السيراتو اتدمرت

**Eng.Sameh** · 19-02-2010 05:57 PM

كل العربيات بتعمل حوداث .. مختلفناش ... بس بتبقى حوادث باسباب متنوعة .. لكن مش كل الحوادث العربية اتقلبت عشان مطب او غرزة او رد فعل مفاجئ .. والغربية ان الناس تقولك ثباتها ممتاز .. ومش عارف منين يبقى ثباتها ممتاز وهي بتقلب مع اي رد فعل مفاجئ او غرزة او مطب .. ماهو الثبات اصلا بيختبر في مثل هذه المواقف .. مش الثبات اللي الناس فاهماه وفاكرين ان مجرد ما ان العربية بتجري من غير ما تعوم يبقى كده ثابتة وانها لما تاخد ملفات على سرعة يبقى كده ثابتة .. اطلاقا . الثبات يتم الحكم علية من المواقف المفاجأة مثل الغرز الديقة وما شابه ..

**zaza_lanos** · 19-02-2010 06:04 PM

80%من الحوادث راى بتبقى من الكاوتش

**yasserelsayad** · 19-02-2010 06:42 PM

على فكرة معظم الحوادث دى بتكون عيب سواق
مثلا الجيتا دى

تقريبا نفس حادثة السيراتو كان على المحور ماشى 100 110 كدا و بياخد غرزة لقى عربية راح دايس فرامل العربية عامت منه و حصلها كدا

وعلى فكرة دا مش حد حكالى اللى حصل دى عربية واحد صاحبى و انا كنت ماشى وراه

**yasserelsayad** · 19-02-2010 07:56 PM

المشاركة الأصلية كتبت بواسطة eng.sameh

ماهي المواقف دي هي اللي بتحكم على ثبات العربية

يعنى قصدك كدا ان ثبات الجيتا وحش :) ؟؟؟؟
هو مش شرط انا مثلا بالسيراتو كذا مرة اجى اخد غرزة و تقفل مثلا او الاقى عربية بدوس فرامل و الم العربية من غير ما تعوم و دى سيراتو و اللى عملت الحادثة سيراتو باردو بس فرق اللى كان سايق
انا مش بقول على نفسى انى سواق جامد ولا حاجة انا بس بقول ان ممكن ان الواحد ممكن يتخد لما الغرزة تقفل او يلاقى حد اودامه فيقوم يعمل اى حركة غلط تتسبب فى عومان العربية و قلبها كمان ... زى اللى بيتقلب بالفئة السابعة كدا اللى مفيش حد يقدر يشكك فى ثباتها

**yasserelsayad** · 19-02-2010 09:23 PM

المشاركة الأصلية كتبت بواسطة eng.sameh

وجهة نظر تحترم طبعا .. واكيد اللي سايق بيفرق جدا في المواقف دي .. بس تكرار حدوث الحوادث في السيراتو بالذات بنفس السيناريو او يعني بصور متقاربة هو اللي بيخليني اقول كده .. أنا عن نفسي مقتنع ان نظام التعليق سيئ فعلا في العربية دي .

رأيك يحترم باردوا

**أبو عبدالله** · 19-02-2010 11:12 PM

المشاركة الأصلية كتبت بواسطة Eng.Sameh

كل العربيات بتعمل حوداث .. مختلفناش ... بس بتبقى حوادث باسباب متنوعة .. لكن مش كل الحوادث العربية اتقلبت عشان مطب او غرزة او رد فعل مفاجئ .. والغربية ان الناس تقولك ثباتها ممتاز .. ومش عارف منين يبقى ثباتها ممتاز وهي بتقلب مع اي رد فعل مفاجئ او غرزة او مطب .. ماهو الثبات اصلا بيختبر في مثل هذه المواقف .. مش الثبات اللي الناس فاهماه وفاكرين ان مجرد ما ان العربية بتجري من غير ما تعوم يبقى كده ثابتة وانها لما تاخد ملفات على سرعة يبقى كده ثابتة .. اطلاقا . الثبات يتم الحكم علية من المواقف المفاجأة مثل الغرز الديقة وما شابه ..

بالظبط هو ده الكلام المظبوط
لما تبقى الحوادث كلها او اغلبها نفس الشكل يبقى فيه مشكلة معينة سواء عرفناها او لم نعرفها ولكن ده شئ يدعو للبحث بدل ما نتكلم وخلاص في اي حاجه حتى لو قلبنا الكلام على عربيات تانيه برضه هتفضل المشكلة موجوده وملقناش حل علشان الناس اللي مصممه تشكك في كلامنا مع اننا لم نشكك في كلامهم

المشاركة الأصلية كتبت بواسطة yasserelsayad

على فكرة معظم الحوادث دى بتكون عيب سواق
مثلا الجيتا دى

تقريبا نفس حادثة السيراتو كان على المحور ماشى 100 110 كدا و بياخد غرزة لقى عربية راح دايس فرامل العربية عامت منه و حصلها كدا

وعلى فكرة دا مش حد حكالى اللى حصل دى عربية واحد صاحبى و انا كنت ماشى وراه

مفيش مشكلة ولكن هل الجيتا اتقلبت من وشها
شكل العربيه مخبوطة من الخلف اما شكلها مفيش قلب
ومع احترامي للكلام ده
هل لو رايت ثلاث او اربع عربيات جيتا عاملين نفس شكل الحادثة ده مش هيدعوك انك تحرص من العربيه وتبحث في الأسباب وده اللي بنقوله هنا علشان محدش يتهمنا بتهم معرفش جابوها منين

