عايز عربيه 4×4 قويه

**sameh127** · 07-07-2010 10:17 AM

انا اسف على الرد المتأخر بس انا شغلى على النت محدود و مش بخش على النت كتير وبسافر كتير.
و بالنسبة للصاج فالصاج الروسي غير معالج ضد الصدأ ومتصدقش حد يقولك حاجة غير كده(مع احترامي ليه ايا كان)
و الصاج الروسي مش بيتعالج ضد الصدأ فى روسيا بسبب طبيعة المناخ عندهم تختلف عن المناخ فى مصر ،فدرجة الحرارة العادية
-5 درجة تحت الصفر و تصل الى -20 تحت الصفر و اي رطوبة موجودة فى الجو بتتحول بسبب البرد القارس الى ثلج و يبقى الجو هناك جاف مع وجود برد قارس و عملية الصدأ لاتتحقق هناك بسبب غياب الرطوبة وجفاف الجو البارد فالمصنعين هناك مش محتاجين لمعاجة صاج ضد الصدأ لأن حدوث الصدأ قليل جدا و شبه نادر، اما فى مصر فالمناخ معتدل الحرارة و يصاحبه رطوبة عالية (المسبب الرئيسي للصدأ) وعملية معالجة الصاج ضد الصدأ بعد شراء العربية امرها سهل (مش مشكلة)
بالنسبة لصاج النيفا الحديثة موديل الفينات اضعف من صاج النيفا القديمة موديل الثمانينات فقط.
(انا مش بقارنه بصاج الكوري او الياباني) .
صاجها جامد بالنسبة للعربيات الحديثة اللى من عمرها . ارجو فهم مدلول كلامي لأني بقارنها بأختها القديمة فقط.
بس النيفا عربية عضم و انا شفتلها حادثة غريبة كانت ماشية قدامي نيفا ثمانينات و دخلت فى منطقة زلقة على الأسفلت فإنحرفت و إصطدمت بعامود نور محترم و جعلته ينهار و يميل و يسقط على الأرض و انا خفت لا يقع على عربيتي و انحرفت بعربيتي بعيد خوفا من وقوعه علي سيارتي و بعدها وقفت بالعربية علشان اشوف الناس المصابة و التكسير الموجود بالعربية النيفا وفوجئت بالناس بينزلوا من العربية و بيشوفوا ايه اللى زحلق العربية و ذهبت للعربية (نيفا)من الأمام لرؤية مقدمتها و فوجئت بتطبيق بسيط جدا بالكبود و يترد بالرخيص عند اى سمكرى و تعجبت من ان العمود اتكسر و وقع على الأرض و العمود معدني (ليس بلاستيك) . لو كان الحادث ده حصل مع اى عربية جديدة كانت العربية غيرت نص بالكامل و كان الناس اللى فيها حدث لهم اصابات بالغة من كسور و ارتجاج بالمخ و غيبوبة ومش بعيد وفاة.
و الناس ركبوا العربية تانى و نزلوا من على الرصيف و كملوا مشي و تركوا عامود النور مكسور وواقع على الأرض و انا ركبت عربيتي و مشيت. و كأن الحادث ده حدث مابين (عربية نقل أو دبابة عسكرية) مع عامود نور معدني محترم. إحترمت العربية و متانتها.
فى روسيا مصنع لادا هو اكبر مصنع منتج للسيارات فى الإتحاد السوفيتي و بينتج بعض المعدات الحربية للجيش الروسي.
و بيعتبروها الدب القطبى عندهم.
وهي تعتبر عربية قوية -اقتصادية -بسيطة التصميم-رخيصة التكلفة-متوفرة قطع الغيار-تؤدي المطلوب منها بمنتهى البساطة.

**sameh127** · 07-07-2010 11:00 AM

احلى حاجة فى السفارى او أوف رود ان تكون العربية محركها سولار او يكون محركها ذو سعة لترية متوسطة(مع عزم قوي يكفى العربية و هي محملة بالركاب) و تحقق اقتصاديات فى الوقود(ويا سلام لو محركها يعمل بنوعين مختلفين من الطاقة او الوقود"هايبريد") لأنك تعتبر دخلت فى منطقة نائية(سواء صحراء او غابات او براري او احراش) و لايوجد بالمنطقة اى مساعدة من اى نوع ولايوجد اى مكان خدمات يعني حضرتك ماشى بالعربية و متوكل على الله فلازم يكون معاك ما يكفيك من وقود و ماء و كمبرسور هواء و اطارات ستبن و عدة ميكانيكا و شنطة اسعافات و جهاز جي بي اس(وبوصلة ايضا بجانبه) و تليفون الثريا او اى تليفون اخر يتصل من خلال القمر الصناعى فى حالة غياب تغطية اى شبكة محمول وسلاح يحميك.
انت لاتعلم مصادفات الطريق ولا المشاكل اللى ممكن تصادفك فى العربية او فى الطريق(من طبيعة الطريق او حيوانات مفترسة او قاطع طريق او مشاكل بالعربية).فالرحلة جميلة و بها مغامرة و خبرة جامدة و تحدي و صبر و جدية و اعتماد على النفس و مخاطرة عالية و الحاجة لشغل الجماعة ولاينفع المجهود الفردي.
ولو بتعمل الرحلات فى دول ذات مناخ حار او استوائي فلا تنسي ان يكون التكييف ذات اداء عالى وتبريد خدمة شاقة
و لو رحلاتك بتكون فى مناطق متوسطة المناخ فلست بحاجة للتكييف ويكفي النوافذ او فتحة السقف
واللى بيجيب عربية 4x4 لازم يكون لغرض اما الغرز فى الرمال او الطين او المدقات او الرحلات الطويلة او متانة العربية سواء تعليق او صاج او قوة محرك.بخلاف ذلك انت لست فى حاجة لشراءها

