الموضوع: كوري ولا ياباني؟؟؟

المشاركة الأصلية كتبت بواسطة momopersona

كلامك صح فى حاجات يا حسام باشا بس انا ااكدلك ان انا لو معايا تمن اليابانى هاشتريه لان فرق الخامات والمواتير والثبات والعفشات والعمر يستاهل بجد
يعنى انت ركبت السيفيك واكيد ركبت الالنترا ايه رأيك الفرق يستاهل ولا لا ؟؟
ركبت الكرولا الجديدة والسوبارو ؟؟ ايه رأيك ؟؟ يستاهلو تمنهم ولا لا نسبة للسيراتو والالنترا والكروز سيبك من البرسونا عشان دى فعلا حاله استثنائية زى اللوجان كده
وفرق السعر ده بيكبر اكتر فى العربيات المستعملة
يعنى مثلا اللانسر الكريستالة والكرولا العيون 1300 سى سى موديل 98 تقريبا بيعملو 50 الف
شوف الفيرنا ال 2006 ال 1600 سى سى هاتلائيها بنفس التمن تقريبا
وهكذا لان العربيات دى بتبان على حقيقتها بئا فى المستعمل
بس فعلا لو حافظت عليها والتزمت بالصيانات هاتفضل كويسة وده مش هاتبئا ميزة فيها دى ميزة فيك انت انك حافظت عليها

كلام جميل ومظبوط
يا جدعان اتفرجو على العربيات دي كلها بعد 10 سنين وشوف الأسعار والجودة
والله في داخل العربيات دي حاجات كتير بفلوس
ولكن مين اللي يعرف او يدرك الامور دي
مش لازم وانا بشتري عربيه ياباني يقولي دي متجلفنة من الداخل والكوري لا
او يقولي الحديد بتاعها كذا والكوري كذا
او يقولي نوعية البلاستيك اللي فيها تكلفته عاليه علشان صديق للبيئة او مالوش اضرار والتانيه لأ
في حاجات من هنا للصبح ممكن نقولها
ممكن تكون مش مهمه للكثير منا
ولكن هيا موجوده وبتتحسب بفلوس
وهو ده اللي الناس مش قادره تقتنع به
مثال بسيط
في مطعمين الأتنين بيقدموا اكل
واحد بيراعي في اكله الأضرار الصحية للأكل وبيستعمل في اكله افضل المكونات الصحية والتاني بيقدم نفس الأكل ولكن بدون اهتمام بالأضرار الصحية التابعه للمكونات بتاعته
انت هنا هتاكل وهنا هتاكل
ولكن ده دافع بزياده لأن له معايير مش شرط انت تشوفها او تحسها
والتاني لأ
يارب تكون وجهة النظر وصلت

المشاركة الأصلية كتبت بواسطة abou_ruqi

يا جماعة الموضوع مادي بحت
لو كانت السيفيك بنفس سعر الالنترا , كان اللي بيدافعوا عن الكوري كلهم ركبوا السيفيك
ولو كانت الباسات بنفس سعر السيفيك كان كل اللي بيدافعوا عن الياباني , كلهم ركبوا ألماني

وبما ان اللي راكب عربية , أول سبب خليته يجبها إنها على قد ميزانيته , فمفيش داعي للعصبية

والحقيقة الثابتة التي لا ينكرها عاقل

إن جودة الأوروبي أعلى من جودة الأسيوي
وإن أفضل الأسيوي هو الياباني
بالأخص في مسألة الأمان

بس خلاص !!

اعذرني فهو بالنسبة لي ليس مادي بحت
انا لو معايا نص مليون جنيه وهشتري عربيه
صدقني هشتري ياباني برضه
وده مش هوس او تعصب
وانما انا ارى فيه ما اريده وما اجده جيد جدا بالنسبة لي
وغيره لا للأسف