الموضوع: للمشككين في قوه Nissan Gt-r

يا جماعة أى حد بيقرا عن العربيات يعرف أن الرقم 3.6 (بعدما كان 3.8) ثانية هو رقم وهمى و خيالى تماما, حتى أعتى السيارات الرياضية ذات ال5000 و ال6000 سى سى تصل الى هذا الرقم بالعافية, يعنى نيسان اخترعت ما لم تصل اليه فيرارى و لمبرجينى و بورش مجمتعين!!!!!!!!!!!! و هذا الرقم خاص بسيارات الفورمولا واحد و السيارات السوبر رياضية من فيرارى و ماكلارين و لمبرجينى و مرسيدس اس ال كى, و لا يوجد سيارات أخرى على وجه الكرة الأرضية تكسر رقم ال4 ثوانى.
فيه عربية فى الدنيا 3.6 سى سى و بتوصل ل100 كيلو فى 3.6؟؟ة ده كلام.
أرجوكم اقروا شوية هتعرفوا انو هذا الرقم وهمى حتى لو حطولها الجن الأزرق مش الدى سى جى.
على فكرة موضوع الدى سى جى يعنى نقل التروس بالتتابع موجود من زماااان فى سيارات مرسيدس و بى أم فى و فيرارى بل و فيات و العديد من السيارات ده حسب أخر تعريف تكرم الأخ برو درايف و قدمه لنا, فمرة يقول لى أن الدى سى جى هو دبرياج مزدوج, و بعدين طلع نقل التروس المتتابع, و الاتنين كما وضحت مش اختراع و موجودين فى سيارات مثل المرسيدس و البى ام فى و فيات و فياراى و هو لا يؤثر على التسارع الا بجزء أو جزئين من الثانية, و السيارات المذكورة تسارعها طبيعى و متوافق مع محركها و علب تروسها لم تؤثر كثيرا على تسارعها.
و لازلت أصر أنه أبطأ أو مساوى لسرعة المانيوال, و لا يمكن أن يقدم تسارع السيارة لثانيتين كام لتين ( من 5.5 الى 3.6 ثانية). المهم فى علبة التروس هى النسب و ليست طريقة النقل. افهم هذه النقطة جيدا.

متهيائلي نعلن فوز الأخ Prodrive بالضربة القاضية الفنية :D

"انت من من ينبهرون بالاسماء

مع اني مرسيدسي و بورشي الاصل قبل ان اكون نيساني هههههههههههههههههه

الرقم صحيح 100% و حضرتك ليه مضاعفتش ارقام امبريزا زي ما قلتلك و انت حتعرف ان رقم نيسان حقيقي

علي فكره نيسان مش جديده علي عالم السيارات القويه
شايف توقيعي ؟؟؟

سياره من نيسان من عام 1970
مفيش سياره حتي اليوم بدون شواحن قدرت تكسر نسبتها
القوه علي عدد الترات
اقرب سياره علي وجه الكره الارضيه ليها
هي بورش 911 GT3
و لم تحطم رقمها

لكنه مش موضوعنا

انا بس قلته عشان انت مستهين بتاريخ نيسان

طيب ايه رايك نستخدم محركات البحث و نبحث عن منطقيه الرقم دا ؟؟
حلو

http://www.conceptcarz.com/vehicle/z...R/default.aspx

ركز علي القوه الحصانيه بالنسبه للوزن

HP to Weight Ratio

حتلاقي جمبها كلمه
Vehicles with similar ratio

هي سيارات ليها نفس النسبه تقريبا

نحسب نسبه نيسان 8.0 LB / HP

اول سياره حطتلعلنا هي
2007 Aston Martin Vanquish S

و نسبتها اقل
7.9 LB / HP

طيب الاحصنه دي جت من كام سلندر ؟؟
جت من 12 سلندر
القوه في GT-R من 6 سلندرات

وزن الاوستن مارتن 1874.7 kg
و وزن الGT-R 1719.1 kg
اذا جي تي ار اخف بـ 155.6 كيلو جرام

تسارع الاوستن مارتن كما هو مذكور :
4.8 seconds

و تسارع الGT-R 3.8 مش 3.6 لان 3.6 هو التسارع ل60 ميل مش 100 كيل و حيكون في فرق فلازم نزود الوقت جزئين

