الموضوع: كوري ولا ياباني؟؟؟

المشاركة الأصلية كتبت بواسطة hosam_optrawy

طب انا عايز اخد رأيك فى حاجه يامومو

انت قلت فى مشاركات قبل كدا ان الكورى مش بنفس جودة اليابانى وان اليابانى اكيد احسن بس محدش بيعترف والكورى حلو لكن على اد تمنه واللى بيجيب كورى بيبقى مش معاه تمن اليابانى او بيبقى عايز يوفر

دا رأيك صح ؟ لو غلط معلش صححلى

طب بأمانه هل انت شايف ان اليابانى يستاهل سعره ؟ تمنه فيه وحلو اد فلوسه ؟ الجوده اللى فيه تستاهل فرق الفلوس الجامد دا ؟

تعالى نشوف

نفترض مثلا ان انا عايز اجيب عربيه جديده سيدان 1600 اوتوماتيك

وعايز اجيب يابانى

وهانفترض ان انا معايا حاليا مثلا بيرسونا باعتبار انك شايف انها افضل من الكورى كله طبعا

تعالى نمسك كدا العربيات اليابانى السيدان اللى بتتباع فى مصر

تويوتا كورولا ( فرق بينها وبين البيرسونا 55 الف او 70 الف )

سوبارو امبريزا ( فرق بينها وبين البيرسونا 55 الف او 65 الف )

مازدا 3 ( فرق بينها وبين البيرسونا 60 الف او 80 الف )

هوندا سيفيك ( فرق بينها وبين البيرسونا 60 الف او 86 الف او 98 الف )

نيسان بلوبيرد سيلفى ( فرق بينها وبين البيرسونا 50 الف )

لانسر شارك (فرق بينها وبين البيرسونا 45 الف او 55 الف )

طبعا مفيش كلام ان العربيات دى افضل واعلى من البيرسونا بكتير كعربيه وعلى عينى وراسى

بس هل انت شايف ان فرق الفلوس الرهيب دا هتاخد بيه جوده واعتماديه وعمر طويل ؟

دا اقل فرق بين البيرسونا فل اوبشنز وبين اقل فئه فى دول 45 الف جنيه !!!!!

مع العلم ان عربيات زى الشارك والسيفيك والامبريزا لسه منزلش منهم موديل 2010 ومن المحتمل ينزلوا اغلى !!

______________________

ما علينا من دول خلينا نشوف اليابانى اللى أرخص شويه

سوزوكى sx4 ب 107 الف ( اعتقد العربيه الوحيده اللى سعرها معقول وكمالياتها ومواصفاتها كويسه جدا ويابانى 100 % تحفظى بس على شكلها وقلة انتشارها وبالتالى قطع غيارها هاتبقى غاليه ومش متوفره واعادة بيع غير جيده )

هوندا سيتى ب 118 ( طبعا سعر مبالغ فيه مع انها تقفيل تايلاند واحتمال موديل 2010 ينزل اغلى كمان مع ان كمالياتها قليله جدا وقطع غيارها غاليه وبرضه غير منتشره يعنى ينطبق عليها مثال ال sx4 )

نيسان تيدا ب 114 الف (عربيه محترمه زى ال sx4 يابانى 100 % لكن اغلى من السوزوكى وكمالياتها أقل وبرضه شكلها مش مقبول اوى والله اعلم موديل 2010 هاينزل اغلى ولا لأ )

لانسر بوما ب 119 الف ( طبعا سعر مبالغ فيه )

واخيرا الصنى التقفيل المصرى عشان كدا رخيصه

ـــــــــــــــــــــــــ ـــــــــــــ


يعنى العربيات اللى تستاهل تمنها فى كل دول

سوزوكى sx4

ونيسان تيدا شويه

بس يارب بقى مايغلوش عن كدا

ايه رأيك فى الكلام دا ؟؟؟

كلامك صح فى حاجات يا حسام باشا بس انا ااكدلك ان انا لو معايا تمن اليابانى هاشتريه لان فرق الخامات والمواتير والثبات والعفشات والعمر يستاهل بجد
يعنى انت ركبت السيفيك واكيد ركبت الالنترا ايه رأيك الفرق يستاهل ولا لا ؟؟
ركبت الكرولا الجديدة والسوبارو ؟؟ ايه رأيك ؟؟ يستاهلو تمنهم ولا لا نسبة للسيراتو والالنترا والكروز سيبك من البرسونا عشان دى فعلا حاله استثنائية زى اللوجان كده
وفرق السعر ده بيكبر اكتر فى العربيات المستعملة
يعنى مثلا اللانسر الكريستالة والكرولا العيون 1300 سى سى موديل 98 تقريبا بيعملو 50 الف
شوف الفيرنا ال 2006 ال 1600 سى سى هاتلائيها بنفس التمن تقريبا
وهكذا لان العربيات دى بتبان على حقيقتها بئا فى المستعمل
بس فعلا لو حافظت عليها والتزمت بالصيانات هاتفضل كويسة وده مش هاتبئا ميزة فيها دى ميزة فيك انت انك حافظت عليها