الموضوع: اشتريت نيسان صني (2013) أتوماتيك - العيوب - ياريت تساعدوني

المشاركة الأصلية كتبت بواسطة youssef.awad

يافندم 1000 مبروووووووووك اولا واخيرا على انضمامك لعيلتنا ملاك النيسان فى مصر ..

احب اطمن حضرتك ان اى عربية فى العالم كله اول ما بتنزل بيكون فيها ملاحظات بتظهر عند الاستعمال الفعلى فى الشوارع لم تظهر اثناء الاختبارات التى تجرى على العربية قبل خروجها لمعارض البيع .. ولكن الملاحظات دى بتكون بنسب متفاوتة
علاوة على ان اصوات تشغيل اى عربية مختلفة عن الاخرى وانا مقدر ان حضرتك وكلنا - لا اراديا - بنقارن الاصوات الصادرة عن العربية الجديدة مع عربياتنا السابقة

وعربية حضرتك هى هى نفسها بنفس المواصفات بتنزل فى السعودية ومصنعة فى الهند بنفس كاوتشات الماكسيس والشماسات المعكوسة ب57 الف ريال .. ولو ان التجميع المصرى غير جيد .. ما كانت مرسيدس وbmw الالمانية تُجمع بكافة طرازاتها فى مصر وغيرها الكثير
وايضا ليس معنى هذا ان السيارات المستوردة من المانيا والتشيك وكوريا وتركيا واليابان وجنوب افريقيا تخلو من الاخطاء والعيوب (مع الاخذ فى الاعتبار فرق المعاملة اذا ذهبت الى وكلائهم مطالبا بحقك .. فحدث ولا حرج !!!)

فالاهم من الملاحظات مهما صغرت او كبرت .. وجود وكيل محترم وصانع اكثر احتراما لا يألو جهدا لتصحيح الخطأ

ودعنى اذكر تحديدا مشكة التزييق او الاصوات الصادرة من المساعدين الخلفيين فى الطرق الغير ممهدة وعند تجاوز المطبات .. الكل مؤمن بوجودها وحدوثها من مهندسين مراكز صيانة نيسان فى مصر
والمشكلة دى فى طريقة للحل باذن الله قريبا بعد دراسة كيفية اعادة تصميم الجزء العلوى من المساعد وابلاغ الموردين للأجزاء المجمعة فى المصنع بتعديلها

وانا شخصيا باعتبر المشكلة دى زى مشكلة الضفيرة فى الصنى القديمة .. شكلت تحدى كبير امام المصنع خاصة فى موديلات 2010/2011 والحمد لله تم التغلب عليها بكل شفافية واستبدالها فى فترة الضمان وهى اعداد لا يُستهان بها ابدا !!!

ثق تماما انك لم ترمى فلوسك على الارض ويكفى انك تتعامل مع وكيل محترم وتركب سيارة سعرها مناسب جداااا لمواصفاتها

والمطلوب فقط هو الصبر والمطالبة بحقك عند كل صيانة حتى ترضى تماما عن حالة سيارتك وجميعنا لن نبخل بمساندتك حتى ترضى عنها ..

السلام عليكم ومتأسف لعدم التعليق لانشغالي..

أولا: العربية اتخبطت مني مرتين..مرة ميكروباص خابطني قاصد وكنت هاتقلب..والتانية امبارح على الدائري من الخلف والاكصدام اتشرخ شرخ بسيص وخرج من أماكن التعليق بتاعتو بس لسه في مكانه..والفوانيس خرجت شويه أما بالنسبة للشنطه مكانتش راضية تفتح واتعوجت ولما اتفتحت لقيت اللوك باظ وكمان من الخبطة فى حاجة في صاج العربية دخل جوه الشنطة..هاعمل محضر بكرة ضد مجهول..وأشوف الـتأمين.