ماشي

نشوف بقي ليه الGT-R حتجيب وقت اقل من الاوستن مارتن

عزم الاوستن مارتن
Torque425.00 Ft-Lbs (576.3 NM) @ 5800.00 RPM
و عزم GT-R
Torque434.00 Ft-Lbs (588.5 NM)

و طبعا حضرتك سيد العارفين ان العزم هو اهم شيئ في التسارع
صح ولا انا غلطان ؟؟


علبه التروس في الاوستن مارتن 6 نقلات و مانيوال
و في الجي تي ار 6 DSG


نظام الدفع
في GT-R الدفع رباعي
و في اوستن مارتن خلفي
و معروف للجميع ان الدفع الرباعي مفيهوش وقت ضايع بسبب التراكشن
لان مفيش تراكشن الا4 عجلات بيتحركوا ( يعني العجل مبيحرقش علي الارض قبل ما تطلع و بتطلع بكل قوتها )


اذا ناخد البيانات

عدد السلندرات اقل لنيسان = القوه متوفره علطول و علي دورات عاليه مفيش ضياع في القوه

وزن اخف بـ155.6 كيلو جرام = حتاخد وقت اقل و تسارع اقوي

عزم النيسان اقوي = اذا تسارع اقوي

علبه التروس في نيسان اسرع = تسارع برضه اقوي

+ نظام دفع رباعي يعني مفيش تأخير في توصيل القوه للعجلات الخلفيه
و مفيش تراكشن لصالح النيسان
و نظام دفع خلفي فيه تراكشن لصالح الاوستن مارتن و لازم بيحصل و لو حتي بيضيع 0.2 من الثانيه



بعد كل دا مستخسر فيها ثانيه اسرع ؟؟؟

حكم عقلك


و ارجوك لما تيجي ترد بلاش فورميلا و مكلارين و فيراري و اوستن مارتن
و ارجوك اذكر موديلات بلاش تعميم

و بلاش الاسماء اللي بتوهم الناس دي
--------------------------------------------------------

بالنسبه للDSG انا كنت حطيت ليك الربط عشان تزيد من معلوماتك و انا واثق انك مضغتش عليه حتي عشان ترجع تقول نفس الكلام دا"

بالنسبة لموضوع الوزن مقابل القوة :
حسنا الفيرارى اللمبرجينى جاياردو سوبر ليجيرا و هى سيارة سوبر رياضية فعل مهندسوها الأعاجيب كى تصل الى 100 كلم عارف فى كام ثانية 3.8 ثانية.
تعالى معا نستعرض هذه الأعاجيب :
محرك 5000 سى سى. قوة حصانية تقدر ب530 حصان , المحرك 10 سلندرات و قادر على الوصول الى 8000 لفة/دقيقة.
النسب 6 يدوى.
الوزن 1430 كغ.
عارف الوزن بالنسبة للأحصنة كام : 5.9 باوند لكل حصان يعنى
النيسان 8 باوند لكل حصان. متخيل الفرق.
النيسان أضعف بحوالى 57 حصانا كاملين.
اللمبرجينىأخف من النيسان ب289 كغ كاملين.
متخيل الفرق بين العربيتين؟؟؟! المفروض بعد هذا الفرق انو اللمبرجينى تبقى أسرع من النيسان بثانيتين على الأقل ده أقل واجب.
نجد أن النيسان بعد كل هذا أسرع من اللميرجينى بجزئين من الثانية , ده كلام؟!!!! و بعد كده تيجى ناس تهلل لهذا الكلام الأبله و يقولك انتصار!!! فعلا دائما ينتصر الجهل. ما علينا.

"و طبعا حضرتك سيد العارفين ان العزم هو اهم شيئ في التسارع
صح ولا انا غلطان ؟؟"

للأسف أنت غلطان, عارف ليه؟؟ لأن لو كلامك صح لكانت سيارات النصف نقل و النقل و محركات الديزل عموما هى أسرع سيارات على وجه الأرض, لأن عزم الديزل كما تعلم أكبر من عزم محرك البنزين بمراحل. العزم يؤثر فى التسارع على النسبة نفسها بين سرعتين محددتين, يعنى مثلا تسارعك على الأولانى من 0-20 كلم أسرع من عربية بنزين, و لكن السيارة البنزين أسرع فى الأداء العام, عارف ليه, لأنها بتاخد عزم على منحنى أكبر, صحيح أقل لكن منحنى محرك البنزين مفرود, بينما منحنى الديزل قصير, و لكن عزمه عالى, القوة الحصانية هى التى تعبر عن التسارع و ليس العزم, لأنها تعبر عن شكل منحنى العزم النهائى, لذا فهى التى تحدد التسارع العام للسيارة, أما ما تتحدث عنه فهو النعومة و ليس التسارع.


