للأسف... احذروا من النيوسيراتو...!!!!

**abou_ruqi** · 05-12-2009 05:54 PM

المشاركة الأصلية كتبت بواسطة samer_engines

أولا ألف حمد لله علي السلامة.
ثانياً أنا مصدوم و أنا كنت بقول عربية تحفة و جميلة جدا شكلاً و أداء بس للأسف نظرتي تغيرت ليها تماماً و لازم تشوف محامي يجيب لك حقك حتي لو حيكلفك شوية بس معلش لازم تاخد حقك من حبابي عنيهم زي ما بيقولوا و عشان كمان اللي حصل معاك ميتكررش مع حد تاني و لازم نكون إيجابيين لأني الناس دي لما بتلاقي حد ساكت علي حقه بتعمل كدة مع غيره و غيره، و مش بس كدة لازم تبعت للشركة الأم في كوريا يستحسن رسالتك تكون بالإنجليزي و تبعت الصور كمان..
و الخطوات أهي لو مش عارف أزاي تبعت:-
1- ده موقع الشركة الأم welcome to kia motors
2- تدخل في الصفحة فوق علي اليمين حتلاقي كلمة contact
3- إختار after sales service
4- دوس علي الزر الأحمر اللي في الصفحة تحت مكتوب عليه contact us
5- حتفتح لك صفحة إملا البيانات اللي فوق و أهم شئ الدولة اللي أنت بتتكلم منها و ده طبعا عشان يتصرفوا مع التوكيل الخاص بيهم في البلد اللي انت بتتكلم منها و تكتب لهم أي وسيلة إتصال بيك إيميل مثلا.
6- بعد كدة تكتب في الخانة اللي مكتوب فوقها complaint و دي أهم خطوة عشان الشكوي تروح لقسم الشكاوي في الشركة و حضرتك عارف أني الشركات الكبيرة اللي زي كدة بتهتم بشكاوي الناس جداً لأني العميل عندهم رقم واحد بجد مش رقم 20 زي بعض الشركات و الوكلاء في مصر عندنا.

و ربنا يقومك بالسلامة أهم شئ.

الراجل ده بيقول كلام زي الفل , وحلوة نقطة المحامي , بس المهم يكون محامي صايع قضايا تعويضات علشان مش كل المحاميين اشتغلوا في القضايا دي قبل كده

وربنا معاك

**Hosam_Optrawy** · 05-12-2009 06:24 PM

المشاركة الأصلية كتبت بواسطة abou_ruqi

طبعا قضاء وقدر , إنما أعقلها و توكل, محدش خالص قال إن العربيات المحترمة مش بتتقلب , إنما في حد أدنى للأمان , يعني في خبطات حتموت أي حد في أي عربية زي لو دخلت face to face في قطار الصعيد , إنما الحوادث البسيطة مش المفروض نفقد فيها أرواح

وبعدين موضوع total lose دي حاجة كويسة في عربية صاحبك طالما صحبك طلع منها سليم , ومن غير متقول أنا متأكد إنه طلع منها سليم
التصميمي الآمن هو اللي يدمر العربية ويطلع الركاب سلام طالما إن الظروف قياسية (رابط الحزام والإير باج شغاله)

معاك حق يابو رقيه

وفعلا صاحبى طلع من الفيكترا سليم

بس هل انت شايف ان الحد الأدنى للأمان لعربيه زى السيراتو تخليها تتقلب على سرعة 100 وهو دا الطبيعى بتاعها ؟

وبعدين ياراجل بقى دى حادثه بسيطه ؟ دا البشمهندس غازى بيقول اتقلبت 10 - 12 قلبه

يعنى الحمد لله الحمد لله الحمد لله انه خرج منها

اكيد فى حاجه مش مظبوطه حصلت ودا اللى بنحاول نعرفه

زى ما مش طبيعى ان الفيكترا تتقلب على سرعه اقل من 100

المفروض نحاول نتأكد اذا كان دا عيب شائع فى السيراتو كلها عشان ناخد حذرنا ولا حاله فرديه وحادث حصل صدفه لسبب ما

انا اللى باعتب عليه بس ان الناس سابو الموضوع ومسكوا فى ان الكورى كله كدا ومفيش امان والكلام دا

**TeMoON** · 05-12-2009 08:28 PM

الف حمد لله على سلامتك يبا بمشهندس وقدر الله وما شاء فعل وربنا يعوض عليك بالاحسن منها يارب

**m_s_h_a** · 05-12-2009 08:37 PM

حمد الله على السلامه والحمد لله على قضاء الله وقدره
ثانيا ياريت تقولنا التقرير الفنى للحادث ايه ايه الاسباب الفنيه
عايز اقول انه فى اقل من اسبوع عربيتين فوكاس واحده 2009 وواحده 2005 اتقلبوا والاتنين على طريق الاسكندريه بورسعيد الدولى الساحلى بسبب الجزر والحفر ومنهم واحده كانت اكتر من السيراتو مفيهاش الجزء الامامى بتاع الموتور معجون لانها نزلت على سيفها والحمد لله الرجل شوية كسور
يا جماعه دى قضاء الله وقدره وعلى فكره واحد صاحبى كان بيستلم عربيه معوقين من بورسعيد نوبيرا 1 وقلبت بيه برده بالرغم من ان الناس كلها بردوا بتشكر فى العربيه
وفى النهايه الحمد لله على سلامتك ومتنساش التقرير