ثانيا: ظهر عندي عيب جديد..كنت مسافر الساحل أنا وجدتي وأمي وأحويا وحاطين شنط في الشنطة..لما وصلنا جينا ننزل في صوت تزييق غير طبيعي وعالي جدا..لدرجة ان بعد ما نزلنا قعدت اهز النطة والصوت يبان تاني..هل ده مشكلة المساعدين زي محضرتك بتقول ؟؟

المشاركة الأصلية كتبت بواسطة abono

سلام عليكم يا باشا:

1000 مبروك على العربية و ربنا يباركاك فيها

أولا: موضوع ترشيح الزيت ده مهم جدا و زى ما ذكر احد الأعضاء المحترمين قبل لازم تقيس الزيت و لو لاقيته ناقص لازم تروحلهم على طول و فى فكرة كمان علشان تلاحظ إذا كان الموضوع ده بيزيد ولا لأ إغسل الموتور غسلة كويسة من الزيت ده و بعد كدة لاحظ إذا كان فى زيت تانى لو لقيت زيت يبقا فى مشكلة و ما تسكتش عليها للصيانة الجاية و لو انت من سكان القاهرة انصحك بزيارة أوتو إيجبت.

ثانيا: موضوع الكاوتش ده حسب رغبتك انت فى تغيره حاول تدخلو فى كاوتش جديد و احسن حاجة للنيسان هوا البريدجستون بس لو مافيش إمكانية دلوقتى إملاه نيتروجين و ده حيريح العفشة و و حيقلق إحساسك بالمطبات و عن تجربة.

ثالثا: موضوع السحب دة نسبى و خاصتا لما تكون أوتوماتيك. لو انت من هواة الجرى ممكن تشوف طريق فاضى و تجرى تفتح الموتور بس جرى بعقل ربنا يحفظك و حاول تطول على النقلات شويا بس ده طبعا حيؤثرعلى إستهلاك البنزين.

ديه ملاحظاتى المتواضعة.

شكرا على الرد..والله بقالي فترة ما شوفتش موضوع الموتور ده..هاشوفوا الصيانة الجاية..الكاوتش بقى هاغيره قدام ماعنديش امكانيه..بس سؤال المفروض ظبط الكاوتش يبقى على كام ؟؟ عشان كنت بعملة 28 ولقيت مكتوب على الباب 33 و 40 وأرقام غريبة ؟؟ أنا امبارح ظبطوا كلوا على 30 !!

المشاركة الأصلية كتبت بواسطة grader

انا عندى نفس مشكلة التزييق يا ريت يا باشا تبقى تقولنا عملت فيها ايه بعد ما تروح التوكيل ان شاء الله

صوت التزييق أو التكتكة ده لسه عندي ومضايقني جدا وانشاء الله أشوف في صيانة ال 5 ألاف

المشاركة الأصلية كتبت بواسطة youssef.awad

من وقت استلام العملاء للسيارات الجديدة وهناك شكاوى متفرقة من سماع اصوات تزييق او تخبيط متقطع من العفشة الخلفية
وبالكشف فى مراكز الخدمة وجدوا مبدئيا (عشان لسه مفيش كلام رسمى لحد الان) ان فيه مشكلة فى المكان المخصص لتثبيت المساعدين من اعلى بجسم السيارة فهناك اجزاء مع المطبات والاهتزازت المتكررة تحتك ببعضها ويصدر عنها هذا الصوت
وجارى التحقق من السبب الحقيقى .. لأن بعض المراكز قامت بتشحيم هذه الاجزاء او تغليفها بقطع مطاطية لكن بعد التآكل يرجع الصوت مرة اخرى ..
وهذا الصوت غير مرتبط بحجم الحمولة ولا عدد الركاب .. اى ممكن يصدر مع السائق فقط ولا يصدر مع 5 ركاب
وهذا العيب اذا ثبت .. ليس معناه قلة جودة التقفيل المصرى لأن السيارة تم اختبارها بالفعل قبل بيعها فى المصنع ولكن على عدد لا يتجاوز 50 سيارة (على اقصى تقدير) ولم يظهر الصوت وهو مخالف لارض الواقع بعد المبيعات والاستخدام فى شوارعنا الجميلة !!!

