الموضوع: العربية اتسرقت يا رجالة نايل موتورز

المشاركة الأصلية كتبت بواسطة ahmed_su

الطريقة اللى انا قلتلك عليها هى الطريقة (المكتوبة فى مانيول الجهاز)واللى بعملها لما بودى العربية

للتوكيل علشان الصيانة وهناك بيفتحو ويقفلو العربية مرات كتيرة

ولما استلم العربية لازم اعمله اكتفيشن تانى بالطريقة اللى شرحتهالك

يعنى الطريقة مكتوبة فى دليل لتشغيل ومجربة عمليا

عندك انت مقدرش اجزم ايه اللى حصل لان فيه كام عامل يجب وضعهم فى الاعتبار :

1- طريقة التركيب هل تمت بشكل صحيح (شكوتك من لمبة بيان الابواب بتنور ضعيف واضافة وحدة سنتر)

2- تنفيذك للطريقة وعدم اَضاءة الليد بشكل دائم مخالف لتعليمات التشغيل فى دليل التشغيل

3- ممكن يكون فيه اختلاف بين الجهازين من ناحية الموديل (لما اروح البيت هشوف المانيول واتأكد منه)ياريت تصور الصفحة اللى فيها الطريقة علشان نقارن

باشمهندس احمد
انا امبارح اخيرا بعد ما استلمت العربية من محمد زكي بعد الاصلاح رحت لمحل فرح واتقابلت مع الولد الصنايعي اللي ركبه وشرحتله المشاكل اللي عندي

ملحوظة: في مشكلة اخري اكتشفتها مع الاستخدام وهي ان زرار ال Lock بتاع الازاز اللي بيتحكم في امكانية فتح او غلق ماكينات الزجاج للابواب الثلاثة للعربية كان بيعلق مع السنتر وده كان بيخليني لما ادوس عليه يفتح السنتر للابواب والعربية ماشية.

اتاري كل المشاكل دي كانت خطأ في التوصيلة اللي جاية من كونتاكت العربية للانذار ودي كانت متركبة علي الفردة اللي رايحة لزرار ال lock الازاز وملمسة كمان علي نور الصالون الامور كلها رجعت طبيعية والحمد لله وكمان موضوع ال Auto Arming بطله من ال جمبر في ال main unit بقيت دلوقتي باقفل العربية بالمفتاح والانذار ما بيشبغلشي الا من الريموت نفسه

الحمد لله إنه إتمسك والموضوع خلص على خير