الموضوع: رجاء الافادة من وحوش اللوجان بخصوص الاستفسارين دول

المشاركة الأصلية كتبت بواسطة attosaroka

طيب هوة فى حد غيرى حاسس ان السحب بتاع العربية على قدوة شوية ولا انا بس اللى موسوس لانى بلاحظ الحكاية دى لما اجى اخد يوتيرن واحاول اجرى علشان مكعبلش الدنيا وراى العربية مش بتسعفنى ومبسمعش غير الموتور وهوة بيزعق مع انى ركبت عربيات تانية كان ادائها غير كدة خالص بس بصراحة اللوجان عربية فوق الوصف وفعلا تستاهل كل مليم ادفع فيها وبحمد ربنا انى وفقنى ليها ودة طبعا بعد ما قريت مشاركتكم ومواضيعكم المميزة فى المنتدى هنا ومساعدتكم الدايمة للاعضاء وردكم على استفسار فعلا الواحد يتشرف انة عضو فى المنتدى دة

العربية مش بتسعفك دة يا حاجة من اتنين
1- مش مدى العربية النقلة الصح يعنى ماتخدش اليو تيرن على النقلة التالتة وتنتظر ان العربية تشد معاك لا لازم تنزل للنقلة التانية وانا حاسس انك بتعمل كدة وبتاخد اليو تيرن على التالت
2- مش بتدوس على دواسة البنزين بالقوة المطلوبة بمعنى انك لو واخد يو تيرن على طريق سريع وخلاص طلعت منه دوس على دواسة البنزين للاخر عشان العربية تديلك التسارع المطلوب لحد مثلا ما توصل سرعة 40 ك/س او 3 rpm وانقل على التالت

المشاركة الأصلية كتبت بواسطة attosaroka

يعنى افهم من كدة ان العربية السحب بتاعها هيزيد عن كدة وياترى حضرتك حسيت بفرق فعلا فى سحب العربية

انا عامل 950 كيلو وحاسيت بفرق كبير جدا بالذات فى التسارع عن اول 500 كيلو

المشاركة الأصلية كتبت بواسطة bishoy02010

لو الموضوع انتة قادر تتعايش معاه متحطوش فى دماغك خالص وانساه

+10000

المشاركة الأصلية كتبت بواسطة ringoo

لا لا استنى على العربية وما تقيمهاش دلوقتى لما حتعدى اول 1000 كيلو وانت حتلاحظ بنفسك تحسن فى كل حاجة اثناء التليين سواء سحب وتسارع واستجابة العربية
وعلى فكرة العربية بتدى افضل اداء بعد ال 3000 كيلو وبعد توعدك على العربية كدة نبقى نقييم العربية ولو عندك مشكلة فى العربية متقلقش فى صيانة وفى ضمان لكن فى وقتنا الحالى متخفش من حاجة العربية لسة بتليين وفى اوائل عمرها
وربنا يوفقك فى امتحناتك وسيبك من العربية خالص العربية مش حتطير خلص ويكون لينا كلام تانى فى عربيتك ان شاء الرحمن

كلام عمرو فى موضوع الطلعة تمام
موضوع المرايه أنا جبت مرايا ماسكه البرابريز بالعرض ( اقصد عريضه جدا يعنى بس طبعا مش للدرجه ديه ) مخليانى شايف الدنيا ورايه كلها زى الفل لانى متعود على المرايا ديه من اول اتعلمت السواقة ومش بعرف امشى الى بيها
- صحابى بيقولولى بلاش شغل الميكروباص ده - بس أنا مريحانى ومالهم سواقين الميكروباص اجدع ناس
موضوع السحب بيفرق جدا - مش حاجة بسيطه - بعد التليين أنا فؤجت باداء مختلف بعد 500 كيلو ثم مختلف اكثر بعد 1000 كيلو وبعد الصيانة وبعد ما تأخذ على العربية -أن شاء الله بالتأكيد هيتحسن اكتر

بالنسبة لموضوع احتمال أن يكون السحب كمان راجع لحضرتك زى ما عمرو (رينجو ) وضح فأنا هأكد على كلامه
فحضرتك خد بالك أنك لما بتاخد ملف وبتدوس فرامل شويه بتبقى محتاج فى احيان كتير تدى غيار عكسى (الغيار الى تحت يعنى لو كنت ماشى على التالت وهديت عشان الملف او اليوترن تروح مدى العربية التانى ولو سبتها على التالت هتلاقى العربية مش بتسعفك زى ما بتقول وبتأخد وقت كبير عشان تجمع ) لان العربية مع انخفاض السرعة - لما هديت عشان الملف - وزنها على الارض بيزيد فيكون الغيار العالى (الى هو الثالث فى المثال بتاعنا ) مش مناسب للسرعة ديه ولازم تنقل لغيار اقل ( الى هو التانى فى المثال ) وده الى بيقولوا عليه تسقيط نقله

المشاركة الأصلية كتبت بواسطة attosaroka

ههههههههههههه انا فعلا جديد فى السواقة بس مش للدرجة دى بس هية يمكن فعلا حكاية نعومة دواسة البنزين دى اللى مخليانى اخاف اسرح واحرق جامد على الموتور
الف شكر على الرد واهتمام حضرتك

:POINTI~2[2]::POINTI~2[2]:
طيب الحمد لله انا كدة اطمنت عليك .. بس لعلمك فى ناس بتبقى جديدة فى السواقة وبتعمل كدة فعلا وبالذات لو واحد متعود على الاوتوماتك
وبينى وبينك انا ساعات بعمل كدة بس بيبقى كسل وببقى تعبان لدرجة ان مش قادر انقل على التانى وبعد كدة انقل على التالت
بالنسبة لدواسة البنزين عادى انك تجيب الدواسة للارض لو عايز العربية تحرق وتشد عشان تجمع سرعة بسرعة
ودى مش حاجة غلط انت لما تطلع من يوتيرن على طريق سريع على قد ما تقدر تحاول تاخد سرعة الطريق
المهم ربنا يوفقك فى امتحاناتك وان شاء الله لوجى حترضيك جدا

المشاركة الأصلية كتبت بواسطة attosaroka

الف شكر يا عمرو باشا وربنا يكفينا شر الكسل

ايه دة انا لسة واخد بالى انك من اسكندرية ... اكيد حنشوفك فى المقابلة يا باشا صح ولا ايه