتي مع جوزي معقدة ياريت القى حل مناسب

أختي الكريمة،
المرأه الذكية هي إلي بتعرف تاخد من الزوج إلي هي عاوزاه... و المرأه هي إلي بتعرف تقلب البيت جنة أو تحوله نار تحرق الجميع! لو خاطبتي جوزك بالحسنى عن إن الشغل مهم في حياتك و إن إيه فايدة الشهادة الجامعية الجميلة إلي أنا أخدتها بموافقتك و تشجيعك ليا إن ماكنش ليها ثمرة؟ و إن انتي ليكي رغبة في العمل عشان انتي عيشة في ملل شديد... و في نفس الوقت إن الدنيا غالية و إن ايد على ايد تساعد و إن الشيء مهما كان قليل فهو أكيد بيساعد مهما يكون (بالعربي كدة بلغيه انك عاوزة تساعديه في مصروف البيت) عشان انتي حاسة بيه و إن العبء المالي كتير عليه، و إن القفة إلي بودنين يشيلوه 2 و إن عندو بيت تاني مفتوح و إن الأولاد كل ما بيكبرو احتياجاتهم بتزيد مش بتقل و أولاده داخلين على سن الشباب و عاوزين كل حاجة في الدنيا و إن مفيش حاجة مضمونة في الدنيا دي و إن انتي أجنبية و خايفة مهما يكون... حصولك على جنسية المملكة هيسهلك أكيد في الشغل و كل حاجة... و تشوفي معاه الاجراءت إيه؟ و تخليه يقدملك خلي بالك الايام بتجري و ممكن يخدو وقت أو ممكن الله لا يقدر زوجك يتوفاه الله - الأعمار بيد الله و في الحالة دي نصيبك من ميراثو إيه بظبط و لا هو محلتوش حاجة؟ لازم تفهمي منه بظبط الدنيا فيها إيه؟ أو يكتبلك حاجة تأمني بيها بنتك أو أحسن يكتبلهى للبنت يعني حاجة بإسمها، عشان الله لا يقدر أما تحصل الوفاه ممكن زوجته و أولاده يخبو الميراث... معلش دول ناس و ممكن يكونو طيبين أو لأ أنا ايش ضمني؟ و شوفي شغلانة تكون كلها ستات و مفيهاش رجالة و تكوني تعرفي تمشي فيها... و بنسبة لقصة الكسوف و انك تتلبخي في معاملتك للناس، هاديكي إقتراح يناسب وضعك... روحي youtube و دوري على محاضرات في التنمية البشرية لدكتور ابراهيم الفقي أو أي محاضر أو محاضرة في مجال معاملة الناس و ازاي تطلبي إلي انتي عاوزاه و تخديه! دي حلقات ممتعة أنا عن نفسي استفدت منها و ببلاش! ها ها...و ممكن هو يوصلك الشغل أو هو يتفقلك مع سائق يوديكي و يجيبك. أما تشتغلي ممكن تلتزمي بسداد مبلغ معين في البيت أو تسديدي نص الإيجار مثلاً و دي بذات هتكون فكرة في منتهى الجمال بالنسبة لزوجك عشان هتشيل من عليه عبء شهري ثابت كبير و هتقوليله انك كدة بردو هتعفيه من كل مصاريف ملابسك الشخصية و مصاريف من أدوات تجميل إلخ... هو هيحسبهة مع نفسه و بشويش هيوافق. أهم حاجة انك تديله حنان و إهتمام و تسألي عليه بالجوال و هو في الشغل من وقت للتاني و تقوليله وحشتني يا حبيبي! و أنا أسف يعني كلنا كبار و مفيش كسوف في الحاجات دي... إستجيبي كويس جداً لطلباته العاطفية أيوا... الست لما مزجها بيتعكر بيحصلها نفور من الرجل و لا تستجيب لمطالبته في الحصول على حقه الشرعي و لا تهتم به، و إنت يمكن لفرق السن معاه و إن هو بيطلب يمكن حقه بطريقة يعني... الست بتحس انها مش رومانسية فتقول للراجل أنا مش جارية عندك.. و الكلام إلي ما منوش فايدة ده فالرجل يبتدي يعند و يقول كدة طيب و الله لا أربيكي و يعند، و كل ما انتي متطلبي منه حاجة... أي حاجة يغلس عليكي و يقرفك (عشان تبقي تعرفي تقولي لأ كويس تاني مرة!) تحب أغديك أو أعشيك إيه إنهردة أو إعمليله مفاجأة الوجبة إلي هو بيحبها و لما يحس بحنانك و اهتمامك صدقيني هيغير فكره زي ما في الاول غير فكره من ناحية تعليمك و دفع الرجل مشكوراً فلوس دورات اللغة و الحاسب و قوليله إن الرسول على حد علمي و صححولي لو كنت غلطان كان صلى الله عليه و سلم بيستعيذ من علم لا ينفع، و قوليله طب لما إنت معارض فكرة شغلي دفعت من جيبك و تعبت معايا ليه؟ إنت رجل زكي و كدة كلامك بيعارض أفعالك! انسي شوية حكاية الرومنسيه و انسي شوية حسين فهمي و يا واد يا تقيل و أفلام السبعينات دي, السعوديين عاوزين يقولو حاجة تتنفذ و "الحين"! و إن إنت مخترتيهوش و الكلام إلي كان في الماضي دة بالعكس إفتكري وقفته جمبك و ازاي هو ضحى بوقته و جهده و فلوسه عشان تكملي تعليمك و إن بيصبر عليكي و في الاول و الآخر هو بردو أبو بنتك أولاً و إلي انتي عيشة في بيته و بيصرف عليكي يبقى من وجبك انك تحترميه كفاية و تقدريه و تقليله الكلام دة و ازاي إن مقامه عالي في قلبك و صدقيني الراجل هيذوب من الحنان (إيه دة أنا بقيت شاعر ولا إيه!). أنا انسان عندي 39 سنة و عملت ناس من جنسيات كتيرة أوي و مراتي بريطانية و فاهم تأثير إلي بقلهولك بظبط يا ريت تعمليه و تطمنينة. أحمد سامي

