تقييم الm11 من الاول للاخر

**samehsalem** · 28-02-2010 12:58 AM

ياباشا هو لازم يكون مستغرب اللي خلاه يقولي ان العربية جاية مخبوطة بدل ما يتاسف ويقولي هعملهالك بيكدبني ويقولي لا انت جايبها مخبوطة..ربنا يسترها بس من العين والحمد لله علي الخبطة وعموما انا عملتها في جسر السويس وبصراحة رجعت زيرو ولا باينة خالص..

**hemaa_82** · 28-02-2010 11:31 AM

المشاركة الأصلية كتبت بواسطة samehsalem

ياباشا هو لازم يكون مستغرب اللي خلاه يقولي ان العربية جاية مخبوطة بدل ما يتاسف ويقولي هعملهالك بيكدبني ويقولي لا انت جايبها مخبوطة..ربنا يسترها بس من العين والحمد لله علي الخبطة وعموما انا عملتها في جسر السويس وبصراحة رجعت زيرو ولا باينة خالص..

بس ربنا يكفيك شر العين بقي

**3ateef** · 02-03-2010 12:49 PM

المشاركة الأصلية كتبت بواسطة hemaa_82

السلام عليكم يا اخوانا ......

انا عايز بس اقول شوية حاجات ....

اللي بيجي يشتري عربية او اي حاجة تانية بيكون يا اما عارف هوه عايز ايه و يدور عليه و يكون من المستكشفين
يا اما بيشوف الناس مبسوطة من ايه و يمشي ورا القطيع زي القطيع ما يروح اهوه معاه

يا اما بقي و ده اسوأ نوع اللي هوه نقيل اشاعات بتاع انا سمعت و واحد صاحبي قاللي و الكلام ده ......

انا كنت هاجيب فرنا الاول بس لما نزلت الام -بكسر اللام- عجبني الشكل و بعدين كل ما كنت ادور تعجبني اكتر .... لحد ما جبتها الحمد لله ..... بالرغم مثلا ىمن ان عندنا كيا اسبكترا وكانت تجربتي معاها زبالة مقولتش بقي امال الصيني هايعمل ايه؟؟؟؟؟؟؟

اللي ربنا رايده هاكون يعني انا ممكن اجيب فولفو واموت فيها او اجيب ماروتي و فجأة البنزين يبقي ب1000000000000 جينيه وابقي انا وقتها بصيت لبعيد و عبقري ......

يا اخوانا انا بحكي علي اللي في عربية لحد دلوقتي انا شايفها فله .... مبقولش شركة احسن من شركة ... بقول العربية دي فيها كذة و مافيهاش كذا .....

اللي بيستفيد و يشكر بقولو شكرا .... اللي بيتفرج و ساكت ادينا بنعمل حسنة لله ... اللي بيشتم الصيني علي الفاضي هوه حر ماليش فيه و حتي معتقدش رديت علي حد وانا اللي بادئ الموضوع ... مش هاعد بقي اوجع دماغي ..... ربنا قال " و دعهم في طغيانهم يعمهون" انما الرغي في قول و متقولش بقي كلام فاضي بيوجع الدماغ و خلاص......

الخلاصة بلاش شد و جذب و احنا كلنا اخوة ... بس هنا مش بندافع عن اسبيرانزا .... هنا بنتكلم بحيادية عن m11 .... اللي عنده كلمة عن احتكاك سواء خير او شر فكله مفيد ... انما اللي بيحك علي الفاضي من الهوا فربنا يريحوا علشان كلنا نستريح و تصبحوا علي خير علشان هرخص بكرة ان شاء الله

ربنا يكرمك يا هيما ,,ويديك خيرها ويكفيك شرها..
انا شفت العربية ماشية فى الشارع وبصراحة من اول مرة شفتها حسيت انها مختلفة عن باقى الصينى,,ومش معنى كده ان الصينى وحش ,,بس القصد ان دى معمولة من خامات احسن وفيها كماليات اكتر.
وربنا يكرمك
:)

**dramr40** · 03-03-2010 06:18 PM

ربنا يباركلك فيها ياباشا

انا قريت التقرير كلو تقريبا

وزودت اقتناعى بالعربيه

ان شاء الله فى غضون ايام اكون من مالكى هذه السياره

حيث انى بدأت اجراءات التقسيط

ادعولى بالتوفيق

**عصام غنايم** · 04-03-2010 04:06 AM

ربنا يوفقك لما فيه الخير لك

**hemaa_82** · 06-03-2010 09:29 AM

وانا جاي الشغل النهارده ... اكتوبر كان واقف علشان في عربية لادا 2110 فيها مقص مكسور-مش عارف من حادثة ولا دخل بضهره في الرصيف ولا مع نفسه ... المهم- فطبعا ماشيين سلاحف سلاحف ....

