الموضوع: عملت حادثه و الحمد لله

السلام عليكم يا شباب و عيد سعيد عليكم جميعا ان شاء الله

انا عاوز احكي عن الحادث الي حصل لي يوم الوقفه لاني مش فاهمه و مش فاهم سببه و ازاي حصل !!
بختصار احنا كنا نايل موتورز المنصوره في بور سعيد يوم الوقفه و رجعنا ابل صلاه العيد بساعتين عشان نصلي العيد في المنصوره و كنا عربيتين رجعين و واحده هتفضل للصبح
المهم اول ما طلعنا عل الدولي مشيين ١٠٠ ١٢٠ و ادامي عربيه نيسان تبعنا و انا وراها بحوالي ٣٠ متر في كبري صغير معدي من عل الملاحات و احنا نزلين من عليه لقينا نقر جامده جدا النقل مدمر الطريق الي ادامي مسك فرامل جامد و خد نقره المقص و المساعد اتكسرو فقد طبعا السيطره عل العربيه و لبس في عربيه تنيا عمله حادثه قبلنا بشويه و فضل ماشي و وقف في الرمل قبل ما ينزل الميه بحوالي ٤ متر العربيه ممسكتشي فرامل عل الاسفلت خالص عشان كان في زيت و الارض منديه

انا شفت الي حصل مسكت فرامل جامد جدا و محستشي فعلا ان العربيه بتهدا و شلت رجلي من عل الفرامل ابل ما انزل النقر علطول و قلت هعديهم و هيخبطو في بطن العربيه بس حصل خبط جامد تحت و لقيت نفسي في الرصيف الشمال فجأه و بعدين فكرت اني اكيد هترما يمين و ابدء الم في العربيه
العربيه طلعت عل رصيف طوله حوالي متر و ربع نقشه الكوتش الشمال مرسومه فيه كأنه كوتش كأنها مطبوعه عليه بالحبر المهم التفسير لشكل العربيه نها طارت من عل الرصيف و بعدين نزلت عل شنطتها و بعدها اتقلبت عل سقفها و فضلت مشيه فتره و اظن خبطت بردو في العربيه الي عمله حادثه ابلنا كانت ١٢٨ و اتعدلت تاني و خبطت في الرصيف اليمين و وقفت

الحمد لله اننا كنا لبسين الحزام من غيره كان زمنا موتا دلوقتي الف حمد و شكر ليك يا رب
نزلنا من الشباك و كان معانا ٢ عندهم اصابات كلمنا صحبنا الي في بور سعيد و خدنا الاثنين و انا كان في جسمي كدمات بردو رحت معاهم بور سعيد عملنا اشعه و رجعنا كان جه ونشين شالو العربيات و ركبنا معاهم و رجعنا عل المنصوره
طبعا دا اختصار الحادثه الساعه ٥ و مشينا من هناك حوالي الساعه ١٠٫٣٠ كان في احداث كتير من اهمها ان كل الي وقفو قالو ان كل يوم واحدث عل الكبري ده و بقالو كدا اكثر من سنه و ان فعلا كان في زيت عل الطريق مش عارف جه منين حسبت انو من ال١٢٨ بس عرفت بعد كدا ان كان في كذا طريق في مصر عليهم زيت فعلا
و اول ما نزلنا من العربيات لقينا لانسر بومه جايه جري ورانا و خد نقره العربيه عامت منه و كان هيلبس فينا بس ربنا سترها معاه فعلا الموقف كان مرعب لاكثر من ٣ ساعات كنا بنحاول اننا نخلي العربيات الي جيه تهدا في البي بيلبس و يركن و في الي بيدوس و يحسب اننا قطاع طرق

عموما الحمد لله عل كل شئ و الحمد لله اننا طلعنا منها سلام في اصبات بس الحمد لله مش عميقه
لكن انا ديما فعلا كنت اسمع ان السيراتو بتتقلب عل سقفها علطول و مش مصدق انا فعلا الجمبين عندي متبهدلوش العربيه كانت بتخدها شألباظ مش عارف دا ازاي و هي وزنها تقيل المفروض !!

المشاركة الأصلية كتبت بواسطة rotanamasoud

قدر الله وما شاء فعل والحمد لله انها جات على قد كده
بس نصيحه لو الطريق متعرفوش ازاى تمشى فيه 100-120 الطريق المعلوم بيفاجء الواحد سعات بمطب جديد بحفره ما بالك بالطريق المجهول

ما المشكله اصلا اني كنت ماشي ١٠٠ ١٢٠ عشان كدا كدا كنت مسقط و عاوز انام :(
الحمد لله عل كل شئ قدر الله وما شاء فعل