وعلى فكره انا اخويا كان راكب كورولا 2006 اللي هما كانو مطلعين عليها انها بتعوم وثباتها زفت
كان ماشي على 140او 150 كده
والكاوتش الأمامي شمال فرقع منه واللي مش عارف كاوتش الكورولا فالكاوتش حجمه كبيره يعني لما يفرقع يعمل فارق كبير في ارتفاع العربيه
المهم دخل في الرصيف اللي في نص الطريق والعربيه طلعت وعدته وخبط بجمبه في عامود نور ولفت العربيه وبرضه متقلبتش شوف ازاي
يعني فرقعة كاوتش على سرعه وخبطة في جمب العربيه في عامود وتعدية رصيف عالي جاب للعربيه مقص ومع ذلك مقلبتش
وفي الأخر عربيه بتاخد نقره تقلب وعلى وشها كمان مش جمبها مثلا
انا مش فاهم اللي بيدافع ده بيدافع وخلاص كده بدون فهم
انا رايي يقعد يفكر كده لوحده يمكن الموضوع يتضح له

المشاركة الأصلية كتبت بواسطة Eng.Sameh

ماهي المواقف دي هي اللي بتحكم على ثبات العربية

بالظبط كده

المشاركة الأصلية كتبت بواسطة yasserelsayad

يعنى قصدك كدا ان ثبات الجيتا وحش :) ؟؟؟؟
هو مش شرط انا مثلا بالسيراتو كذا مرة اجى اخد غرزة و تقفل مثلا او الاقى عربية بدوس فرامل و الم العربية من غير ما تعوم و دى سيراتو و اللى عملت الحادثة سيراتو باردو بس فرق اللى كان سايق
انا مش بقول على نفسى انى سواق جامد ولا حاجة انا بس بقول ان ممكن ان الواحد ممكن يتخد لما الغرزة تقفل او يلاقى حد اودامه فيقوم يعمل اى حركة غلط تتسبب فى عومان العربية و قلبها كمان ... زى اللى بيتقلب بالفئة السابعة كدا اللى مفيش حد يقدر يشكك فى ثباتها

اي عربيه لو تكرر نفس الحادث في اماكن مختلفة وسائقين مختلفين وظروف مختلفة ويبقى العربيه بتعمل نفس شكل الحادثة اكيد ده اقرب دليل يجعلني ابحث في الأمر وأشك أولا في العربيه وليس في الظروف والسائق
فكل الظروف اختلفت والعامل المشترك السيارة وشكل الحادثة يبقى السبب مين ................. اكيد سواقين المقطورة

**yasserelsayad** · 20-02-2010 12:37 AM

انا حاطط الصور على الموضوع دا عشان تقريبا نفس الحادثة بظبط.
و بعدين ان مقلتش ان الجيتا اتقلبت .. العربية عامت منه و دخلت فى السور اللى فى نص المحور.و السيراتو باردوا متقلبتش فى الموضوع دا فا ياريت لما ترد على حد ترد على اد ما هو كاتب او على اللى هو بيتكلم عليه.
ثانيا انا متهمتش اى حد بأى حاجة ولا جبت سيرة السيراتو بتتقلب ولا مبتتقلبش
ثالثا انت اصلا مش معاك العربية ليه بقى بتدخل تكتب عنها من مجرد الاستماع عن حوادث او مشاهدة صور لحادثة فقط دون معرفة الاسباب الحقيقية اللى تسببت فى الحادثة.
وبعدين ملاك العربية بيدفعوا عنها عشان العربية معاهم معملتش اى حاجة او مش مفيش مشكلة بالنسبة ليهم .. زى كدا لما ملاك تويوتا لما كانوا بيدفعوا عن العربية لما كان حد يشتكى من عيب فيها ولكن لما الشركة هتسحب العربيات بسبب العيوب كلوا ابتدى يقول العيوب اللى عندوا.
انا مثلا معنديش تويوتا فا مش بدخل اتكلم و اعد اقول نشوف حل و نفكر طيب انا مالى هى المشكلة مش بتاعتى انا اصلا دى بتاعة ملاك العربية هما اللى هيبقوا يشوفوا الحل دا بنفسهم لما تبقى تظهر العيوب فى عربياتهم.

احنا الحمد لله عندنا الالمانى و الفرنساوى و الكورى و كنا ملاك سابقا لليابانى و الحمد لله مش بشتكى خالص من السيراتو ومريحانى جدا الحمد لله.

-

-

الموضوع: السيراتو اتدمرت

LinkBack

أدوات الموضوع

عرض

-

-

-

-

-

-

-

المواضيع المتشابهه

حادث هيونداي i10 بالصور .... العربية اتدمرت

عربيتي 305 عملت حادثه و اتدمرت ، محتاج أرائكم

الفيكترا اتدمرت والحمد لله

العربية اتدمرت ولله الحمد!

العربية اتدمرت من ادام

الكلمات الدلالية لهذا الموضوع

المفضلات

المفضلات

ضوابط المشاركة