الموضوع: تيجو( نحسب )ارباح وكلاء وتجار السيارات طبقا لتقرير مصلحة الجمارك

المشاركة الأصلية كتبت بواسطة surgeon1

قوللى بالظبط ماهو انت يااما فى تجارة يااما فى تجارة

ههههههههههههههههههههههههه ه لأ
انا من صغري كنت حابب انى أحاول افهم تجارة واقتصاد شويه
برغم ان دراستى كانت بعيده شويه عن تجارة
جايز علشان كده لسه بحبهم وبحاول ان يكون عندي خلفيه ولو بسيطه عنهم

المشاركة الأصلية كتبت بواسطة surgeon1

انا فتحت الموضوع وقلت بالكتير هاناخدة كموضوع للسخرية والترويح لكن بعد المناقشات الجادة والجميلة والمنطقية والمقتعة اكاد اجزم ان عندنا فى المنتدى خبرا فى الاقتصاد
حاجة تشرف

انا كمان مستمتع جدا بالنقاش ده وفعلا الموضوع لذيذ وواضح ان حضرتك مهتم بموضوع الجمارك والوكلاء ومرقدلهم من فتره
ولما دخلت وقريت البوست بتاع hh انبسطت أوي من طريقة التفكير الاقتصادية دي وحاولت انى اوضح نقطه صغيره
وبيفكرني الموضوع ده بموضوع قبل كده عن الفلوس وكنت فيه مع شخصيته ذكيه ومتفتحه برضو زي الاستاذ أحمد ياقوت وبصراحه استمتعت جدا بنقاش معاه
http://www.nilemotors.net/Nile/86138-a.html

انا قولت لازم اراعي الترتيب فى الردود وأرد على حضرتك قبل ما ارد على البوست الاخير من hh

المشاركة الأصلية كتبت بواسطة hh

اولا مش معقول نفترض ان الوكيل بيجيب الدفعة بتاعت العربيات و يستنى يبيعها و يلم فلوسها و بعدين بنفس الفلوس دي يروح يجيب دفعة جديدة, لأنه في الحالة دي لسة حيعمل الاوردر و يحول الفلوس و بعدين الشركة برة تحضرله الشحنة و تبعتهاله - بالطريق البحري طبعا - و بعد الشحنة ما توصل يعمل اجراءات التخليص الجمركي و بعدين تبقى جاهزة للبيع. الدورة دي مش ممكن تاخد أقل من3 - 4 شهور بالميت, و أكيد هو مش حيبيع العربيات دي بين يوم و ليلة, بيتهيألي مش أقل من شهرين تلاتة كمان ده لو عربياته عليها اقبال. بالطريقة دي مستحيل يقدر يجيب أكتر من دفعتين في السنة, ده لو متفائلين قوي. أعتقد الأقرب للمنطق انه فعلا بيحتاج يضخ سيولة مالية أو يستعين بتسهيلات ائتمانية أكتر من مرة في خلال السنة.

ثانيا, حتى لو افترضنا ان كلام حضرتك صح, برضه حضرتك كدة بتخلط ما بين نسبة الربح و اجمالي المكسب. ليه بقى, لأن عملية البيع خطواتها ببساطة انه يشتري السلعة الي هي العربية و يحسب تكلفتها بما فيها نسبة تحمل من تكاليف التشغيل اللي شرحناها قبل كدة و يضيف هامش الربح و ضريبة المبيعات و يبيعها. كونه بقى يشتري سلعة جديدة (عربية جديدة) و يبيعها دي عملية جديدة, و بالتالي نسبة الربح ثابتة لكن الرقم اللي كسبه أكيد زاد.

