هيونداي فيرنا ولا رينو لوجان؟؟؟

**eng.octooo** · 12-11-2009 09:24 PM

لوجاااااااااااان بلا تردد

**Samah AbdAllah** · 13-11-2009 01:45 AM

رينو لوجان

**bishoy02010** · 13-11-2009 12:57 PM

المشاركة الأصلية كتبت بواسطة seqoia

لوجان بس قطع الغيار غالية

على اساس إيه حضرتك قلت قطع الغيار غالية ؟!!

**M.Osman** · 13-11-2009 01:21 PM

المشاركة الأصلية كتبت بواسطة y2y1500

رينو لوجان طبعا للأسباب التالية:
1. هيكل السيارة وصاج أجمد
2. عفشة ونظام تعليق ممتاز بشهادة كل من ركبوا السيارتين
3. توكيل محترم لا يستغفل الناس ومش بيبيع عربية موديلها اتوقف على أنها جديدة موديل السنة
4. أمان أفضل فى اللوجان وفيديوهات اختبارات السلامة تشهد بكده
5. سعر منافس جدا وكماليات أكتر من اللى موجودة فى الفيرنا بتاع أخينا (؟بور قصدى غبور)

يعنى من الاخر صفقة موزونة ومتكافئة الجوانب واحسبها صح مش زى اللى بيقولك الفانوس بكام وتحطلها بنزين 80 ارخص ولا قطع غيار بكام ومش مهم بقى معمرة ولا لأ

1- الهيكل مقدرش اتناقش فيه لأني معرفش اخباره اية في اللوجان... مع الأخذ في الإعتبار ان في الفيرنا احسن من هيونداي قبل كدا
2- برضه مقدرش اقارن.. بس عفشة الفيرنا ناعمة و مريحة و يعتمد عليها عن تجربة
3- سياسة تسويق اللوجان شبيهة بسياسة تسويق الفيرنا على فكرة... لو حضرتك بس ركزت شوية.. هتلاقي ان زي ما الفيرنا بتستخدم محرك عربية قديمة نسبياً (محرك الإلانترا القديمة) فاللوجان برضه بتستخدم محرك قديم برضه (محرك الميجان القديمة- الكلام دا من نايل موتورز).. بحسبة بسيطة هنلاقي ان مفيش حد بيضحك على حد و هي صناعة السيارات كدا
4- اكيد اللوجان تتفوق في دي
5- هي النقطة الوحيدة اللي شايفها للوجان هي كمبيوتر الرحلات

نقطة البنزين ناقشت حضرتك فيها قبل كدا و لسة مش فاهم قصد حضرتك اية؟

بس ممكن نلاقي نقطة تفوق للفيرنا.. وهي
المحرك القوي: مش قصدي طبعاً ان المفروض تجيب بالعربية 200 ولا حاجة .. بس الميزة فيه انه بيخلي تأثير التكييف على سحب العربية بسيط مع اني كمان نفسي الصيف يجي عشان نعرف نجرب و نقارن اللوجان بالفيرنا في التكييف

يا ريت حضرتك تتقبل رأيي و على فكرة لو كانت اللوجان موجودة ايام ما كنت بشتري ..اكيد كنت هشوفها برضه (و دي دايماً نصيحتي لأي حد بيفكر في العربيتين)

**Egyzizo** · 13-11-2009 01:33 PM

أنا أرشح اللوجان واشتريتها بالفعل بعد مقارنات كثيرة.
بس الفيرنا عربية كويسة
وتتميز عن اللوجان فى الأشياء التالية فقط :
قطع غيار متوفرة خارج التوكيل بسعر كويس
ممكن تتصرف فى مشاكلها خارج التوكيل عشان الميكانيكية عرفوها

بس الميزات دى مسألة وقت بالنسبة للوجان مش أكتر ..

**Youssef.Awad** · 13-11-2009 03:13 PM

المشاركة الأصلية كتبت بواسطة SuccessCre8or

2- برضه مقدرش اقارن.. بس عفشة الفيرنا ناعمة و مريحة و يعتمد عليها عن تجربة

أنا قصدى قوة تحمل العفشة للطرق اليومية الجميلة جدا والمعروف أن مشكلة الفيرنا دايما فى العفشة تحديدا الخلفية اللى بتحتاج تربيط كل شوية وبتأثر على حالة وتآكل الاطارات وطبعا الامامية عشان الكبالن والمطبات
يعنى رأيى ان عفشة اللوجان اقوى من الفيرنا مش مسألة أنعم وأنشف

