الموضوع: كوري ولا ياباني؟؟؟

المشاركة الأصلية كتبت بواسطة semsem kane

انا مش بدى امثلة للفيرنا ولا حاجة انا بس بستغرب من الناس اللى بتشكر فى الالنترا وبتشتم فى الفيرنا ,مع ان الفرق مابينهم مايعملش كل الفجوة دية كلها,يعنى 67 الف للفيرنا او 66 الف مقابل 93 الف للانترا يعنى فرق 27 الف جنية يعملوا الفرق دة كلة يبقى الشركة بتستهبل وبتموت مبيعات الفيرنا عشان تنزل عربية سعرها غالى وعربية تانية احسن منها على كلامكوا وفرق بسيط يبقى طبيعى كدة هاجيب الاحسن طالما الفرق بسيط وهتريحنى بعد كدة ,لكن من تجربتى للسياراتين طلعت بالنتائج دية
1:الخامات سيئة فى السياراتين
2:ثبات وحش فى الاتنين
3:عيوب صناعة كتير
4:بودى خفيف مايناسبش قوة الماتور
دية النقط اللى لاقيتها فى كل الكورى مش دول بس على فكرة
ياباشا احنا كان معانا افيو كرهنا اليوم اللى فكرنا نجيب فيها العربية وكانت زيرو بعد 3000 العربية كانها ماشية مليون كيلو كل حاجة فيها بتبوظ ولا جرى ولا سحب وخصوصا مع التكيف واتباعت الحمد لله وهية اصلا كانت موديل اول 2008 واتباعت بعديها ب8 شهور ولا حاجة بخسارة 15 الف جينة مع وجود سماعات بيونير اصلية وكاسيت سونى اريكسون اللى فية شرايط واسطوانات مع بعض وكمان طقم زينون ,ب1200 المانى ,وجنوط اسبور 14 بكاوتش كومهو جديد
يعنى تكلفة الحاجات دية كلها حوالى 5800 جنية +15000 يبقى 20000 الف جنية خسارة فى العربية بعد اقل من سنة بالذمة مش حرام
وحلفنا ماحد فينا انا واصحابى نركب كورى تانى

+111111111111111111111111
على فكره ثبات الالنترا وحش فعلا حتى اوحش من الاوبترا بكتير يمكن يكون بسبب الباور الله اعلم
ده اوحش من الاوبترا اللى انا باعتبرها مش ثابته اوى بس يمكن اكمنى بقارنها بالبروتون والكرولا والسيفيك
العربية الوحيدة اللى الى حد ما باحترمها فى الكورى هى الكروز خاماتها حلوة وموتورها حلو يعنى احسن من اللى بتئولو عليه 124 حصان بتاع السيراتو وفى الاخر بطة الفتيس ال 6 نقلات جامد لكن فتيس اللانسر برده يضربه بالجزمه ال cvt ثباتها حلو بس عشان كده سعرها قريب من اليابانى واكيد الشارك والسيفيك والكرولا احسن برده ولا ايه ؟؟

