العربية اتسرقت يا رجالة نايل موتورز

**wisambasha** · 02-11-2009 05:10 PM

المشاركة الأصلية كتبت بواسطة damasry

ايوه يا باشا جيران، انا ساكن عند صيدلية علي وعلي.
بس دلوقتي هما حاطين حديد تحت محطة المترو عشان ماحدش يركن هناك عشان السمكرية اللي كانوا بيصلحوا العربيات في الحتة دي.

تعرف انا حصلي نفس الموقف بالظبط بس الفرق ان اللي اتسرقت عربيته كان جاري اللي ساكن في الشقة اللي قدامي عربيته بي ام، نزلت من بيتنا بليل لقيت عربيته راكنة عادي خلصت خروجتي ولما رجعت علي الفجر كده ركنت مكان ما هو راكن عشان مش لقيت عربيته، قلت هو طلع بيها، الصبح لقيت البواب بيصحيني يقولي بتوع المباحث عايزينك تحت، خير يا جماعة عربية الاستاذ فولان اتسرقت وكانت واقفة مكان عربيتك، قولتلهم اه فعلا انا لما نزلت كانت موجودة ولما رجعت ما كنتش موجودة، المهم العربية رجعت بعديها بحوالي شهرين بعد ما كانوا الحرامية سرقوا تلات عربيات من الشارع عندي.
الحرامية كانوا سايبين العربيات في حتة في امبابة ومغطينها وماحدش من المنطقة عارف دي عربيات مين، جيه يوم تراب وهوا جامد قام الغطا طار من علي عربية فيهم والمباحث شافت العربية واتعرفت عليها من السيارات المبلغ عنها، سابوا العربيات مكانها وعملوا كمين للحرامية كذا يوم لحد ما جم يشيلوا الغطا قاموا قبضوا عليهم ههههه

هما فعلا دلوقتي حاطين حديد تحت محطة المترو عشان ماحدش يركن هناك عشان السمكرية اللي كانوا بيصلحوا العربيات في الحتة دي لكن انا كنت راكن قبل الحتة اللي فيها الحديد دي (بالظبط امام سلم الصعود للمحطة هاتلاقي الحتة دي داخلة لجوة شوية بعيد عي حرم الشارع وواخدة تجويف او باكية للداخل فهي مكان للركنة 10/10 وبعيدة عن وقوف البياعين او اي خبطات من سائقي الميكروباص اللي بيركنوا عند الحديد اللي قصدك عليه)
انت ساكن عند صيدلية علي وعلي. طيب و بتركن ازاي في شارع القصر العيني ؟؟

**damasry** · 02-11-2009 05:14 PM

المشاركة الأصلية كتبت بواسطة wisambasha

هما فعلا دلوقتي حاطين حديد تحت محطة المترو عشان ماحدش يركن هناك عشان السمكرية اللي كانوا بيصلحوا العربيات في الحتة دي لكن انا كنت راكن قبل الحتة اللي فيها الحديد دي (بالظبط امام سلم الصعود للمحطة هاتلاقي الحتة دي داخلة لجوة شوية بعيد عي حرم الشارع وواخدة تجويف او باكية للداخل فهي مكان للركنة 10/10 وبعيدة عن وقوف البياعين او اي خبطات من سائقي الميكروباص اللي بيركنوا عند الحديد اللي قصدك عليه)
انت ساكن عند صيدلية علي وعلي. طيب و بتركن ازاي في شارع القصر العيني ؟؟

انا معاك ان المكان مثالي للركنة عشان داخل لجوه بس بيسهل لأي حد يسرق العربية عشان سلم المترو مغطي عليه ومافيش عمارات قدام الحتة دي عشان حد يشوفه وطبعا المستشفي ايدك منها والقبر.

بركن عادي يا باشا، ربنا بيعيني علي الركنة بس الناس اللي بتجيلي البيت ببتعذب عشان تعرف تركن.

**monmonmon** · 02-11-2009 05:15 PM

المشاركة الأصلية كتبت بواسطة wisambasha

ودي تيجي ازاي بقي هو ما فيش حد سايس في الجراج اقصد هو الجراج مافيهوش حد شغال فيه؟؟

وبعدين حتي لو حصل كده دا انت تخرب بيت تيييييييت وتبهدل الدنيا عليهم

ده جراج تحت العمارة.. للسكان فقط و فى بواب بس كان نايم فوق السطح علشان بردان

و الادهى ان العربية اللى كانت فى الجراج مش متأمن عليها بس الحمد لله الكسر كان للهواية الخلفية فقط

البواب كان هيبوس رجلى بعدها بس سيبته علشان غلبان و ركبت انذار لانى كنت مكسل

بس الحمد لله على كل شىء

**wisambasha** · 02-11-2009 05:30 PM

المشاركة الأصلية كتبت بواسطة monmonmon

كان نايم فوق السطح علشان بردان

قول حراااااان مش بردان

**damasry** · 02-11-2009 05:57 PM

المشاركة الأصلية كتبت بواسطة wisambasha

تصدق اني انا باشوف العربية من بلكونة شقتي وهي راكنة في المكان ده ( اقصد لما كانت راكنة لانها دلوقتي ما بتشوفشي الشارع غير وهي ماشية لكن طول ماهي راكنة هي في الجراج) انا ساكن في الشارع اللي امام محطة المترو علي طول ولو حدفت طوبة بعلو ايدي هاتيجي في العربية
المشكلة ان الحتة دي كانوا ركبوا فيها عواميد نور جديدة من شهرين تقريبا ومبهرة جدا وكانت بتخلي المنطقة ضهر اتاري الهيصة دي كانت معمولة لغاية السيد المحافظ ومعاه الوزير المقال السابق ما يفتتحوا التجديدات الاخيرة في محطة مترو السيدة زينب يوم 11/10 اللي فات وليلة ما خلص المولد بتاع الافتتاح ده كرسى في الكلوب وضلموها ربنا ينتقم من المسئولين الفاسدين

اتاريهم كانوا معلقين زيها في الشارع اللي عند مدرسة جاردن سيتي وبعدين الشارع رجع ضلم تاني
طب انا بقي اعمل ايه، الشارع عندي شارع كبير ومنور والعربيات مش بتخلص فيه والدورية ماشية 24 ساعة فيه غير الدورية الثابتة اللي عند كلية صيدلة و3 عربيات اتسرقوا من الشارع واحدة منهم كانت واقفة قدام البنك الاهلي يعني فيه عسكري وااااقف.
المشكلة مافيش عندنا جراجات خاالص.