الموضوع: اسبراتير الفليشيا محجر

نفس المشكلة حصلت معايا ومش عارف الاسبراتير بيلف يمين وشمال ولا بيتحرك قدام والـ ورا زى ما عم صبحى كان قايل فى الدرس بتاع تظبيط كهربا العربية وانا تقريبا الكهربا عندى عليا لان الصبح وانا بسخن بسمع صوت فرقعة بسيطة ولما ابطل العربية العربية بترعش واكنها لسه فيها شحنة كهربا والعربية صوتها بيعلا واستهلاك البنزين رهيب

المشاركة الأصلية كتبت بواسطة sakr1964

عند زور الاسبرتير من عند المسمار كدا رش wd40 وحاول تحركة لابد ان يتحرك وبسهولة بس يمكن الاتربة والغبار دخل ما بين زور الاسبرتير وجسم الاسبرتير فاحدث ذالك ولو ملفش معاك حاول تجذبة الى اعلى خرجة خالص ولو محجر بمفك طويل او لافية اعملة قرصة خفيف خفيف كدا الى ان يتعتع من مكانة لو اترحك سنة يبقى تمام خرجة وصبفر الاسبرتير ونضف الزور واتوكل على الله**

رشيت ال wd40 وحاولت اكتر من مره يمين وشمال وجبت مفك حاولت ارفعه بيه لفوق برضه مش عايز بطلع ..مش عايز يتعتع من مكانه لدرجه انى خفت لا يتقطم ..

المشاركة الأصلية كتبت بواسطة EngAhmedSayed

انتا بتتكلم على تعشيقة الزور بتاع الاسبرتير فى الموتور
مش راضى يبات صح اللى هى التكة الاخيرة الصغننة دة
هتعمل ايه عشق الغيار الثانى
تمام
و حط الزور بتاع الاسبرتير فى الموتور و اضغط عليه و زوق العربية سنة لقدام او للخلف بالراحة مش عنف مش تمشيها لالالالالالا
هتلاقى الاسبرتير عمل معاك صوت تك يبقى كدة عشق معاك و انتهة المشكلة
ياله جرب و قولولى



ربك المستعان

يابشمهندس اولا شكرا على الرد .. ثانيا الاسبراتير راكب فعلا مشكلته انه مش عايز يطلع من مكانه .. ولا عايز يلف يمين ولا شمال .. انا حاولت معاه اكتر من مره وخايف اتعافى عليه يتكسر .. انا شلت الغطا بتاعه فكيت الكلبستين وشلت الغطا وجربت انى اطلعه من مكانه طبعا بعد مافكيت كمان المسمار العشره اللى رابط الزور .. ولا الهوا ورشيت w40 وسبته شويه وجربت تانى .. برضه مفيش فايده .. والعند مخلينى مش عايز اروح للميكانيكى ... فهل يوجد حل ولا ايه ؟؟؟؟؟؟؟؟

المشاركة الأصلية كتبت بواسطة sakr1964

طيب كلبشة بكليتين يداك واتعافه عله شوية لفة سنه سنه يعنى متجزبوش الى اعلى لالالا لفة الاول الى ان يستجيب سيخرج معك باذن الله بكلاوى ايدك وكلبش علية وبعزم وقوة زراعك لفة متخافش مش حيتكسر **

مفيش فايده .. يمين شمال ولا الهوا .. شلت الغطا وشلت الشاكوش وفكيت المسمار اللى عند الزور ورشيت w40 ... شكلى كده هافرح الميكانيكى فيا

دلوقتى تم فك الاسبراتير بالعافيه بمساعد البيه الميكانيكى (الله يسامحه بقى) هوه فك المسمارين اللى تحت الزور وطلع الاسبراتير كله .. وفعد يعافر فيه لحد مافكه من بعض .. وطبعا كسر وش الاسبراتير فرحت جبت واحد (الحمد لله كان معايا واحد احتياطى) المهم طبعا نسى التقسيمه وفعد يقسم من اول وجديد ..
تمام؟؟؟
العربيه وانا مروح نتشت اكتر من مره .. بصراحه مجاليش نفس اروحله مره تانيه ..روحت بصيت على سلوك الاسبراتير لقيت واحد مش راكب كويس ..ركبته النتشه راحت ..بس ملاحظ حاجه غريبه ..
دلوقتى تقسيم العربيه (1342) الكلام ده من الشمال لليمين ..ووش الاسبراتير مكتوب عليه الاقام برضه من واحد لاربعه .. السلوك بقى اللى خارجه من الاسبراتير للموتور مش مظبطه مع بعضها ..يعنى واحد فى وش الاسبراتير رايح على 2فى الموتور واتنين راح على 3و ... ايه بقى الكلام ده ؟؟؟؟
العربيه شغاله بس فيه حاجه مش مريحانى .. وحاسس انه مقسم غلط مع العلم ان العربيه دايره كويس ..انا جيت ركنتها تحت البيت وبكره هاجرب واشوف بس حبيت اخد رأيكم ..ايه الكلام؟؟؟؟؟؟؟