الموضوع: للأسف... احذروا من النيوسيراتو...!!!!

غازى بك شفاك الله وعفاك وتمم شفائك على خير ان شاء الله

بس لو تسمحلى محاولة لتحليل الحادث ده معاك

ايه اللى يخلى عربية تنقلب فى العادة .... عدة احتمالات

انفجار احد الاطارات وخاصة الامامية ... او فقدان احد العجلات الامامية
او كسر فى المقص ... الخ والانحراف المفاجىء القوى الذى يؤدى
الى عومان السيارة وفقدان السيطرة عليها

احتمال نزولك فى المطب ادى يا اما الى انفجار الكاوتش وده دائم الحدوث فى الجنط ال17
او كسر المقص (الذى جعلك تفقد توجيه السيارة) وبالتالى انقلابها

نرجع لنقطة انقلاب السيارة 10 مرات او اكثر ... السيارة فى حالة

انقلابها كاكتلة مكتسبة طاقة نتيجة سرعتها ومع كل مرة انقلاب تفقد

جزء من الطاقة دى حتى تصل طاقتها الى الصفر وتتوقف ,وعليه

اعتقد ان سرعة 100 كم لايمكن ان تكسب السيارة طاقة تجعلها تنقلب

10 مرات ابدا وانما ممكن مرة او اتنين وده كمان باين من حالة سقف السيارة

او تكون ماشى على سرعة رهيبة اكتر من كده بكتير

وظنى ان فيه كتير من ماركات السيارات لو واجهت نفس الظرف

ممكن تؤدى لنفس الحادث مش بس السيراتو ....

عوضك الله خيرا وحفظك من كل سوء

المشاركة الأصلية كتبت بواسطة abou_ruqi

أستاذ أحمد بما إن حضرتك من الشركة ليا سؤال

هل أنت مؤمن إيمانا تاما إن لو نفس الظروف حصلت بس كانت العربية ميجان فرنساوي (اللي أنتوا بتشتغلوا فيها برضوا) كان حيحصل نفس النتائج ؟


واستحضر عاقبة ضياع الأمانة قبل الإجابة (دي تذكرة تنفع المؤمنين و متزعلش حد )

معالى الباشا

اولا اشكرك على تذكيرى بعاقبة ضياع الامانة ...

ثانيا بناء على ايه حضرتك بتقول على انى من الشركة

( الحقيقة مش عارف) اذا كنت بتظن ذلك - اذكرك بعاقبة الاخذ بالظن

يا اخى العزيز انا لا من الشركة ولا امت لها بصلة من قريب ولابعيد ومجال عملى بعيد عن السيارات

انا مهندس استشارى فى مجال نظم المعلومات - وشغال فى شركة خاصة بالاستشارات فى نفس المجال

ودى دعوة لمحاولة تحليل الحادث الذى اصاب زميل المنتدى محمد غازى - اتم الله عليه نعمة الشفاء -