عشان مالخبطش الناس بلاش ندخل في موضوع حسبة الارباح السنوية عشان هي دي اللي ممكن تلخبط. تعالى نبص على مثال بسيط. لو واحد عنده محل بيبيع أي سلعة - كيس شيبسي مثلا - تكلفته بالنسبة له 75 قرش و سعر بيعه 100 قرش. هامش الربح بتاعه 25%, صح؟ لو عنده خمسين كيس و باع منهم في خلال شهر تلاتين كيس, هامش الربح 25% و الرقم اللي كسبه 750 قرش. طيب لو باع 100 كيس, بمعنى انه باع الخمسين كيس و جاب خمسين تانيين (مهو أكيد مش حيسيب المحل فاضي) و باعهم برضه مكسبه كرقم حيبقى 2500 قرش, لكن حيفضل هامش الربح 25% لأن تكلفة الكيس و سعر بيعه ثابتين. طبعا أي شركة كبيرة حساباتها يتكون أعقد من كدة عشان تكاليفها بيدخل فيها عوامل كتير و عشان كدة بتتحسب سنويا اجمالي التكاليف و اجمالي المبيعات, و منها يتحسب المكسب الصافي.

مثال تاني لو انت تاجر معاك 10000 جنيه و اشتريت بيهم عربية, و بعدين بعتها ب 11000 يعني كسبت ألف جنيه. بعد كدة اشتريت عربية تانية بال11000 و بعتها ب12000 يعني كسبت ألف جنيه تانية. بعدين أشتريت بيهم عربية تالتة وبعتها ب13000 يعني كسبت فيها ألف جنيه تاني. و مرة رابعة اشتريت عربية و بعتها و كسبت فيها ألف جنيه, يعني بقى معاك 14000 جنيه. ينفع حد يقولك انت كدة حرامي و مكسبك مبالغ فيه عشان انت كان معاك 10000 جنيه و كسبت 4000 جنيه يعني 40% من رأس المال؟ لأ طبعا, لأن دي تجارة و انت حطيت هامش ربح بسيط , بس مش معقول عشان كسبت لما بعت أول عربية تبيع التانية و التالتة و الرابعة من غير مكسب.

يا جماعة انا بأكد تاني ان انا لا غرضي ادافع عن توكيلات العربيات و لا أنا بقول انهم ما بيكسبوش, لأ بيكسبوا و بيكسبوا كويس قوي كمان, لأنها تجارة بملايين. انا بس بقول ان هما هامش الربح بتاع بعضهم - لأني متأكدة ان في منهم بيغالي جدا زي ما قولت في مشاركتي السابقة - طبيعى و ميعتبرش فيه استغلال للمستهلك. احنا فعلا بنتعرض للسرقة في أسعار العربيات بسبب الجمارك و الضرائب المجحفة المفروضة على السلعة دي من الحكومة. بدليل ان أسعار العربيات في دول الخليج أقل من مصر بكتير, تفتكروا ده لأن التوكيلات هناك مكسبهم أقل؟ اتحدى ان هامش الربح للتوكيلات عندهم أكبر بكتير من عندنا في مصر. احنا مثلا الشركة بتاعتنا تنتمي لمجموعة ليها فروع في كل دول الخليج, و رغم اننا بنبيع نفس السلعة من نفس الشركات العالمية - أجهزة طبية عشان محدش يفتكر اني بشتغل في توكيل سيارات -
انما في الخليج بيحطوا هامش ربح أعلى بكتير مننا في مصر.

الخلاصة ان انا زي أي حد فيكوا اتمنى اسعار العربيات تقل, بس شايفة ان المشكلة في الحكومة مش في التجار.

