الاهمال فى المستشفيات الحكومية عادى و مش جديد..... المختلف بقى انك لازم تخلى عينيك فى وسط راسك حتى لو فى احسن مستشفى فى البلد..... من 3 سنين ودينا حمايا لدار الفؤاد باشتباه فى جلطة..... و بعد الطوارئ طلع غرفة عشان يقعد كام يوم لحد ما الحالة تستقر..... طلع الاوضه لقيناها مش قوى طلبنا تغييرها غيروهالنا...... و قعدنا نفوق من الخضة عليه و اجرى و الحق والدربكة اللى حصلت و احنا مطمنين ان كل شئ ماشى فى مساره..... ساعة و ساعتين و تلاتة و ناس رايحة و ناس جاية و فجأة علامة تعجب نورت ادام عينى..... اللى ما فى ممرضة شفناها جت و لا محاليل اتعلقت و لا دكتور عدى ولا حاجة خالص..... سألنا فين العلاج و المتابعة قعدوا يراجعوا و قالولنا هو انتوا مش فى اوضه كذا؟ قولنالهم ما احنا غيرناها...... ردوا ان العلاج و دكتور المتابعة راحوا الاوضة القديمة و لما ما لاقوش حد مشيوا !!!!!!!!
و لولا ستر ربنا كان الراجل الله و اعلم ايه اللى حصله......
المفضلات