**dr_k** · 05-12-2009 08:41 PM

المشاركة الأصلية كتبت بواسطة dr_k

احنا لازم نلخص المشاكل اللى موجودة فى العربية ونبعت شكوى جماعية للوكيل وفيه موضوع مثبت للشكاوى
تاني حاجة العربية جديدة ولازم يكون لها عيوب ما تبانش غير مع الاستخدام
ثالثا انا اعتقد ان الحادثة سببها الكاوتش ممكن يكون عمل بالونة واخونا الباشمهندس ربنا يشفيه ما خدش بالو منها و مع النقىة الكاوتش فرقع وده يكون تفسير عدم السيطرة عليها وعدم عمل الفرامل واعتقد لو ده السبب فعلا (وانا شايف ان الفردة الشمال مهوية تماما فى الصور)يبقى لازم وقفة للوكيل وطططلب تغيير نوع الكاوتش لبروفايل اعلى
و بالنسبة للحدفة انا مش شايف انها ممكن تكون السبب لانها على حد تعبير اللى اشتكى منها خفيفة مش جامدة

ايه يا جدعان ما حدش قال رايه

**ahraah** · 05-12-2009 08:54 PM

الف سلامة و انشاء الله تتم فترة العلاج على خير انشأء الله
قدر الله و مشاء فعل و الحمد لله انك بخير لأن موقف صعب جداً
انا طبعاً اتصدمت من الأحداث بس فكرت بعد 10 مرات انقلاب تعتبر العربية عملت نوع من الأمان ولو بسيط طبعا لو اعتبرنا موضوع حزام الأمان مربوط و انا معاك كل عربية و ليها امكنيات صعب نضغط فوق امكنيتها و انا انصح بجد كل واحد بعد مطب جامد او خابطة فى الشاسية يقف يشوف الوضع انا مرة الكرتيرة اتخبطت كان معايا تمبرا و الزيت كلو نزل

ربنا يسترها معانا كلنا انشاء الله

**blackknight** · 05-12-2009 08:57 PM

الف حمد الله على السلامة ياباشمهندس بس لو تقدر فى الشكوى اللى هتبعتها ل كيا ترفق تقرير فنى عن الحادثة و يكون باللغة الانجليزية و ياسلام بقى لو التقرير ده يكون بواسطة الوكيل او شركة التأمين ده هيعزز موقفك اوى و ممكن يبقى دليل قوى فى القضية بتاعتك - او بمعنى اصح بتاعت كل مالكى السيراتو فى مصر .

**abou_ruqi** · 05-12-2009 09:00 PM

دلوقتي المفروض من كل الناس ملاك السيراتو تتكاتف مع الراجل ده , نسقوا معاه وأبعتوا للعنوان اللي بعتله وقولوا إنكم عندكم نفس المشاكل ومش عاوزين حد يشوف اللي هوا شافه !

علشان أحتمال كبير قوي يكون عندهم محامي أصيع و يقول أنه كان فيه رعونة من السائق أو إن الطريق غير قياسي(طبعا)

**TeMoON** · 05-12-2009 09:12 PM

هو صحيح الحادثة قضاء وقدر بس ربنا بيسبب الاسباب بردو
فى سنة 2001 كان عندنا مرسيدس عيون موديل 1999 ووالدى واخويا عملو حادثة بيها وهى ان العربية عامت من اخويا لانة كان بيفادى عربية كارو ظهرت ادامو فى الطريق فجأه وبعد ما فاداها ضرب فرامل فا العربية عامت منة وطارت فى ارض زراعية ومن ستر ربنا ان الايرباجز فتح وانقذت والدى واخويا والعربية نزلت فى الارض عادى جدا وفضلت سليمة ودايرة وكملو بيها الطريق لحد البيت
انا بقول القصة دى لان بعدها بشهر او ب اتنين حصل ان عربية هيونداى نزلت فى ارض زراعية بردو على نفس الطريق واتعجنت واتقلبت واتبهدلت فا عامل الامان مهم ودى مشكلة البلد دى ان العربيات فيها غالية على الفاضى واغلى من الانسان نفسة فا انا مش بقول كدا عشان اقول الكورى وحش او حلو انا كدا هبعد عن النيو سيراتو لان العمر مش رخيص وان الواحد لازم يحسبها بعقلة ويا جماعة الى يقدر يدفع فى عربية كورى 130 الف جنية لو استحمل شوية وقدر يشترى فئة اعلى او صناعة انضف زى اليابانى او الاوروبى او حتى الامريكى ايا كانت الصناعة يكون افضل لان مش كل يوم بنشترى عربية

-

الموضوع: للأسف... احذروا من النيوسيراتو...!!!!

LinkBack

أدوات الموضوع

عرض

-

-

-

-

المواضيع المتشابهه

الى كل من يشك فى النيوسيراتو

تسخين النيوسيراتو

النيوسيراتو ولا الشارك

كتالوج النيوسيراتو

أيه هيا عيوب النيوسيراتو

الكلمات الدلالية لهذا الموضوع

المفضلات

المفضلات

ضوابط المشاركة