==================
اسمحيلى احييكى يا hh على استماتك فى محاولة توصيل وجهة نظرك ولكن
1-هامش الربح فعلا بيتعمل على صافى البح السنوى ودا اللى بتنشره الشركات فى الصحف فى نهاية السنة المالية وتقول صافى الربح كذا خلال السنة الماضية حتى لو كانت خسرت فى صفقة او اكثر
2-بالنسبة لبياع الشيبسى (وهو على فكرة الكثار منه خطر جدا وبالذات للاطفال هه ههه)احنا مايههمناش ولا حتى هو يهمه كسب كام فى صفقة واحدة ولكن زيه زى اى تاجر بيشوف نفسةو طلع اخر السنة بكام وراس ماله زاد كام (ودى معلومة قالهالى تاجر ذهب لما بساله سعر الذهب يوم فى الطالع ويوم فى النازل وممكن تشترى الجرام فى يوم ب 176ج وتانى يوم ينزل 172 قاللى المهم اخر السنة بشوف كمية الذهب اللى فى المحل زادت ةلا لا وزادت اد اية وهو دا زيادة راس المال اى المكسب او الربح او الفائدةو التى عادت على التاجر من تجارته
3-ماحدش خالص قال ان اللى يشترى عربية ويبيعها ويكسب فيها ثم يكرر هذه العملية انه حرامى بالعكس دا تاجر شاطر
4-اما موضوع ان اللى بيحصلو الرسوم والجمارك بيشاركو التجار فى سرقتنا (بيشاركو مش بينفردو) فانا معاكى مية فى المية
واخيرا تقبلى تحياتى واعجابى بجدية مشاركاتك وحسن عرض وجهة نظرك

المشاركة الأصلية كتبت بواسطة hh

اولا مش معقول نفترض ان الوكيل بيجيب الدفعة بتاعت العربيات و يستنى يبيعها و يلم فلوسها و بعدين بنفس الفلوس دي يروح يجيب دفعة جديدة, لأنه في الحالة دي لسة حيعمل الاوردر و يحول الفلوس و بعدين الشركة برة تحضرله الشحنة و تبعتهاله - بالطريق البحري طبعا - و بعد الشحنة ما توصل يعمل اجراءات التخليص الجمركي و بعدين تبقى جاهزة للبيع. الدورة دي مش ممكن تاخد أقل من3 - 4 شهور بالميت, و أكيد هو مش حيبيع العربيات دي بين يوم و ليلة, بيتهيألي مش أقل من شهرين تلاتة كمان ده لو عربياته عليها اقبال. بالطريقة دي مستحيل يقدر يجيب أكتر من دفعتين في السنة, ده لو متفائلين قوي. أعتقد الأقرب للمنطق انه فعلا بيحتاج يضخ سيولة مالية أو يستعين بتسهيلات ائتمانية أكتر من مرة في خلال السنة.

الكلام ده فيه خلط بين الوكيل (الل بيبيع بالحجز ) - والتاجر أو صاحب المعرض (الل بيبيع بؤفر برايس)
لأن الوكيل أو المستورد لما بيجيب الدفعة بتاعت العربيات "مش" بيستنى يبيعها و يلم فلوسها لأنها ببساطه بتكون محجوزه وكمان بيستلم جزء من تمنها اول ما توصل المينا قبل حتى ما يخلص جمركها وبمجرد ما يسلم العربيه للحاجزها بيستلم باقي فلوسه
أعتقد بطريقه دي الدوره الواحده مش هتزيد عن 3 - 4 شهور بالكتير اوى

المشاركة الأصلية كتبت بواسطة hh

ثانيا, حتى لو افترضنا ان كلام حضرتك صح, برضه حضرتك كدة بتخلط ما بين نسبة الربح و اجمالي المكسب. ليه بقى, لأن عملية البيع خطواتها ببساطة انه يشتري السلعة الي هي العربية و يحسب تكلفتها بما فيها نسبة تحمل من تكاليف التشغيل اللي شرحناها قبل كدة و يضيف هامش الربح و ضريبة المبيعات و يبيعها. كونه بقى يشتري سلعة جديدة (عربية جديدة) و يبيعها دي عملية جديدة, و بالتالي نسبة الربح ثابتة لكن الرقم اللي كسبه أكيد زاد.

