الموضوع: غفوة أثناء القيادة ( كيفية تجنبها للنقاش)

المشاركة الأصلية كتبت بواسطة aymansaad

انا بعتقد ان الطرق عليها عامل يعنى الطرق المزدحمة زى الزراعى فى حركة متنمش اما طريق السويس فلعنة ينيم اللى ماينمش

واللى العن منه كمان طريق العريش مثلا كل ساعة على ماتلاقي عربية ماشية من جنبك ولا مطروح ولا شرم ولا الغردقة كل دي طرق كوارث بالنسبة للى بيفكلا ينام

أنا أصلا مش بنام وانا سايق نهائي بس طريق العريش ومطروح لاقيت راسي تقيلة ومش مركز فيهم كذا مرة وبكره نفسي بسبب الحكاية قوي

المشاركة الأصلية كتبت بواسطة mohabelnegm

أنا عادة بسافر من جنوب سينا للقاهرة,كانت مشكلتى أنى بحس بالنوم وأنا سايق...لقيت فكرة ممتازة .....دايما بجهز كيلو جزر متقطع,المجهود اللى بعملة علشان اندغ الجزر بيخلينى صاحى طول الطريق..كل لما أحس بالنوم اكل شوية جزر...فكرة ممتازة و مجربة:)

حلوة فكرة الجزر دي خصوصا للى بيحبه

المشاركة الأصلية كتبت بواسطة cairo2005

الكارثة بقة في مرضي السكر زي حالاتي دول النوم عندهم بيبقي لا ارادي وبيحصل فجاة مهما حاولوا ينبهوا نفسهم مجرد ان السكر يقل او يعلا الواحد يخش على النوم عدل في ثواني
ربنا يسترها

طبعا، ربنا يكون فى العون ويحمي عبيده

المشاركة الأصلية كتبت بواسطة cairo2005

الكارثة بقة في مرضي السكر زي حالاتي دول النوم عندهم بيبقي لا ارادي وبيحصل فجاة مهما حاولوا ينبهوا نفسهم مجرد ان السكر يقل او يعلا الواحد يخش على النوم عدل في ثواني
ربنا يسترها

تقدر تتغلب على الموضوع دة بأنك تبقى حاطط في درج التابلوه بتاع عربيتك قطع من الحلوى او الملبس واول ما تحس بدوخه خفيفه يبقى السكر قل في جسمك و تاخدلك قطعه حلوى بسرعه

والأهم من كله ده تنظيم السكر باستمرار وتنظيم مواعيد الأكل

ندغ اللبان

موضوع اكتر من رائع
بس في حاجة كده جت في دماغي
تعمل ايه في المواقف الاتية
1- وانت سائق بتبص وراك لقيت واحد جاي بسرعة وشفته نايم على الطارة
2- لو انت ماشي وشفت واحد ماشب جمبك ونام وابتدى يحدف يمين او شمال
3- وانت ماشي على رجليك وبتعدي الشارع ولقيت واحد جاي عليك وهو نايم وبيدف عليك
4- وانت ماشب ولقيت واحد ادقمك داخل في اي حاجة اوكتشف انه نايم

تتثرف ازاي علشان تحاول تنقذ نفسك وتنقذه

تقبلوا تحياتي