الموضوع: حل مقترح للمتضايقين من الجنط 17 فى السيراتو

المشاركة الأصلية كتبت بواسطة hosam_optrawy

بشمهندس غازى ( حجازى سابقا فاكرها دى :d )

حبيبى من ايام الجيزه :)

ربنا يطمننا عليك وتقوم بالسلامه بسرعه وليك واحشه ياراجل

تعالى نخش فى صلب الموضوع زى ما انت قلت

اول نقطه وهى تأثير تغيير الكاوتش على الثبات والعفشه

تعالى مثلا نمسك مثلا المقاس الأولانى 215/50

حسب معلوماتى المتواضعه ان لما تغير مقاس الكاوتش والقطر الكلى للعجله ( الجنط بالكاوتش ) يزيد

يترتب على ذلك ان العربيه هاتعلى حسب المقاس اللى هاتركبه

ثبات العربيه هايقل ولكن مش بنسبه كبيره لو عليت فى حدود نصف سم او 1 سم بالكتير

ال acceleration هايقل شويه

استهلاك البنزين هايزيد حاجه بسيطه

لكن مفيش اى ضرر على العفشه بالعكس دا انت بتحميها اكتر وبتخفف عنها الصدمات شويه بتزويد ال profile

ولو بصيت على المقاس التانى 225/45

هاتلاقيه هايدى نفس الارتفاع وكاوتش أعرض يعنى الثبات هايبقى أفضل من ال 215/45

__________________

تانى نقطه بخصوص المقاسات الموصى بها والموجوده على قايم العربيه

فطبعا المقاسات اللى انا قولتها مش موجوده

لان المقاسات الموصى بها هى اللى بتنزل فى مختلف الفئات

195/65-15 و 205/55-16 و 215/45-17

ولكن على حسب المواقع اللى بتحسب مقاسات الجنوط والكاوتش وسرعاتها

هاتلاقى ان فى فرق بين 195/65-15 وال 215/45-17

القطر الاجمالى للعجله ( الجنط بالكاوتش ) صغر من 63.44 سم الى 62.50 ( حوالى 1 سم )

العربيه وطيت نصف سم

قراية العداد هاتختلف هايبقى قارى 101 وانت سرعتك الحقيقيه 100

هى صحيح فروقات بسيطه بس أهى موجوده

يعنى فى النهايه ال sx مختلفه عن ال lx وأوطى منها بنصف سم

غير ان البروفايل بتاعها قل من 12.67 سم الى 9.65 ( حوالى 3 سم )

الكلام دا كله بقى ماينطبقش على الجنوط 16 205/55 فى ال ex

لان بالحسبه على المواقع برضه هاتلاقيها زى ال 195/65-15 بالظبط فى الارتفاع وقراية العداد

لكن سمك الكاوتش قل برضه من 12.67 الى 11.25

* الخلاصه ان مقاس 215/45 اللى بتوصى بيه الشركه مش زى ال 195/65 بالظبط

ومقاس 225/45 مثلا اللى انا قولته هو اللى زى 195/65 بالظبط من حيث الارتفاع وقراية العداد

________________________________

ربنا يخليك على كلامك وذوقك

ونورت الموضوع وشرفته بمرورك ومناقشتك الجميله

مناقشتك ممتعه و موزونه... كلامك ليه دليل و منطقي الى حد كبير جداا

و هتخاليني اغوص في بحر و تفاصيل الجنوط و الكوتش اكتر كده...

بس معلوماتي المتواضعة بتقول, ان لو بحسبه هندسية اي حد ممكن يعملها (النسبة بين الزياده 1سم و اجمالي الارتفاع الطبيعي للعربية و ليكن 15 سم, النسبة هنا 6.66667% اختلاف في الاداء و في عالم الحسابات الخاص بالسيارات دي نسبه مش صغيره) بس ممكن يكون فيه توازن بمعنى ان حاجة هتشيل حاجة, يعني هعلي العربية و هعرض الجنط, علينا العربية (قل الاتزان شويه), عرضنا الجنط (رجع الاتزان للوضع الطبيعي) مع اضافة ان الكوتش اتغير و بقى بروفيل اعلى و سمك اكبر بشويه.... والله كلامك كده بقى منطقي لو انا حللت الموضوع صح

يا رب يكون الكلام مظبوط بشكل عملي و تتحل مشكلة الجنط الـ17" (45مم) في كل العربيات... و بجد المناقشه معاك ممتعة جداااا يا حسام باشا

تقبل تحياتي و فائق احترامي... اخوك المهندس (حجازي.. ههههه) قصدي محمد غازي... شكراا

والله كلام جميل فعلا ومنطقى جدا
وألف سلامة يا استاذ محمد غازى
بس هل مع زيادة القطر فى الكاوتش واللى هايكون 2 سم واحد فى نصف القطر اللى تحت يعنى من الجزء اللى على الارض والجزء اللى عند الرفرف فوق يبئى هايعلى ويقرب للرفرف صح ؟؟؟
هل ممكن مع مطبات الهوا يحك فى حاجة مثلا بالذات انه عريض كمان (فى الرفرف من جوه او بره مثلا)؟؟؟
اصل انا شوفت تجربة مشابهة بس فى الماتريكس وحصل كده