بكل بساطه نسبة الربح بتيجي من اجمالي المكسب
وبعدين نسبة الربح الصافي "النت" الل انا اخدتها مش انا الل مطلعها من عندي دى كلامك بعد ما اتشال ( الoverheads أو الoperation costs تكلفة التشغيل اللي هيا بيدخل فيها الايجارات , مرتبات الموظفين, تكاليف تدريب الفنيين, استهلاك الكهربا و التليفونات و الادوات, نسب الموزعين, ال bonus بتاع البياعين....الخ وكمان بيتحسب فيها الرقم اللي الشركة بتخسره على بال ما العربيات دي تتباع اللي هو الرقم اللي كانت حتاخده فايده على الفلوس اللي اشترت بيها العربيات لو سابت الفلوس في البنك الفترة دي. المهم تكلفة التشغيل دي لا اتخيل انها ممكن تقل عن 10-15 %) مش ده كلامك :) وبكده وصلت نسبة الربح من 26.6% الى 16.6% صافي
وأنا كنت مثبت النسبه دى فى كل دوره من الدورات الاربعه ومغيرتهاش
برغم تحفظي على النسبه دي لأني لو حسبت ربح الوكيل فى العربيه الواحده 20 الف بس هطلع نسبة اعلي من دي الضعف وأكتر في الدوره الواحدة

المشاركة الأصلية كتبت بواسطة hh

عشان مالخبطش الناس بلاش ندخل في موضوع حسبة الارباح السنوية عشان هي دي اللي ممكن تلخبط. تعالى نبص على مثال بسيط. لو واحد عنده محل بيبيع أي سلعة - كيس شيبسي مثلا - تكلفته بالنسبة له 75 قرش و سعر بيعه 100 قرش. هامش الربح بتاعه 25%, صح؟ لو عنده خمسين كيس و باع منهم في خلال شهر تلاتين كيس, هامش الربح 25% و الرقم اللي كسبه 750 قرش. طيب لو باع 100 كيس, بمعنى انه باع الخمسين كيس و جاب خمسين تانيين (مهو أكيد مش حيسيب المحل فاضي) و باعهم برضه مكسبه كرقم حيبقى 2500 قرش, لكن حيفضل هامش الربح 25% لأن تكلفة الكيس و سعر بيعه ثابتين. طبعا أي شركة كبيرة حساباتها يتكون أعقد من كدة عشان تكاليفها بيدخل فيها عوامل كتير و عشان كدة بتتحسب سنويا اجمالي التكاليف و اجمالي المبيعات, و منها يتحسب المكسب الصافي.

مثال تاني لو انت تاجر معاك 10000 جنيه و اشتريت بيهم عربية, و بعدين بعتها ب 11000 يعني كسبت ألف جنيه. بعد كدة اشتريت عربية تانية بال11000 و بعتها ب12000 يعني كسبت ألف جنيه تانية. بعدين أشتريت بيهم عربية تالتة وبعتها ب13000 يعني كسبت فيها ألف جنيه تاني. و مرة رابعة اشتريت عربية و بعتها و كسبت فيها ألف جنيه, يعني بقى معاك 14000 جنيه. ينفع حد يقولك انت كدة حرامي و مكسبك مبالغ فيه عشان انت كان معاك 10000 جنيه و كسبت 4000 جنيه يعني 40% من رأس المال؟ لأ طبعا, لأن دي تجارة و انت حطيت هامش ربح بسيط , بس مش معقول عشان كسبت لما بعت أول عربية تبيع التانية و التالتة و الرابعة من غير مكسب.

ده كله كلام جميل بس أهم نقطه برضو متحطتش فى الاعتبار وهي "الزمن" أو دورة رأس المال قد ايه ؟؟
الراجل بتاع العربيات ده اشترى وباع فى قد ايه ؟؟
انا عندي مثال ابسط من كل ده
لو في مشروعين فى مجالين مختلفين وليهم نفس رأس المال ونسبة ارباح كل واحد منهم 10% فى الدوره
بس واحد بيعمل دوره واحده بس فى السنه والتاني بيعمل 3 دورات فى السنه
بكده ثبتنا رأس المال ونسبة الربح فى كل دوره بس لما هنحسبها هنلاقى واحد بيكسب 3 اضعاف التانى

