لادا زيرو عاوز نصيحة

**wolf2** · 24-12-2009 05:22 PM

اللهم لا علم لنا إلا ما علمتنا

**ah79** · 02-03-2010 02:59 PM

صديقي العزيز صاحب اللادا اللي فيها صباع الولاعة طويل....لو انت عربيتك 2107 الجديدة فانت عندك حق لان بعض الموديلات فيها هذا الموضوع وبيكون حله حاجة من الاتنين
1-يتم تغيير صباع الولاعة بواحد جديد بيكون طولة اقصر من محلات قطع الغيار وثمنها 20 جنيه وبالتالي تركب فيها الشاحن او adapter
2 الحل التاني من خلال الكهربائي بيقوم بعمل اطالة للشاحن او الadapter بوضع نقطة قصدير وهذا لا يؤثر علي كفائتهم ولكن يسهل عملية الملامسة مع طرف صباع الولاعة

**a7madramadan** · 02-03-2010 03:54 PM

يـــــــــا جماعة انا باشكركم شكر جزيل على كم الردود و اهتمامات حضراتكم و آسف على تأخري في الرد

و انا كتبت الموضوع ده قبل يوم من استلامي العربية و انا غيرت طلبي وانا عندهم و توكلت على الله و اشتريتها روسي و استلمتها بعد فترة علشان شوية مشاكل بين التوكيل و شوية مشاكل عندي في يوم 5/12 و العربية 10/10 معـــايا الحمد لله و انا شاكر جدا لكل النصائح الي حضراتكم تكرمتم باسدائها ليا ... و انا عملت خلاص صيانة ال 1000 كيلو و العربية مافيهاش اي مشاكل خــــــالص الحمد لله

**wolf2** · 04-03-2010 07:18 PM

مبروك مبروك مبروك واهلا بك عضوا جديدا فعلا

**ahmedlada** · 05-03-2010 08:47 AM

الف مبروك على العربيه يامان
1- موضوع الولاعه ده فعلا فيه عيب علشان كدا هاتلك كاسيت usb وكارت مومرى ده بيعمل من 80 الى 150 حسب الموديل اذا اكان فيه راديو او لا
2- الزيوت اللى تتغير زيت الموتور والاحسن منه موبيل 3000 يعنى كل 3000 كيلو متر xhp وبرده حسب الجو اذا كان حر اوى يبقى 2500 لو بارد 3500 مفيش مشكله وكل 3 تغيير تغير فيلتر زيت مان الالمانى دور عليه واوعى تغير فاك المصرى ده زى الزفت
2- تبص على زيت الكرونه وزيت الفتيس كل فتره ولو ناقص تزوده بس مش تغيره
تشحم البيض الامامى كل 3 شهور مثلا
زيت الفرامل وده خللى بالك من اوى واوعى تزود من نفسك الا لما ميكانيكى كويس يشوفه لان فيه كتير مغشوش فى السوق انا عانيت منه كتير
وربنا يوفقك ده اللى انا فاكره دلوقتى لو افتكرت حاجه تانى هابقى اكتبلك
وتعالى اتفضل الفطار بقى

**ahymad** · 05-03-2010 09:34 PM

انا شغال ببنزين 80 من سنتين والحمد لله مفيش مشاكل بس هو سحب العربية قل شوية

**nimo.mimo** · 28-05-2010 04:27 PM

المشاركة الأصلية كتبت بواسطة ahmedlada

2- تبص على زيت الكرونه وزيت الفتيس كل فتره ولو ناقص تزوده بس مش تغيره

ممكن أعرف إيه الحكمة من عدم التغيير؟ هل الزيوت اللى فى مصر مووش أصلى زى الزيت اللى جاية بيه؟ و لو اللادا مصرى ماهو أكيد الكورونة و الفتيس ناشفين و المصنع فى مصر هوا اللى بيحط الزيت أول مرة؟ ولو لا قدر الله الواحد اضطر يغير كورونة أعتقد انها نشافة برضو و هما بيحطو ليها زيت؟

و أعتقد إن لو الزيت حجمة مثلا 1 لتر و فضيته و عبيت مرة تانية هوا هوا أو نفس الماركة بس جديد حا تفرق ايه؟

ممكن الإجابة لأن الموضوع ده غامض جدا فعلا

**Islam_Shady** · 05-06-2010 06:21 PM

بخصوص زيت الكورونه و الفتيس لو حب يزوده؟ ماهو لازم يزود نفس النوع لان فى زيت 90 و زيت 140
و لو خلط نوع مختلف ممكن ياثر على العربيه
انا عن نفسى باحط140 زيت التعاون و هو اكتر من ممتاز لان موبيل اللى فى البنزينه 90 بس و ده موش مناسب فى اللادا
اما البنزين, انا مابستعملش غير 80 بس سمعت ان اللادا الروسى الجديده انجيكشن و دى لازم 90 و الله اعلم