لادا زيرو عاوز نصيحة

**a7madramadan** · 29-10-2009 02:03 AM

أنا الحمد لله خلاص اشتريت أول عربية ليا ... لادا 2107 مصري كاربيراتير 1600 منغير لا تكييف ولا باور عشان موش محتاجهم قد كده و هاحاول أظبطها بشوية اكسسوارات و كاسست (بس موش عارف اجيب ايييه عشان بيقولولي غير الكاسيت الأصلي و هات واحد كويس تاني لو حد يعرف نوع كويس و في المعقول و يكون يقبل سيديهات ام بي 3 أو معاه مكان لل يو اس بي . يا ريت يقولي) و انشاء الله هاحاول أحط صور ليها قريب بعد التظبيت :)

موش هاطول الموضوع اني بس قلقان عشان دي أول عربية ليا خااالص و عاوزها تريحني و موش مستعد اني ألاقي نفسي عمااال أصلح فيها كل شوية حاجة و انا في دراسة جامعية موش ناقصة عطلة يعني

انا بس محتاج نصائح بسيطة

كل الناس قالتلي هات بنزين 80 و ريح دماغك .... و في ناس قالتلي إوعى تجيبه عشان هيبوظ الموتور و أجيب 90 أامن

اييه الحاجات الي المفروض ابص عليها دوريا اييه الحاجات الي بتتغير دوريا
اييه الحاجات الي أبص عليها على طوول

ولو في نصائح عامة يـــــاريت انا كلي آذان صاغية و مقدر لكل وقت أو جهد حضراتكم بتبذلوه عشان توصلو أي معلومة لأي حد في منتداكم الكريم الي أرجو انشاء الله اني أكون واحد من الناشطين فيه انشاء الله

**a7madramadan** · 29-10-2009 02:34 AM

بالنسبة للكاسيت كل الي محتاجة جهاز فيه مكان usb و يكون نوعه كويس انا كل الي هاعمله اني هاوصل الفلاشة او ال ام بي 3 بتاعي عليه مباشرة من usb و يـــــــــاريت لو في حاجة يكون فيها ال usb + كابل 3.5 اوصله لأي موبايل/لابتوب انا موش باستخدم شرايط الكاسيت القديمة و لا السيديهات حتى لأنها 80 دقيقة إلا لو في سي دي ام بي ثري .... موش عارف الجهاز الي نا طالبه ده موجود ولا خيالي و انا ميزانيتي موش كبيرة قوي ... اتمنى لو حد يعرف حاجة زي الي انا باتكلم عليها و يكون سعرها معقول

**ayad2007** · 01-11-2009 07:09 PM

ممكن تكلمنا عن العربيه عمله معاك إيه... سعرها كام - تقرير عن لادا التقفيل المصري . رايك بصراحه فيها المزايا و العيوب. مع الشكر..

**a7madramadan** · 02-11-2009 02:09 AM

أنا لسه جايبها بقالي أيام استنى شوية عليه و انا حاقوللك ايييه الأخبار و انتظر مني تقرير كامل بالصور انشاء الله :) "بس حاجة على قدي p: "

**د.احمدالشافعى** · 02-11-2009 05:51 AM

الف مبروك ربنا يديلك خيرها ويبعد عنك شرها

**nab!l** · 02-11-2009 08:27 AM

الف مبروك

**Karim_Mohy** · 02-11-2009 08:40 AM

الف مبروووك وربنا يباركلك فيها
وموضوع البنزين اعرف ناس بتحط 92 وفي ناس بتحط 80 بس ممكن تريح دماغك وتحط 90
وموضوع الكاسيت ممكن تقول ميزانيتك فيه لحد كام والناس هنا هاتفيدك انشاء الله

**a7madramadan** · 04-11-2009 02:52 AM

الله يبارك فيكم جميعا و انا باحطلها 90 و طبعا ما اقدرش احكم على حاجة عشان ما غيرتش لحاجة تانية :) و بالنسبة للكاسيت انا اتكلمت مع الشباب في قسم الصوتيات و افادوني جدا جدا عموما انا قررت اشتري FM-Adapter و هاححط فيه فلاش ميموري مؤقتا لحد ما أظبط حالي و اجيب كاسيت بايونير بسماعات جديدة :)

يـــــــــــــارييييييييت حد يقولي هوه انا المفروض اغير زيوت اييه في العربية و كل قد اييه يــــــــاريت أصحاب اللادا الكرام يفيدوني

**assom** · 04-11-2009 01:26 PM

من فضلك أتأكد قبل شراء ال FM Adapter عشان ولاعة العربية عندي مبتشغلش غير الولاعه بس. أي شاحن أو حاجه تانية مش بتشتغل عشان الولاعه طويله. مش عارف العيب ده عندي انا بس ولا في كل العربيات.

**a7madramadan** · 04-11-2009 01:51 PM

شاحن نوكيا شغال 100% .... بيتهيقلي ده عيب عندك و انا ركبت تاكسي و انا راجع من الكلية من فترة و كان حاطط ام بي 3 بتاع الولاعة ده و شغال تمام انا نازل اشتريه كمان يومين كده بس افضى شوية :)