حساب مقدار ونسبة الارباح فى كل دورة بتأخذ كمؤشر للتوقع ولتحصحيح الاخطاء الطارئه فقط وليست كمقياس لحساب الارباح
لأن مقدار الربح بيتحسب سنويا بجمع ارباح دورات رأس المال خلال السنه وبعد كده نحسب منه نسبة الربح السنوي

يعنى مثلا لو حد جالك وقالك ان عنده مشروع ومكسبه الصافي 100% بس دورة رأس المال 20 سنه
يعنى أدفع 100 الف واخدهم 200 الف كمان 20 سنه
هيكون ردك أيه ؟؟ وهيبقى المكسب الصافي 100% اهوه ؟؟

أهم حاجه عنصر الوقت او عمر دورة راس المال لانها هيا دي الل بينقسم عليها نسبة المكسب لحساب الربح السنوي
يارب أكون قدرت اوصلك وجهة نظري

تحياتي

ده موقع مصلحة الجمارك وممكن نشوف فيه التعريفة الجمركية:

الموقع الرسمي لمصلحة الجمارك

هتلاقوا تعريفة سيارات الركوب في صفحة 18 في الفصول والصفحة رقم 2 في البند الجمركي "بند رقم 8703210000"

قيمتها 40% + 15% ضريبة مبيعات

مش فارقة أي حاجة بقى الكماليات والتجهيزات أو بلد الصنع

وفيه كمان تفاصيل الجمارك على المكونات للي يحب ياخد فكرة :)

انا هحاول ارد فى نقط بردود قاطعه لأن بعض المداخلات لو رديت عليها هندخل فى جدال طويل لن ينتهي

المشاركة الأصلية كتبت بواسطة hh

بالنسبة للنقطة دي انا اعتراضي الاساسي انك بتجمع الربح بتاع الشحنات و رافض تجمع التكلفة. انت بتعتبر ان الدفعة التانية و التالتة مالهومش تكلفة و ده غلط

نسبة المكسب فى الدوره 26.6% منهم 10% تكاليف يبقى الصافي 16.6% (ودا كلامك مش كلامي)
لو حضرتك قريتي المثال كمان مره هتلاقى انى مثبت نسبة الربح فى كل دوره 16.6%
يعنى الدوره التانيه والتالته والرابعه خاصم من كل واحده منهم 10% محموع التكلفه زي الدوره الاولى بالظبط
ياريت حضرتك ترجعي تقرى المثال كمان مره

المشاركة الأصلية كتبت بواسطة hh

الا يبقى في المثل اللي انا قلته بتاع العربيات التاجر اللي بقى معاه 14000 بعد اربع بيعات نسبة ربحه 28.5% و ده مش حقيقي هو نسبة ربحه لم تتعد ال10% في اي مرة.

لو كان راس مال التاجر 10 الاف في اول السنه واشترى وباع وفى نهاية السنه بقى معاه 14 الف
يعنى كسب 4 الاف جنيه يبقى كده مكسبه 40%
أظن الموضوع واضح ومش محتاج مقاوحه

المشاركة الأصلية كتبت بواسطة hh

او في المثال التاني بتاع الشيبسي المحل اللي بيبيع 100 كيس يبقى نسبة ربحه اعلى من اللي بيبيع 30 كيس, و يبقى وحش و مستغل و نروح نشتري من اللي بيبيع اقل عشان ما بيستغلش الناس - مع انهم بييعوا نفس السلعة بنفس السعر

ايه الكلام العجيب ده ؟ هوا فيه كده فى الدنيا ؟
في حد برضو بيقول بلاش اشترى من ده علشان بيبع 1000 كيس ومكسبه اكتر واشترى من ده عشان بيبيع 500 كيس ومكسبه أقل ؟؟
طالما انه هيبعلى السلعه بنفس سعر السوق خلاص

