الموضوع: هل زيادة بروفايل الكاوتش ممكن يعمل مشاكل؟

ده كان ردي على سؤال مشابه في موضوع تاني هنا في المنتدى:


زيادة قطر الكاوتش له كذا تأثير على العربية.. منها الإيجابي ومنها السلبي

وأقدر أحصر لك التأثيرات الإيجابية في التالي:

1- تقليل احتكاك جسم السيارة بالمطبات.
2- زيادة الراحة في العفشة لزيادة البروفايل بتاع الكاوتش.
3- تقليل استهلاك البنزين في على السرعات الثابتة (في السفر مثلا).

أما التأثيرات السلبية. . فهي كالتالي:

1- تقليل ثبات العربية في الملفات بسبب زيادة ارتفاع مركز الثقل.
2- تقليل ثبات العربية كمان بسبب زيادة ارتفاع بروفايل الكاوتش.
3- زيادة استهلاك البنزين أثناء التسارع وجوه البلد في الزحمة.
4- تقليل سحب العربية.
5- زيادة احتمال ارتكاب مخالفات السرعة .. بدون قصد لزيادة السرعة الفعلية عن السرعة المبينة في العداد.
6- زيادة احتمال احتكاك الكاوتش بالرفرف من الداخل مع تحميل الأوزان.

وفيه تفاصيل فنية عن سبب اختلاف سحب العربية بسبب فرق مقاس الكاوتش في الموضوع ده..
http://www.nilemotors.net/Nile/437627-a.html


والاختيار لحضرتك في الآخر


...