اذ فجأة الاقي وانا واقف بوم.... ابص في المرايه الاقي عربية bmقديمة ... تقريبا من الخمسميات بتاعة اول التمانينات و فيها شاب صغنن كدة و امور باصصلي في المرايه و مبتسم باحراج....

انا لما شفت الbm و كمان قديمة قلت الله يرحمك يا اكصدامي ....

نزلت وانا رجلايا مش شايلاني ...50% علشان لسا صاحي من النوم و 50% علشان الخبطة .... رجعت لقيت الحمد لله ولا كأن في حاجة..... الاكصدام ولا كأن لمسته دبانة ... بويته عليه و راكب و مش مكبوس و الحمد لله ما شاء الله زي الفل....

لاحظت بقي شئ جميل جدا .... شنب الكبوت بتاعه هوا مخربش و عامل زي مايكون حد اداله بوكس علي خفيف ....

لاقيت بقي ان العربية بتاعتنا من ورا -الكلام لكل مالكي m11- عالية جدا من ورا عن مقدمة اي عربية تانية و احيانا عن ظهرهم برضه ... و بسم الله ماشاء الله اكصداماتنا حلوة و راكبة كويس و الكلبسات متامسكة الي حد كبيير ... مش بتتلكك علشان تقع زي باقي السيارات ...
ولله الحمد من قبل و من بعد و اراكم دوما علي خير

**hemaa_82** · 06-03-2010 09:37 AM

و كمان بالمرة طالاما بنتكلم عن الاكصدامات .... الاكصدام الامامي احيانا لما حد يريح عليه جامد بياخد و يدي معاه بس بيفضل ممسوك من حوالين النمرة و من الحروف ... فلو حسيت ان هوا فتح من مابين حرفه و لغايت جنب صدر العربية ... اضغط علي الحتة اللي مفتوحة هتلاقيه كما كان ... فابريقة ....

لازلت عند رأيي ..... الصينيين مش رقم واحد .... بس لما بيتعبوا نفسهم شوية صغيرة بيطلعوا منتجات رائعة

و تعبوا نفسهم في الm11 و الحمد لله ربنا مخزلنييش

**hemaa_82** · 06-03-2010 09:40 AM

الwd40اللي التوكيل بيبيعه ب 20 جند فبل الضريبة ..هنا في شارع التحرير ب 15 بلبل و اعتقد هايكون ارخص في مصر الجديدة او التوفيقية

**hemaa_82** · 09-03-2010 02:25 PM

لاقيته في كارفور ب 15 برضه بس العلبة الكبيرة "400 جرام" ....-ال wd40 قصدي يعني- ....

لاقيت برضه جراب للدريكسيون لذيذ قوي.... حتة جلد عبارة عن شريط متخيط بمعني انه حلقة كاملة .... بيتشد حوالين الدريكسيون و معاد فتلة بلاستيك بتتلف حواليه علشان تمسك جنابه حوالين الجناب ... هابقي اصورهولكم ان شاء الله .....

و جبت مكنسة برميل بتشتغل علي الولاعة معاها خرطوم و فرشة و سن صغير للاماكن الضيقة....

الجراب ب 8.5 و المكنسة ب 65 ......جربتها لاقيتها كويسة و الله و شفطها حلو .... مش زي بتاعت البيت طبعا بس بتسحب التراب زي الفل....

هبقي اصورهالكو برضه ان شاء الله .....

-

الموضوع: تقييم الm11 من الاول للاخر

LinkBack

أدوات الموضوع

عرض

-

-

-

-

-

-

المواضيع المتشابهه

ما هى اخبار الm11

اروح لمهندس الرش الاول ولا السمكرى الاول

اروح لمهندس الرش الاول ولا السمكرى الاول

اركب الفلتر الاول ولا انضف الاول !!؟؟

اوبل فكترا من الاول للاخر

الكلمات الدلالية لهذا الموضوع

المفضلات

المفضلات

ضوابط المشاركة