المشاركة الأصلية كتبت بواسطة egyptiandiver

الاستاذ عمر بيطالب مشكوراً انك تعملي لجوزك هليلة! ماشي و رد الفعل المتوقع إيه يعني من الآخر؟ إيه النتيجة؟1 هيعملك مشاكل و هيعند و يعلقك و يسيء معاملتك أو 2 هيطلقك بعد وجع قلب و وش كتير... و في الحالتين دة مش من مصلحة أختنا أو من مصلحة بنتها... و الأوحش انها هتكون في وضعيتها دي: مطلقة ،تعليمها على قدها، مامعهاش صنعة تدر عليها دخل كريم تعيش منه بكرامتها هي و بنتها، معندهاش سكن ملك، و واضح تماماً معندهاش مدخرات (هتجيبهة منين؟!)، و الاسوأ للاسف الشديد لقب مطلقة! مش هي دي الحقيقة! مفيش راجل في مصر عموماً لم يسبق له الزواج و حيفضل ياخد مطلقة و بمستوى التعليم دة و وضعها انها جرة في ايدها عيل كمان! و انسى إن أبوها يقف جمبها في مصاريف أو كدة إذا كان هي بتقول إنو أخد جزء من مهرها إلي هو أساساً بسيط! و مجبتش أي سيرة عن إنو جهزها مثلاً! دة غير إن ربنا يعينو دلوقتي مريض و عاوز إلي يقف جمبو هو أصلا! الرجل المصري أو يا سيدي أغلب الرجالة المصريين مش عاوزين قصة مطلقة دي خالص، أما السعوديين بقى نظرتهم للمطلقة السعودية انها حاجة ذي و أعزوروني في اللفظ الجربة! في كمية مطلقات في السعودية بالعبيط و بتبقى متشوقة يكون ليها زوج و دة حقها الطبيعي و رغم كدة أغلب الظن محدش بيهوب ناحيتها و كأن لسان حالو بيقول: أنا مكلش من طبق كل منو غيري! أنا عارف إن كلامي تقيل... بس كلنا للاسف عارف الحقيقة بس بنحاول ندفن راسنا في الرمال! الخلاصة إن هي دي وضعية أختنا الحالية و أظن الحل إلي أنا اقترحته منطقي و عقلاني لحد بعيد،،، و دي حاجة = مكاسب و راحة، بعد ما تظبتي أحوالك بالتعليم و الشغل و تحسين الاحوال المادية و النفسية، هتقدري تروحي فنادق في المملكة و تسافري تعملي سياحة و تسوق في دبي ... في أوربا... أو أي مكان تحبيه، و هيكون ليكي أملاك إن شاء الله كمان. طب إيه البديل هترجع بيت والدك... و السعودية في الحالة دي بنسبالك هتكون سجن كبير.... طيب هترجع مصر؟! فين و منين و ازاي؟ كلام مش منطقي... إنت دلوقتي عندك أسرة و بنت جميلة الله يحرسهالك و بيت و لو بسيط و بالإيجار، فمن رأيي مطيريش إلي في ايدك و تدوري على السراب إلي يمكن ييجي و غالباً لأ. اعملي إلي في مصلحتك و مصلحة بنتك و متفكريس بعواطفك... و إلا غالباً هتلبسي في الحيط! و سعتها متلوميش إلا نفسك. أحمد سامي

يا استاذ egyptian driverراجع الرد بتاعى انا قولتلها تقول لمراته الاولانيه انه متجوز عليها وقولتلها شوفى وضعك بعد الطلاق علشان انتى خام
وكل واحد حر فى رايه
لو مش عاجبك ردى ممكن تقولها لا انصحك بانك تقولى لمراته الاولانيه ودع وجهة نظرى جانبا