هذا الكلام غير رسمى .. بمعنى انه اجتهاد شخصى منى مستمد من متابعاتى لمشاركات وموضوعات اصحاب الصنى الجديدة هنا بالقسم
واحدهم قام بتصعيد شكوته الى نيسان اليابان وحدث اتصال مع مسؤول العلاقات العامة وخدمة العملاء بنيسان !!!
بالاضافة لسؤالى لبعض المهندسين العاملين ببعض مراكز خدمة نيسان
واخيرا تأكدت فعليا من الاعراض من احد اصدقائى المقربين قابلته الاسبوع الماضى فى اتوايجيبت وهو يجرى صيانة ال1000 كم لصنى 2013 اتوماتيك ..
الخلاصة: لا داعى للقلق .. لأنه اذا ثبت وجود عيب ما سيتم استدراكه فى فترة الضمان فوراااااااااا
ونيسان ما تتوصاش فى الحاجات دى .. واصحاب الصنى القديمة يشهدوا فى ضفيرة الكهرباء - مساعدين - طنابير - ومقصات وفتيس كمان ..

شكرا !!! يعنى أكيد دة المشكله اللي عندي وفعلا بسمعها حتى لو أنا لوحدي !!!!

المشاركة الأصلية كتبت بواسطة mmbadroo

والله ربنا يعينك وتقدر واحدة واحدة تضبط كل حاجة بإذن الله
بس النصيحة لوجه الله عدم ترك أى صغيرة أو كبيرة يعنى لابد من حل جميع المشاكل كبرت أو صغرت من البداية ولاتهاون لآنه من غير المنطقى اركب عربية زيرو وافاجئ بكل هذه المشاكل أعانك الله حتى تنهيها كلها وطمنا ان شاء الله وعلى حد علمنا ان توكيلها ممتاز وقادر على حل هذه المشكلات وعلى هذا المنتدى يوجد اصدقاء كثرين ممكن يسعدوك

السلام عليكم ومتأسف لعدم التعليق لانشغالي..

أولا: العربية اتخبطت مني مرتين..مرة ميكروباص خابطني قاصد وكنت هاتقلب..والتانية امبارح على الدائري من الخلف والاكصدام اتشرخ شرخ بسيص وخرج من أماكن التعليق بتاعتو بس لسه في مكانه..والفوانيس خرجت شويه أما بالنسبة للشنطه مكانتش راضية تفتح واتعوجت ولما اتفتحت لقيت اللوك باظ وكمان من الخبطة فى حاجة في صاج العربية دخل جوه الشنطة..هاعمل محضر بكرة ضد مجهول..وأشوف الـتأمين.

ثانيا: ظهر عندي عيب جديد..كنت مسافر الساحل أنا وجدتي وأمي وأحويا وحاطين شنط في الشنطة..لما وصلنا جينا ننزل في صوت تزييق غير طبيعي وعالي جدا..لدرجة ان بعد ما نزلنا قعدت اهز النطة والصوت يبان تاني..هل ده مشكلة المساعدين زي محضرتك بتقول ؟؟

ثالثا: لسة مشكلة التكتكة اللى بسمعها من ورا موجودة ومنرفزانييييييييييييي وانشاء الله هاخطف المهندس المرة الجاية ونطلع على الدائري !!!!!!! عشان يسمع الصوت اللي بيظهر بعد سرعة 60 !!!

رابعا: لسة صوت الزنة في الزجاج اللي جنبي موجودة ومنرفزانييي

خامسا: ولسة مشكلة اللف في u turns بسمع صوت صفارة !!! مش عارف ده عيب كاوتش ولا عايزة ظبط زوايا !!!!

المشاركة الأصلية كتبت بواسطة ahmed_fahmy

للأسف دى عيوب التجميع المحلى يعنى ممكن تركب واحده متفرقش عن عربيه متجمعه فى بلدها وتركب عربيه تانيه تلاقى فيها المشاكل اللى عندك او بعض منها وصوت الامركه فى الملفات دى زوايا مش ضخط كاوتش روح لأى حد بتاع زوايا بس يكون عندو الجهاز الجديد وختلاقى اكيد العربيه محتاجه ظبت وشيل زيت ممتاز وصوت التكه ده فى كل العربيان مع التكسف ده صوت الكمبروسر لحظة التشغيل

لللأسف العيوب ده وأنا داخل علي ال 5 آلاف ومافيش ولا حاجه اتحلت ده غير انها اتخبطت مرتين وانا ماكنتش السبب !! الحمدالله
مش المفروض السبع زهراء المعادي يكون عندو جهاز زبط الزوايا ده ؟؟؟

