الموضوع: السيراتو اتدمرت

ياريت يا جماعه بعد أذنكم نردعلى سؤال العضو ومنخرجش بره الموضوع الراجل عايز يعرف يعمل ايه مع شركة التأمين واسمحوا لى ان ارد على العضو اولا الحمد لله على سلامة صاحبك وفداه مليون عربيه ثانيا قبل ما تتصل بشركة التأمين لازم تعرف ايه هو الأتفاق اللى بينك وبينهم بالضبط لأنه يوجد تأمين بنسبة تحمل يعني تدفع نسبه من قيمة الأصلاح وشركة التأمين باقي المبلغ وفي شركات تأمين اخري لا تدفع قيمة التأمين في حالة ان يكون السائق هو السبب وفي شركات تأمين عندها حادثه يعني محضر في قسم الشرطه فلازم تشوف وثيقة التامين مكتوب فيها ايه بالضبط وماحدش يستعجب من كلامي لان في بعض الناس وقت الشراء بيكونوا مش مركزين قوي في الكلام ده وبيبقي همهم استلام العربيه ولازم صاحبك يعمل حسابه ان ممكن شركة التأمين لا تدفع المبلغ بالكامل وده بيحصل كتيير بحجة انك استهلكت السيارة ودي حجج علشان يوفروا اي مبالغ وطبعا للأسف لازم يعمل حسابه انه لو اراد انه يصلح سيارته داخل التوكيل (وطبعا ده الأفضل) لسبب واحد فقط ان التوكيل لا يصلح شيء بل يقوم بالتغيير ولذلك بتطلع فاتوره كبيره جدا ولو حب صاحبك يصلح بره التوكيل هايبقي المبلغ اقل بكتيير ممكن يكون ربع القيمه انا بقول كده ليه لأن صاحبك ها يدفع قيمة الأصلاح أولا من جيبه ثم يأتي مهندس التأمين للمعاينه بعد الأصلاح ثم يتم اصدار الشيك وممكن يتم ذلك في شهور يعني الموضوع مش هايبقي سهل للاسف لانه حصل معاي ولازم اقولك كل حاجه بصراحه فأنا رأي تشوف الأول تكلفة التغييرات كام بره التوكيل وبعدين تنقل السياره للتوكيل للمعاينه ومعرفة التكلفه وبعدين تأخذ قرارك بالأصلاح سواء في التوكيل أو بره وحاول يكون ليك معرفه او حد في الشركه بحيث مايأخروش عليك شيك التعويض وارجوا ان اكون قد افدتك في الرد ولكن مني ولصاحبك التحيه والف سلامه

قدر الله وما شاء فعل كلم شركة اتامين واسالهم اية الاجرئات وياريت لو كنت عملت محضر بالحادث وطبعا مش لوم عليك لكن علشان الناس تستفيد اكتر حاجة خطر وممكن تخلى العربية تلف منك انك تدوس فرامل جامد اوى وانت بتحود او بتاخد غرزة خصوصا على سرعات عالية خصوصا ان العربيات من الفئة دى مش فية نظام استبيلتى كنترول ودة مش عيب فى العربية لكن عيب فى التوكيلات هنا فى مصر الى بتحلق كل حاجة من العربيات علشان تظبط السعر وممكن يكون فى الفئات العالية من العربية وممكن فى الخليجي مش عارف بالظبط انا معايا اي اكس زى فى فى الحادث تقريبا ومفهاش النظام دة وفى الاخر مامنع حذر من قدر وربنا يستر الطريق على الجميع وانصحكم وانصح نفسي بعدم التهور فى السرعات والغرز والكلام دة

المشاركة الأصلية كتبت بواسطة Ahmad Aboul Fotouh

ممكن تكون اخدت عين بما ان العربيه جديدة
الحسد ممكن يعمل اي حاجه

X2

والله العربية دي كبرت في نظري
لو كانت هيونداي كان زمان السقف وقع والقوايم اكسرت والعربية بقت عبارة عن بودرة بلاستيك في الارض
يالا قدر الله وماشاء فعل

المشاركة الأصلية كتبت بواسطة khaled_al_nowaihy

ايه حكاية السيراتو دى يا جماعة ؟؟؟؟ ده تقريباً شبه اللى حصل مع المهندس محمود غازى شفاه الله وعافاه

لا بقى كدة كتير كتير قوى ....

العربية دى فى حاجة غلط فى الثبات بتاعها ...مش معقولة كل الحوادث دى صدفة و كلها تتعلق بالثبات ..

-ممكن يكون فى حاجة مثلا فى نوعية الكاوتش بتاع العربية
- ممكن يكون نظام التعليق برضو فى حاجة مش مفهومة
- ممكن جسم السيارة نفسة بالرغم انة طويل و عريض يكون توزيع الاوزان فية فى حاجة مش سليمة .

العربية دى محتاجة يتعملها كونسلتو اختبارات توازن على يد محترفين ..و يظهر العيب فين من التقرير اللى حيطلع .

نصيحة لكل ملاك السيراتو الجديدة دى بكل فئتها ...خد بالك من الكوتش و بلاش اى سرعة عالية و بلاش اى منورات فجائية " لحد ما نكتشف اية حكاية الحوادث دى "

على فكرة محدش يستغرب لو طلع فى مشكلة فى ثبات العربية دى فى تصميمها ..
قبل كدة مرسيدس بجلالة قدرها نزلت عربية فيها مشكلة ثبات والصحف الالمانية كشفت الموضوع و كانت فضيحة و مصيبة كبيرة "ازى شركة زى مرسيدس تنزل عربية كدة"

ياريت لو كل اصحاب السيراتو اللى حصلهم حادث متعلق بالثبات ..يتجمعو كدة و يطلعو على حماية المستهلك ..اعتقد كدة ممكن كيا تتحرك و تتحرى الموضوع دة