"عدد السلندرات اقل لنيسان = القوه متوفره علطول و علي دورات عاليه مفيش ضياع في القوه

وزن اخف بـ155.6 كيلو جرام = حتاخد وقت اقل و تسارع اقوي

عزم النيسان اقوي = اذا تسارع اقوي

علبه التروس في نيسان اسرع = تسارع برضه اقوي

+ نظام دفع رباعي يعني مفيش تأخير في توصيل القوه للعجلات الخلفيه
و مفيش تراكشن لصالح النيسان
و نظام دفع خلفي فيه تراكشن لصالح الاوستن مارتن و لازم بيحصل و لو حتي بيضيع 0.2 من الثانيه



بعد كل دا مستخسر فيها ثانيه اسرع ؟؟؟

حكم عقلك
"

حضرتك ارتكبت سلسلة من الأخطاء فى جمل قصيرة.
و مشكلتك الأساسية كما لاحظت أنا هى أنك تعتبر أن قياس تسارع السيارة يتم من خلال جعلها تجرى فى حلبة و قياس الوقت الذى استهلكته لبلوغ سرعة ال100 كلم/ساعة. غلط فى غلط.
الأرقام دى بتتحسب , و ليها سلسلة من الحسابات التى تعتمد على العزم على كل سرعة و نسب علبة التروس و القوة الحصانية عند كل سرعة. بالاضافة الى وزن السيارة و مقاومة الهواء و مقاومة الطريق و مجموع المقاومات التى تواجهها السيارة , و للعلم مقاومة الهواء قد لا تؤخذ فى الحسبان لأنها صغيرة جدا على السرعات من 0-100 كلم و انما يتم حسبانها فى السرعات الأعلى من 120 كلم/ساعة و هذه هى المعطيات فقط.
التراكشن و نوع الدفع لا يدخل فى المعادلة , لأننا نريد أن نحسب تسارع السيارة منذ انطلاقها و ليس منذ انطلاق العجل, يعنى موضوع التفاف الاطارات حول نفسها لا يؤخذ فى الاعتبار. هذا شىء. اذن لا علاقة للدفع بالتسارع هذه واحدة.ثانيا الدفع الخلفى لا يوجد فيه تراكشن , الدفع الأمامى هو الى فيه تراكشن.
نوعية علبة التروس و طريقة النقل لا تدخل فى الحساب, و لا تدخل سوى نسب علبة التروس و هى شبه متقاربة فى جميع السيارات لو كان عدد التروس مساوى.
ثالثا العزم الضائع نتيجة ميكانيزم الدفع يؤخذ أيضا فى الحسبان, و لكن نسبته قليلة حتى فى سيارات الدفع الخلفى و المحرك الأمامى.
أما ما تتحدث عنه هو الاختبار, و هو ما تقوم به المجلات و برامج السيارات للتحقق من نسبة الخطأ فى حسابات السيارة, لأنهم لم يأخذوا فى الحسبان ما تكلمت عنه أنت, وهو التراكشن, و سرعة تبديل النسب, و أشياء أخرى مثل المقاومات الحقيقية, و لهذا دائما ما تتأخر السيارات عن وقتها المحسوب بوقت يتراوح بين 2-3 جزء من الثانية على الأقل, و هو نتيجة ما تتحدث عنه.و عمرها ما حصلت و أن سيارة حققت وقتها بالضبط دائما ما يكون هناك تأخير عنه.
أعتقد انك دلوقتى فهمت؟؟
فهمت أنا ليه مش مصدق الوقت بتاع نيسان, لأنه مستحيل علميا و عمليا, و لأانى رأيت كيف يحسب تسارع السيارة , فلذا الرقم غير منطقى على الاطلاق.

"متهيائلي نعلن فوز الأخ Prodrive بالضربة القاضية الفنية "
هاهاهاهاهاههاهاههاهاهاهاه اههاهاهها
اعلنوا كما تريدون فأنا لا يهمنى فى شىء أنا يهمنى الحقيقة فقط و أنا أقولها و بكل أمانة , و الى مش عايز يصدقها هو حر و أنا لا أبحث عن تقدير شيكو و لا بيكو و لا برو درايف المهم عندى أننى أقول ما أنا مقتنع به.