غفوة أثناء القيادة ( كيفية تجنبها للنقاش)

**Dr.Karim Emam** · 26-11-2009 02:08 AM

المشاركة الأصلية كتبت بواسطة Ahmed0Nouh

لا انا دايما لما بسوق مشوار واكون مرهق وعايز انام مجرد ما ارجع البيت انام افضل احلم بحوادث لحد ما اصحى

اخر مره عملتها كنت عمال احلم ان العربيه بتعوم منى ومش عارف المها ودخلت فى عمود اعلان , تانى حلم انى لبست وش فى وش فى المقابل وانا بتخطى اللى قدامى , تالت حلم انى دوست التباع فى الجراج وانا بركن وكل ده فى نومه واحده :) من يومها مبحاولش اطبق يومين سواقه تانى

انا لا كنت مرهق و لا عاوز انام اطلاقا !!!!!!
بس مش عارف ايه اللى حصل و خلانى انام فى الوقت ده مع انى لما روحت البيت يومها نمت الساعه 3 الفجر

**د.محمود صلاح** · 27-11-2009 09:04 AM

سواقين الترلات كييفة حاجات كتير اهمهم قرص الكابتشينو بيعمل دماغ , ونادر لما تلاقى حد منهم مش ضارب حاجة

**sindbad2day29** · 12-01-2012 04:57 PM

إشرب سجاير

**grand hand** · 13-01-2012 12:17 AM

ربنا يسترها مع الجميع

**Haitham10** · 13-01-2012 04:28 AM

اولا بشكرك يا دكتور علي فتحك موضوع مهم فعلا
انا زمان كنت ممكن اقعد يومين وتلاته مطبق وكمان سايق والحياه عادي
واوقات ممكن اعدي مشاوير 600 كيلو خبط لزق
بس دة كان زمان
بقالي سنة وشوية بدات احس بموضوع النعاس دة فعلا فكل مرة ببقي فيها لوحدي ودي حاجه بتنرفزني جدا في وقتها

والحل كتير من الاخوة قالوه وهو غالبا غير وضعيتك حتي لو هتنزل شوية من العربيه تمسح ازاز تعمل اي حاجه
وانا بالنسبالي بستمتع جدا لما الاقي اي واحد بيفهم علي الطريق بيبقي اجمل ونس
لان الجري بيفوق اه بس هتنام لانك مش هتلاقي حد بعد كدة وهترجع لنفس القصه
فااحسن حل لما بلاقي حد بيسوق كويس واشارات وماشي 100 فيما فوق بفضل وراه شوية وقدامه شوية بدون سباق او رخامة وفي الغالب ولظروف البلد حاليا الكل بيراعي النقطة دي وبيمشوا مع بعض ونس

بس لو الطريق مفيهوش حد او الطريق روتيني وممل الواحد بيمل ويشعر بالنعاس جدا وفي الحاله دي مبلاقيش طريقه غير اني اوصل بسرعه قبل مااسقط خالص

في الي يقولك خد افيون او تمول وخد من الكلام دة كتير

وانا مقتنع كليا ان ممنوع علي الطريق اي نوع من الادوية لانها بتأثر في التصرفات والاستجابه للانسان سواء للبرد ولا مسكنات اياها

**koshary** · 13-01-2012 05:33 PM

انا باكل لبان كلورتس لما ببقا تعبان بيخلى الواحد منعش جدا ومخلى منو دايما فى العربيه

**M.Ayman** · 13-01-2012 07:17 PM

المشاركة الأصلية كتبت بواسطة Ahmed Samy

موضوع ممتاز ....

انا لما بانعس باعمل الأتي بالترتيب :

1 - بافتح القزاز و اطلع ايدي بره
2 - باظبط الكرسي في وضعية مزعجة مش متعود عليها
3 - باشغل ميتال هبد ورزع
4 - اجري بقى و امري الى الله ...الجري و السرعة بيفوقوا جداااا

فعلا مضوع الجرى ده بيفوق جامد و خصوصا فى الطرق اللى مش سفر علشان بتحس بسرعه كبيره نسبيا علشان فى ناس حواليك بس لو متعود على الجرى على طول مش هيفرق معاك

للاسف يعنى نفعت معايا كام مره بس بعد كده مفيش غير لو جريت برضه اكتر من الطبيعى بتاعى