الاستغلال او الاحتكار ليه معنى تانى خالص وبيقصد بيه : الانسان الذي يستغل حاجة الناس للسلعه التى يمتلكها ويطلب فيها سعر أكبر من قيمتها مستغل حاجة الناس لها
علشان بس منخلطش الامور فى بعض

المشاركة الأصلية كتبت بواسطة hh

انت بتحاسب الوكيل عشان بيبيع كتير مش عشان نسبة ربحه من كل بيعة مبالغ فيه و ده مش صح لا منطقيا و لا اقتصاديا. انت معترض عشان الوكيل بيبيع عربيات كتيرفبيكسب فلوس كتير كل سنة و لا عشان بيبالغ في المكسب بتاع كل عربية؟ تفرق كتير.

انا معترض لأن الوكيل بيبالغ فى مكسبه بتاع كل عربيه لأنه بيبيع كتير فالمفروض يقلل من مكسبه من كل عربيه
لو كان بيكسب كتير فى كل عربيه لانه بيبيع قليل كنا فى الحاله دي التمسنا ليه العذر

المشاركة الأصلية كتبت بواسطة hh

لو قريت كلامك اللي فوق كويس حتكتشف انك فعلا بتخلط ما بين المكسب كرقم و كنسبة

بكل بساطه النسبه بتتحسب من الرقم يعنى لازم أجيب الرقم الاول وبعد كده احسب منه النسبه امال هحسب النسبه منين ؟

المشاركة الأصلية كتبت بواسطة hh

انت بتقول الاول بيكسب 3 أضعاف التاني, تمام بس ده مش معناه انه نسبة الربح بتاعته اكتر.

لا تعليق

المشاركة الأصلية كتبت بواسطة hh

يا سيدي الفاضل ال3 دورات اللي حضرتك بتتكلم عليهم دول كل واحدة ليها تكلفتها و لازم نحسبها, مينفعش نقول ما انا حسبتها مرة في الاول. يعني معنى كلام حضرتك انك بتقول ان تكلفة تاني و تالت دورة صفر؟

انا كل كلامي من أول مشاركه لحد دلوقتي بنسبة الربح الصافي (Net Profit Margin)
يعنى نسبة الربح الصافي بعد ما نطرح منها كل التكاليف او مصاريف التشغيل

المشاركة الأصلية كتبت بواسطة hh

عشان كدة أغلب الشركات بتعمل حسابات المكسب و الخسارة سنويا. ده لا يعني انه ميحسبش تكاليف العمليات المختلفة كل على حدة.

و ده الكلام الل انا كاتبه قبل كده

المشاركة الأصلية كتبت بواسطة sha2e

حساب مقدار ونسبة الارباح فى كل دورة بتأخذ كمؤشر للتوقع ولتحصحيح الاخطاء الطارئه فقط وليست كمقياس لحساب الارباح
لأن مقدار الربح بيتحسب سنويا بجمع ارباح دورات رأس المال خلال السنه وبعد كده نحسب منه نسبة الربح السنوي

المشاركة الأصلية كتبت بواسطة hh

وبعدين ازاي لو حسبت ربح الوكيل 20 ألف في كل عربية تبقى نسبة الربح أعلى اذا كان سعر البيع اللي احنا بنتكلم عليه بيعدي ال100 ألف؟ بجد مش فاهمة النقطة دي.

طبعا للاستماته الفظيعه في الدفاع عن الوكلاء اللى انا شايفها فى ردودك و لسؤال ده
انا هشرح وابيين نسبة ربح الوكيل الحقيقيه او النسبه الفعليه وهتكون نسبه " فلكيه بجد "
عشان اوضح مدي استغلال الوكلاء وأد ايه الناس بينضحك عليها
انتظروني فى الرد القادم
ومنتظر تعليقات باقي الاعضاء

تحياتى

hh متابع محاوراتك مع sha2e ومستمتع جدا بس لو تسمحيلى اقول رايى بصراحة انا مقتنع ومتفهم منطق ووجهة نظر sha2e
الى sha2e متابعين وفى انتظار الرد المرتقب