المشاركة الأصلية كتبت بواسطة Hosam_Optrawy

27 الف جنيه مش فرق قليل بالنسبه للعربيات اللى تحت 100 الف

وطبعا لازم تحس بفرق

يعنى مثلا فى المثال اللى انت ذكرته

طبعا فى فرق كبير فى كل حاجه

التقفيل - الخامات - الموتور - الثبات - العفشه ونظام التعليق - الوسع - الشكل

ولا اقولك بلاش الكورى عشان انت كارهه

فرق ال 27 دول مثلا هو الفرق بين اللانسر بوما والسيفيك

فى فرق ولا مفيش ؟

الفرق مثلا بين الرينو سيمبول والميجان

فى فرق ولا لأ ؟

ال 27 الف ممكن متحسش بفرق فيها لما سعر العربيه يعدى 150 او 200 الف

ساعتها ال 27 الف يبقى مالهمش لازمه فعلا

لكن فى العربيات الرخيصه ال 10 الاف بيفرقوا

وأديك انت برضه أهو اديت مثال بالأفيو

سيبك من الأفيو والفيرنا واللانوس عشان دول تقفيل مصرى

ومش كل الكورى فيه عيوب صناعه زى مانت بتقول

انا معايا اوبترا اللى هى المفروض أقل وأقدم من الالنترا والسيراتو والكروز

والحمد لله ولا خاماتها وحشه ولا ثباتها سئ ولا فيها عيوب صناعه

موضوع البودى ففعلا معاك حق فيه انا عندى الصاج ضعيف فى منطقة السقف والكبوت

بس الصاج بقى كله ضعيف فى أغلب العربيات الجديده حتى اليابانى

طب انا هاكلمك بنفس منطقك
ايه رأيك فى الفرق بين الاسبرانزا m11 والاوبترا
ال m11 كمواصفات احسن فى كل حاجة و ب 75 بس هل تستحق الفرق ال 15 الف بينها وبين الاوبترا اللى مش كامله ؟؟؟؟
يبئى نجيب صينى بئا ولا ايه ؟؟؟ خصوصا ان احنا مش هانركب عربيات 10 و 15 سنه
طب ايه رأيك فى الفرق بين اللوجان والنيو اكسنت هل هو يستاهل ؟؟؟
يبئا نجيب لوجان صح ؟؟؟
زى بالضبط الفرق بين السيراتو والكرولا مجيب سيراتو صح ؟؟؟
بالذات ان ال 15 الف تحت ال 100
هى نفسها 30 الف فوق ال 100 كنسبة تقريبا صح ؟؟
وعلى فكرة الناس اللى جابو m11 بيشكرو فيها اوى واللى جابو لوجان بيشكرو اكتر واللى جابو سيراتو والنترا مش كلهم بيشكرو والله

المشاركة الأصلية كتبت بواسطة monmonmon

ادخل منتدى رينو و شوف التوكيل بيغير للناس طلمبة مياه و مش عارف ايه تانى عند 10,000 كم و انت تعرف ان الفرق بين اللوجان و النيو اكسنت مش بس فلوس


والله احسن من اللى مابيغيرش حاجه زى غابور وده انا اطمنله اكتر ان حتى لو فيه عيوب هاتتحل ولا ايه ؟؟


انا عندى عربيتين كورى و الحمد لله مفيش واحده طلع فيها مشكلة فى اى حاجه
ربنا يباركلك فيهم بس ده مش معناه ان الكورى حلو لان فى حالات تانيه كتير عكسك
انا اعرف عربيتين رينو كليو 2002 و 2003 غيروا طلمبة بنزين و العربية جديدة


كليو ؟؟؟ غريبه جدا !!


الحمد لله الواحد مشترى عربية كورى و مشترى دماغه مش عمال يصلح و يروح ويجى

ده الكورى !!ربنا يباركلك فيهم والله
بس غريبه ده غالبية اللى معاهم كورى يئولك مشاكله كتير بس مش اكتر من فرق الفلوس اللى وفرته من اليابانى والاوربى مثلا

انا عربيتى ال i10 لسه مخبوطه من ورا من قريب فكرت على الهوا كده انى ابيعها قلت لو بيعتها هجيب بردوا i10 او يمكن i20 و مش هفكر فى لوجان ولا نيله


غريبة اللوجان وحشة امال ايه اللى حلوة ؟؟؟؟؟
الكورى بس ؟؟؟


بجد 100 100 هيونداى و الصناعة الكوريه زى الفل يكفى انى مشيت بالماتريكس 60,000 كم بدون تغيير فلتر هواء او بوجيهات او سيور او تيل فرامل... و العربية كانت شغاله الله ينور و بعد الصيانة بقت زى الفل و تسارعها زاد عن الاول بقت تجيب من 0 ل 100 فى 11.4 ثانيه و مش مربط ولا مسمار فى العفشة من اول ما اشتريتها و لما رحت عند ال 60,000 كم علشان اغير الفلاتر و السيور..... الراجل قالى مفيش مسمار فى العفشة عرف يربط عليه و مش محتاج حد يكلمنى عن الاعتمادية و العمر الافتراضى لان التجربة خير دليل


اكيد انت والله اللى راجل مبارك
بعدين 11.4 ثانية مش كتير شوية ؟؟ وتيل يعد 60000 مش كتير برده وعفشة ماشيه فى مصر 60000 من غيرماتعوز تتربط مش كتير برده ديه العربيات الجيب بتعوز مع مصر دى
كلامك معروف بالنسبة للى جرب و عارف لكن بتتكلم مع واحد مقتنع ان الفيرنا دى مثال للكورى عامة و هدفه يقعد يشتم فى الكورى و فى هيونداى مالوش لزمه
لو تقصدنى انا فده غلط بجد انا بس باحب احط كل حاجه فى مستواها الحقيقى لان اللى اشترو الافيو والفيرنا كان بسبب كلام مشابه جدا والله وفى الااخر اللى قالو الكلام هما اللى شالو غنوب