لادا زيرو عاوز نصيحة

**M.FOUAD** · 04-11-2009 02:47 PM

المشاركة الأصلية كتبت بواسطة thediesel

الله يبارك فيكم جميعا و انا باحطلها 90 و طبعا ما اقدرش احكم على حاجة عشان ما غيرتش لحاجة تانية :) و بالنسبة للكاسيت انا اتكلمت مع الشباب في قسم الصوتيات و افادوني جدا جدا عموما انا قررت اشتري fm-adapter و هاححط فيه فلاش ميموري مؤقتا لحد ما أظبط حالي و اجيب كاسيت بايونير بسماعات جديدة :)

يـــــــــــــارييييييييت حد يقولي هوه انا المفروض اغير زيوت اييه في العربية و كل قد اييه يــــــــاريت أصحاب اللادا الكرام يفيدوني

زيت الموتور شوف ناوي حط اية انصحك تجيب شيل الاصفر و دة بيقعد 5 الاف كيلو ب 105
و تتابع مستوى الزيوت كل ما تغير زيت الموتور زي
الفتيس و الكورونة و الفرامل و الدبرياج و الباور لو عندك

**fatla2** · 15-11-2009 03:26 PM

انا انصحك بزيت موتور موبل ابو 100 جنيه ده ممتاز

انا شخصيا عندى لادا بحط فيها 92 الصراحة فرقت جامد عن ال90

**waleedfawzy** · 18-12-2009 06:45 PM

حاول من حين لآخر تشحم بيض المقصات ( ضروري) ويارب يبارك لك فيها ويكفيك شرها
لا إله إلا الله محمد رسول الله

**zakiali** · 18-12-2009 07:11 PM

هي من حيث هتريحك فهي هتريحك فعلا

**wolf2** · 19-12-2009 02:30 PM

شف يا سيدى بعد خبرة مع لادا ( 4 سنوات تاكسى ) و ( 5 ملاكى ) اقدر اقولك أولا اختيار موفق و مبروك عليك بس كان نفسى تجيب الروسى ما علينا أول حاجه البنزين 92 افضل و ياريت من محطات وطنيه أو شل مش بيبقى مغشوش و أبعد نهائيا عن موبيل و كالتكس تانى حاجه الزيت و ده طبعا شل ( 67 جنيه ) زيت الكورونه زيت الكورونه زيت الكورونه دايما أكشف عليه زيت الفتيس طبعا ملحقا به و ما فيش زيت فالفالينا تقيل و خفيف أسمع الكلام هوة نوع واحد بس و ماتنزلش زيت الكرونه لاى سبب من الأسباب زيت الفرامل علبه الصاج و ياريت من التوفيقيه أو البلاستيك من بنزينات وطنيه فقط ( عن خبرة )الكلام د بفلوس !!!!!!! بعد كده دايما تلاحظ البيض بتاع العفشه و ده بتحسه من لم الدريكسيون يتقل معاك ( فى الركنه و الملفات بالنسبه للكاوتش حاول تبعد عن كاوتش نسر وده مهم عشان تطول عمر العفشه بس يا سيدى التسجيل بقه انا جايب واحد من التوفيقيه صينى بس ممتاز و بقاله سنه معايا و بيشتغل فلاشه و mp3 و كمان بالريموت با عم و ب 200 جنيه فقط نوعه ميتسوبيشى السماعات بايونير طبعا و دى فى حدود 350 جنيه و أبقى ادعبلى فاضل بس الميكانيكى حاول تتعامل مع ميكانيكى ثقه و ده بتعرفه من جيرانك و حبايبك و خليه هو الى يشتغل فى العربيه بأيده ووووووو اترك المجال لغيرى و ايارب أكون افدتك بشيء مبروك

**nawafith** · 19-12-2009 11:15 PM

المشاركة الأصلية كتبت بواسطة wolf2

و ماتنزلش زيت الكرونه لاى سبب من الأسباب

هل تقصد أخي الكريم أنه لا يجوز تبديل زيت الكرونة فقط يقوم بالإضافة عليه إذا نقص
أو تقصد مراقبة مستوى الزيت وعدم تركه ينقص ولو بدله ما في مشكلة المهم أن يكون مستواه جيد

أرجو الإجابة
أخوك من سوريا

**wolf2** · 19-12-2009 11:55 PM

المشاركة الأصلية كتبت بواسطة nawafith

هل تقصد أخي الكريم أنه لا يجوز تبديل زيت الكرونة فقط يقوم بالإضافة عليه إذا نقص
أو تقصد مراقبة مستوى الزيت وعدم تركه ينقص ولو بدله ما في مشكلة المهم أن يكون مستواه جيد

أرجو الإجابة
أخوك من سوريا

أيوة انا أقصد انه ماينزلش زيت الكورونه خالص لأى سبب لكن يراعى مستواة دايما

**nawafith** · 20-12-2009 03:13 PM

طيب أنا روحت المغسلة وغيرت زيت علبة السرعة وزيت الكرونة وحطيت فيهم زيت فلفلينا
هل سيضر ذلك بالسيارة مع أن سيارتي هي 2107 روسي 100 %

**wolf2** · 21-12-2009 02:52 PM

المشاركة الأصلية كتبت بواسطة nawafith

طيب أنا روحت المغسلة وغيرت زيت علبة السرعة وزيت الكرونة وحطيت فيهم زيت فلفلينا
هل سيضر ذلك بالسيارة مع أن سيارتي هي 2107 روسي 100 %

وما الداعى لهذا الفعل ؛؛؛؛المفروض تزود الكورونه ؛؛؛؛؛؛؛ علبه الدريكسيون مش مشكله لإن عدد لفاتها مش زى الكورونه ؛؛؛؛ بالنسبه للضررده يتوقف على حاله الكورونه وقت التغيير يعنى كانت سليمه ولا فيها ونه خفيفه
؛؛؛؛؛؛؛؛؛ مرة تانى انت ليه غيرت زيت الكورونه --- يمكن عندك سبب احنا ما نعرفوش و لا حد نصحك بكدة

تحياتى

**nawafith** · 21-12-2009 08:19 PM

مشكور أخي Wolf2
اليوم كلمت وكيل الصيانة الخاص بالسيارات الروسية وأكد لي أنه لا خطورة في الأمر أبداً طالما أن مستوى الزيت عاد إلى وضعه الطبيعي بل أكد لي أيضاً أنه يجب تغيير زيت الشنجمان والكورنة كلما مشت السيارة 20000 كم