**nimo.mimo** · 07-07-2010 02:43 PM

المشاركة الأصلية كتبت بواسطة sameh127

وعملية معالجة الصاج ضد الصدأ بعد شراء العربية امرها سهل (مش مشكلة)

إزاى نعالج الصاج ضد الصدأ بعد شراء السيارة؟

**sawyer** · 14-07-2010 12:43 PM

زي ما مينا قالك العيوب دي فعلاً موجودة خاصة الليبرتي في عربية بحدود السعر ده وموديلاتها جديدة مش قديمة وثباتها اتحدى واحد يطلع يقول ان ثباتها في غلطة السوبارو امبريزا العربية دي الدفع الرباعي شغال علطول مش اختياري وبتسد في الطرق الصعبة عن نفسي جيت بيها من الامارات لحد هنا ماعملتش زي عربيات تانية كنت بشوفها في السكة والسعة بتاعة الموتور مش هتضايقك في الضريبةلأنها1600 او 1500 روح التوكيل بتاع ابو غالي وجربها في التست درايف

**mummy_47** · 21-07-2010 04:57 PM

ايه رايكم في الجريت وول هوفر

**Adham** · 24-07-2010 03:01 PM

المشاركة الأصلية كتبت بواسطة sameh127

احلى حاجة فى السفارى او أوف رود ان تكون العربية محركها سولار او يكون محركها ذو سعة لترية متوسطة(مع عزم قوي يكفى العربية و هي محملة بالركاب) و تحقق اقتصاديات فى الوقودا

ازاي العربية تكون سولار و سعتة متوسطة و يديلك عزم يكفي العربية محملة بالركاب وفي سفاري في الرمل و مطالع جبلية

اذا كان العربيات البنزين ال4 سلندر مابتنفعش اوف رود في الغرود و الرمال و مطالع و فيها شخصين

**Adham** · 24-07-2010 03:03 PM

المشاركة الأصلية كتبت بواسطة sawyer

العيوب دي فعلاً موجودة خاصة الليبرتي في عربية بحدود السعر ده وموديلاتها جديدة مش قديمة وثباتها اتحدى واحد يطلع يقول ان ثباتها في غلطةف

مافيش حد ركب الليبرتي الا لما طلع الغلطة في ثباتها

**Adham** · 24-07-2010 03:08 PM

المشاركة الأصلية كتبت بواسطة x512

انا معنديش خبره قوي في ال 4*4 بس بحبو قوي و في رأي ان احسن العربيات اوف رود
الشيروكي من 88 لحد 99 كدا و اللاند كروزر و ال الرانجلر و نيسان باترول

الشيروكيي في الطرق الجبلية و صخور عفشتها ناشفة جدا و تستحمل الطبيعه الجبلية زي جبال روكي عندهم

في الصحراء ماتنفعش و بتغرز

احسن ما ينفع في الرمال و الغرود و شغل الصحراء هو ال 4*4 الياباني
تويوتا لاند كروزر - نيسان باترول و باثفايندر - ايسوزو تروبر - ميتسوبيشي باجيرو

**Adham** · 24-07-2010 03:24 PM

YouTube - Top truck chaIlenge idaho 2008. Isuzu Rodeo on motorcycle track

Chevrolet Frontera = Isuzu Rodeo

احسن عربيات تتنطط زي الطور بتاع رياضة الروديو هي الفرونتيرا ههههههههه

انا مرة لبست بيها مطب صناعي ورا الرحاب و كنت ماشي حوالي 80 توقعت ان العربية تتقلب بيا

و لا حتى مالت طارت و نزلت و دماغي خبطت في السقف لاني مكنتش لابس الحزام و قعدت مصدع لتاني يوم هههههههههه

**Adham** · 24-07-2010 03:45 PM

ههههههههههه اعلان الهوندا باسبورت دة باحبة قوي وهي برضة نفس الايسوزو روديو او الشيفرولية / أوبل فرونتيرا

YouTube - 1996 Honda Passport Commercial

you can go fast but i can go anywhere