الموضوع: عايز عربيه 4×4 قويه

المشاركة الأصلية كتبت بواسطة mnmmnmmnmmnm

شكرا يا مينا على الرد

يا مينا أنا مش بقول إن النيفا أقوى منهم و لكنها قادرة على مجاراتهم و ليس منافستهم , أنا قلت إن الميزة الأساسية للنيفا هى Cheap Reliable Mini SUV أى سيارة أداء رياضى رخيصة إعتمادية رشيقة الحجم.

أما طبعا الدبابات اللى حضرتك أشرت إليها دية أكيد أجمد من النيفا.

أنا رحت التوكيل النهاردة و شفتها و سألت عليها و البائع قالى معظم اللى بيشتروها شركات البترول و الجيش عشان كده مش ظاهرة كتير فى الشارع و لما سألته على الألوان قالى (أبيض و كحلى و نبيتى و فضى) و قالى لو عايز لون تانى إختار أى لون و هما يقولوا للمصنع بتعهم فى مصر يطلع العربية بيه و قالى هيا هيا الروسى بس شوية الفرش و الكراسى و البلاستيكات هى دية بس اللى مصرى الموتور و العفشة و الإنجكشن و الباور كله كله روسى.

أصل بصراحة اللى فى نفس الفئة السعرية (فيرنا , بيكانتو , لانوس) أعتقد هى أفضل من كل هؤلاء و لا إيه؟

و أخيرا عندى شوية أسئلة من أخيك الأبيض يا ورد.

1- ممكن أعرف يعنى إيه "غرد"
2- ممكن صورة جووجل ماب فيها نقط خط سيوة هضبة الجولف
3- بانسبة لموضوع الزحلقة على الرمل ممكن أعرف نوع الكاوتش عادى و لا كاوتش رمال و الجنط عريض و لا عادى
أنا مش هافتى بس أعتقد إن على الكثبان "الهضاب" الرملية بالنيفا "نظرا لوزنها الخفيف جدا" سيكون كاوتش رمال على جنط عادى أفضل لأنه هيضغط الرمل على مساحة صغيرة تحت العجل فحايدك الرمل و الكاوتش يقدر يلاقى مقاومة أعلى تصد الكاوتش فبالتالى يعدى أما مقاومة كاوتش الرمال العريض حا يمشى فوق الرمل و مش حايدك مساحة كافية فبالتالى حيسف التراب و يفضل يفرك على الفاضى على عكس السيارات الثقيلة الوزن التى ستستغل وزنها فى دك الرمل و بالتالى مهما كان عرض الجنط فوزن السيارة كافى لدك الرمال تحت عجلاتها , دى و جهة نظرى المتواضعة و أرجو الإفادة.

و شوف الجزئية دية من الرابط دوة
Tips for sand driving | Review | carsguide.com.au
"
Driving on sand is all about momentum. Keeping the vehicle moving swiftly will keep it on top of the sand and prevent it from sinking. Soft sand instantly saps power from the vehicle, which can then lead to bogging. For this reason automatic diesels are the best sand performers. They have the grunt to handle the sudden slowing effect of soft sand and they will quickly change down a gear without losing momentum. However, good drivers can still use manual and petrol vehicles effectively.
"
4- الرانجلر بموتور تويوتا ديزل اللى ب 30 ألف تتجاب منين , أصل أنا أبيض يا ورد.

5- هوا رحلات الصحارى دية بتتنظم إزاى و بتاخد كام يوم و بتعيشوا فيها إزاى و ببتكلف كام؟
و شكرا مقدما

أسألتك كتيرة أوي

عموما هرد عليك....

1 - غرد يعني dune اللي هو بيكون تل رملة عاااااالي أوي... و فيه منه بيكون سيف... و فيه اللي بيكون تبة...

و السيف دا في منتهى الخطورة.... زي منطقة مقبرة الرالي اللي في وادي الريان...
تلاقيه عاااالي أوي... و نازل حاد جدا.... و دا مشكلته أنك لازم تجمع سرعة و أنتا طالع... و في نفس الوقت... تنزل براحة جدااااااااااااااااااااااا اااااا .... فعايزله تكنيك مش طبيعي في القيادة... و مش أي حد بيعدي السيوف.... و ان كانت التبب أسهل شوية....

2- بالنسبة لصورة جوجل ماب... بصراحة البرنامج مش عندي و الكمبيوتر ده أنا مش administrator عليه...
بس دور في الويكيبيديا على هضبة الجلف الكبير (مش الجولف.... الجولف دا عند قطامية هايتس)
هتلاقيها مكتوبة بالانجليزي... elgilf elkebir

3-الكاوتش مش مستحب يكون أقل من 16" و ارتفاعه يكون عالي... عشان لما تنزل الضغط اللي فيه يبقا بياخد ويدي وع الرملة (يعمل traction يعني)

النقطتين 4 و 5 هرد عليك فيهم بس أنا مضطر أنزل دلوقتي... و لو فيه أي حاجة مش واضحة في النقط اللي فاتت إسألني....

المشاركة الأصلية كتبت بواسطة mnmmnmmnmmnm

4- الرانجلر بموتور تويوتا ديزل اللى ب 30 ألف تتجاب منين , أصل أنا أبيض يا ورد.

5- هوا رحلات الصحارى دية بتتنظم إزاى و بتاخد كام يوم و بتعيشوا فيها إزاى و ببتكلف كام؟
و شكرا مقدما

4- الرانجلر اللي بموتور ديزل هتلاقيها في كل حتة.... راجع على كونتاكت كارز.... أنا كتير أوي بشوف اعلانات عليه عنها... و بتكون مترخصة و جاهزة.... حتى لو جابت منك موتور في يوم.... من حقك تسقط فيها ديزل برضو...

5- رحلات الصحاري بتتنظم دايما في موسم السفاري... و اللي بيبدأ في شهر 10 و ينتهي في شهر 5 من كل سنة....اللي بينظموها شركات السياحة...

أنا شخصيا بطلع بعربيتي... الرحلة بتكون حسب وجهتها و مسافتها.... بس ممكن تكون بين 2-3 أيام... و ممكن تمتد لحد 15 يوم...