المشاركة الأصلية كتبت بواسطة حماده المصري

معظم الي بتقوله طبيعي وفي الغالب حضرتك ممكن تكون اول مره تركب عربيه او ركبت قبل كده بس اول مره تقتني عربيه وكل ده حصل معانا معظمه

تكه الكمبريسور في كل عربيات العالم


التسارع ده موضوع نسبي لازم يتقارن بنفس الموديل بس لو حسيت ان السحب اقل الاول يبقى في حاجه


التخبيط والعربيه واقفه لما بتلف الدركسيون او لما بتدوس فرامل بتحصل في كل العربيات انا كان معايا 4 عربيات موديلات مختلفه كلهم فيهم نفس الحوار ومع كل اصحابي في سياراتهم كده

الكاوتش عموما في الحر ممكن يصفر والجلب بتاعه المقصات وبقيت الجلب برضو بتسخن جامد ف ده بيطريها ويخليها تصفر وبتحصل في عربيات كتير

وعموما الماكسس كاوتش حقير ف لو غيرته هتفرق معاك جامد


الصوت الي في الازاز واجب عليهم يصلحوه طبعا

ترشيح الزيت على الموتور ممكن ميبقاش ترشيح ممكن يكونوا شويه زيت وقعوا من الراجل وهو بيحط الزيت للعربيه ف اسلم حل انك تنضف الترشيح كله وتستعمل العربيه كام يوم وتشوف لو في حاجه رشحت يبقى في مشكله والترشيح هتلاقيه بيجي من مكان راكب على مكان تاني بيكون في النص بيهم جوان هو الي بيرشح

شل عموما افضل من موبيل بس في زيت موبيل جديد اسمه بيك لايف تقريبا جميل جدا

تكتكه الكاوتش وانت ماشي لو بتبان اوي وانت جنب الرصيف ولو في بتزود السرعه التكتكه بتزييد يبقى فعلا في زلطه مثلا في الكاوتش ولا حاجه


صدقني معظمها حاجات طبيعيه والحر عموما بيبهدلالعريبات كلها

شكرا للرد

المشاركة الأصلية كتبت بواسطة mmbadroo

أخى العزيز / حمادة باشا تحياتى لك
أود ان تتقبل أختلافى الكلى مع حضرتك فيما سبق
ليس من الطبيعى ان اسمع فى عربية زيرو تكه فى الكمبريسور ممكن يكون المعنى مش وصلى كويس فى النقطة دية
التخبيط والعربيه واقفه لما بتلف الدركسيون او لما بتدوس فرامل بتحصل في كل العربيات
للأسف الشديد الكلام ده عارى تماما من الصحة أو على الأقل من خلال تجاربى لم تصادفنى على الإطلاق
[color="rgb(65, 105, 225)"]الكاوتش عموما في الحر ممكن يصفر والجلب بتاعه المقصات وبقيت الجلب برضو بتسخن جامد ف ده بيطريها ويخليها تصفر وبتحصل في عربيات كتير [/color]
أزاى الكوتش فى الحر ممكن يصفر ولا الجلب الكلام ده مش مضبوط ورجاء لو فى أى حاجة موثقة ممكن أقتنع بيها بس برضو هيبقى صعب لأنى فى ايام استخدمت انواع كاوتش سيئة وفى عز الحر ولم يحدث ما ذكرت
وانا كل ما أٌقصده من مداخلتى ليس مجرد النقض أو يكون الكلام يزعل حضرتك فأقبل اعتذارى أخى الفاضل ولاكن تحسبى ان الرجل صاحب الموضوع يعتمد على كده ويفضل ماشى بالعيوب دية وبعدين تزيد بعد كده ومشكلها تكبر لآن المفروض العربية الزيرو يجلس بدخلها وينعزل عن العالم الخارجى ولايجب سماع تخبيط أو تصفير أو خلاف ذلك . وتقبل مرورى مع خالص تقديرى واحترامى لك

انا ماليش خبرة مع العربيات..بس زى ما حضرتك قولت أنا ماروحش ادفع 100 ألف وأسمع الأصوات ده من بداية الاستخدام..هاروح التوكيل وأشوف ربنا يكرم