المشاركة الأصلية كتبت بواسطة SuccessCre8or

3- سياسة تسويق اللوجان شبيهة بسياسة تسويق الفيرنا على فكرة... لو حضرتك بس ركزت شوية.. هتلاقي ان زي ما الفيرنا بتستخدم محرك عربية قديمة نسبياً (محرك الإلانترا القديمة) فاللوجان برضه بتستخدم محرك قديم برضه (محرك الميجان القديمة- الكلام دا من نايل موتورز).. بحسبة بسيطة هنلاقي ان مفيش حد بيضحك على حد و هي صناعة السيارات كدا

كلام حضرتك صح فى شق فكرة بناء السيارة وتسويقها مع الفارق ان الفيرنا هى الاكسنت موديل من 2000 وحتى 2005 يعنى مشكلة السيد المحترم غبور أنه بيبيع موديلات مختلفة من نفس الطراز (اكسنت) فى نفس التوقيت على انها موديلات السنة مع اختلاف السعر
والعملية مش حكاية بقى موتور قديم ولا جديد دى تقنيات وفنيات تانية
وأختلف مع حضرتك فى إن مفيش حد بيضحك على حد
ده اسمه غش تجارى واستغفال المستهلك اللى ما يعرفش حاجة والمفروض يحاسب عليه القانون بس فى بلد القوانين أكيد مش عندنا

المشاركة الأصلية كتبت بواسطة SuccessCre8or

5- هي النقطة الوحيدة اللي شايفها للوجان هي كمبيوتر الرحلات

نقطة البنزين ناقشت حضرتك فيها قبل كدا و لسة مش فاهم قصد حضرتك اية؟

يا ريت حضرتك تتقبل رأيي و على فكرة لو كانت اللوجان موجودة ايام ما كنت بشتري ..اكيد كنت هشوفها برضه (و دي دايماً نصيحتي لأي حد بيفكر في العربيتين)

كومبيوتر الرحلات أصبح متوفر فى اكتر من شكل فى اغلب الموديلات والطرازات الحديثة يعنى مش باعتبرها ميزة تخلينى اشترى اللوجان او غيرها

بالنسبة لموضوع البنزين
قصدى اقول لحضرتك ان فيه بعض الناس بيحبوا يسترخصوا ويحطوا بنزين 80 فى عربيات ماقبل سنة 2000 او فى عربيات حديثة وتعتمد على محركات قديمة نوعا ما زى اللوجان وموتور ال8صمامات بتاع الميجان 1 او الفيرنا وموتورها بتاع الاكسنت
انا شخصيا ما بأشجعش على كده بس للأسف الشديد فى ناس بتعمل كده عشان توفر ومش بتفكر فى عمر المحرك ولا انه لازم يتزبط عشان يحقق افضل حرق للوقود

ولا يهمك ياباشا شكرا على ردك وانا مش زعلان ولا حاجة
احنا مهمتنا نقول المزايا والعيوبة واضحة وبكل شفافية عشان اللى ناوى يشترى عربية معينة يبقى عارف عيوبها - ان وجدت - ومتكيف معاها قبل اما يركبها مش يفاجأ بعكس ما كان فاكر

**M.Osman** · 13-11-2009 11:41 PM

المشاركة الأصلية كتبت بواسطة y2y1500

ولا يهمك ياباشا شكرا على ردك وانا مش زعلان ولا حاجة
احنا مهمتنا نقول المزايا والعيوبة واضحة وبكل شفافية عشان اللى ناوى يشترى عربية معينة يبقى عارف عيوبها - ان وجدت - ومتكيف معاها قبل اما يركبها مش يفاجأ بعكس ما كان فاكر

تمام
انا اللي متشكر عالحوار المحترم :))

**Youssef.Awad** · 14-11-2009 12:07 AM

المشاركة الأصلية كتبت بواسطة SuccessCre8or

تمام
انا اللي متشكر عالحوار المحترم :))

العفو يافندم
الحوار المحترم للناس المحترمة

مشاهدة نتائج الإستطلاع: يا جماعة عايز مقارنة بين هيونداي فيرنا و رينو لوجان مع إبدأ الأسباب......

الموضوع: هيونداي فيرنا ولا رينو لوجان؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

هيونداي ماتريكس vs رينو لوجان هاتش باك

هيونداي فيرنا ولا كيا بيكانتو ولا اسبيرانزا a113 ولا هيونداي i10 ولا رينو لوجان؟؟؟

هيونداي فيفا ام رينو لوجان ؟؟ -- ارجو المساعده من الخبراء

فيرنا فيفا ولا رينو لوجان ؟؟؟

هيونداي فيرنا ولا رينو كليو

الكلمات الدلالية لهذا الموضوع

المفضلات

المفضلات

ضوابط المشاركة