للمشككين في قوه Nissan Gt-r

**فادى** · 18-12-2007 10:58 PM

" طيب ازاي بعد ان نأخذ بكل كلامك دا
اقتنع اننا نكون حسبنا تسارع السياره علي ارض الواقع ؟؟
يعني نحسبها علي المريخ ؟؟ ولا علي القمر ؟؟

احنا المفروض اننا بنحسب الوقت الضايع من رقم الاوستن مارتن فانكويش اس
اللي تسبب فيه ان النيسان جابت رقم اقل منها"

أولا أنت لم تذكر القوة الحصانية للأستون مارتن و هى ما تهمنا ههنا فى المقام الأول.
و لكن من الواضح أن الأستون مارتن أقوى من النيسان لأن نسبة وزنها الى القوة الحصانية 7.9 و النيسان 8. لاحظ هذه النسبة كلما قلت كلما كان أفضل اذا الأستون مارتن أقوى من النيسان. ثانيا يجب أن تذكر عدد النسب فى علبة التروس و سرعة المحرك القصوى و سرعة السيارة القصوى حتى يمكننا تحديد شكل نسب علبة التروس بالتقريب طبعا و بعدها نحكم, طبعا تتفوق الأستون مارتن على النيسان كما يظهر لنا من خلال رقم ال7.9 الذى جلبته, و لربما تتفوق عليها ب2-4 من الثانية حسب علبة التروس, اذا حساباتى صحيحة النيسان تسارعها 5.1 ثانية. لم أنتبه حقيقة للرقم الذى أوردته 7.9.
طبعا هذا التسارع "5.1" نظرى زود عليه جزئين من الثانية بتوع التجربة الواقعية , فيصبح الرقم 5.3, و زود عليها الفاقد من التحويل بين الميل و الكلم, فيصبح الرقم 5.5
و هو التسارع الحقيقى للجى تى أر.

على العموم متزعلش 5.5 ثانية وقت لا بأس به أبدا مش وحش, يعنى بقول لنيسان برافو و بكره تكبرى و تعملى عربيات حقيقية بس افتكرى انو اللى بيكدب يروح النار, و الكدب ملوش رجلين :)

**PRO-DRIVE** · 18-12-2007 11:42 PM

على العموم متزعلش 5.5 ثانية وقت لا بأس به أبدا مش وحش, يعنى بقول لنيسان برافو و بكره تكبرى و تعملى عربيات حقيقية بس افتكرى انو اللى بيكدب يروح النار, و الكدب ملوش رجلين :)

اولا دع رقم 5.5 دا لنيسان التيما :) هي كفيله بيه و ياده بأنها تقول لـلومينا Ss
و كابرس Ss باي باي :) و اسأل اي حد عايش في الخليج و دا سباق بقي عتييييق جدااا و معروفه نتيجته قبل ان يتسابق :)

أولا أنت لم تذكر القوة الحصانية للأستون مارتن و هى ما تهمنا ههنا فى المقام الأول.

ذكرت النسبه اللي بنحتاجها في التقييم و لم اذكر حتي قوه النيسان :)

لاحظ هذه النسبة كلما قلت كلما كان أفضل اذا الأستون مارتن أقوى من النيسان

و انا مقلتش غير كدا :)

ثانيا يجب أن تذكر عدد النسب فى علبة التروس و سرعة المحرك القصوى

واضح ان حضرتك مقرتش مشاركتي جيدا :) ارجع و حتلاقيهم مكتوبين :)
و انا وضعت الرابط لتتأكد شخصيا من كل حاجه

رقم ال7.9 الذى جلبته, و لربما تتفوق عليها ب2-4 من الثانية حسب علبة التروس,

يا ربي حد يلحقني عشان 0.1 تتأخر النيسان 4 ثواني
رحمتك يا رب :(

لم أنتبه حقيقة للرقم الذى أوردته 7.9.

ارجوك انتبه لكامل الرد مره اخري :)
و اقري التحليل الاخير مره اخري بالكامل :)

**فادى** · 19-12-2007 12:40 AM

" يا ربي حد يلحقني عشان 0.1 تتأخر النيسان 4 ثواني"

مش أربع ثوانى يا سيدى, أنا قلت 2-4 جزء من الثانية, أسف أنا نسيت كلمة "جزء", لكن كان يمكنك أن تستنتج ذلك من بقية الرد لأن 5.1-4.8=0.3 ثانية :)

**PRO-DRIVE** · 19-12-2007 12:58 AM

خلاص ان شاء الله تنزل و حجيب كل التقارير عنها :)

و المجلات و شركات التعديل عمرهاا ما حتسكت اذا كان التسارع غلط :)

**Chicco** · 19-12-2007 01:39 AM

المشاركة الأصلية كتبت بواسطة فادى

"

و بعد كده تيجى ناس تهلل لهذا الكلام الأبله و يقولك انتصار!!! فعلا دائما ينتصر الجهل. ما علينا.

اعلنوا كما تريدون فأنا لا يهمنى فى شىء أنا يهمنى الحقيقة فقط و أنا أقولها و بكل أمانة , و الى مش عايز يصدقها هو حر و أنا لا أبحث عن تقدير شيكو و لا بيكو و لا برو درايف المهم عندى أننى أقول ما أنا مقتنع به.

كلام أبله !!! جهل!!!
إختار ألفاظك أحسن شوية ده أنت مالي المنتدي كلام يتقال فيه قصايد هجاء والواحد سكتلك و محترم الناس الموجودة و مش راضي يرد عليك
مشكلتك إنك مقتنع بحاجات غلط و متصور إنك الوحيد اللي بيفهم مش بس في المنتدي لأ يمكن في العالم كله ربنا يكملك بعقلك

**Ahmed Anwer** · 19-12-2007 02:40 AM

المشاركة الأصلية كتبت بواسطة Chicco

كلام أبله !!! جهل!!!
إختار ألفاظك أحسن شوية ده أنت مالي المنتدي كلام يتقال فيه قصايد هجاء والواحد سكتلك و محترم الناس الموجودة و مش راضي يرد عليك
مشكلتك إنك مقتنع بحاجات غلط و متصور إنك الوحيد اللي بيفهم مش بس في المنتدي لأ يمكن في العالم كله ربنا يكملك بعقلك

معلهش يا أخ Chicoo

فين صبرك و حلمك ،،

ده حضرتك ياما حضرت حوارات زي دي ،، و دايما كنت مثال العقل و الهدوء ،،

كل سنة و انتا طيب يا باشا ،، عيد مبارك ،،،

**محمدايهاب** · 19-12-2007 03:03 AM

حقسقة يا أستاذ فادي أنا مش فاهم حضرتك مش مقتنع ليه عادي إن شركة عريقة زي نيسان تجيب الرقم ده مين قال إن لو Gtr جابت الرقم ده هتبقى أحسن من المرسيدس أو الأستون مارتن أو الفيراري أو البورش

**Chicco** · 19-12-2007 04:10 AM

المشاركة الأصلية كتبت بواسطة Ahmed Anwer

معلهش يا أخ Chicoo

فين صبرك و حلمك ،،

ده حضرتك ياما حضرت حوارات زي دي ،، و دايما كنت مثال العقل و الهدوء ،،

كل سنة و انتا طيب يا باشا ،، عيد مبارك ،،،

أحمد باشا عند حضرتك حق....
شكرا أخي الفاضل علي مراجعتي
كل سنة و حضرتك ومصر كلها بما فيها الأخ فادي طيبين

**فادى** · 20-12-2007 04:20 AM

"حقسقة يا أستاذ فادي أنا مش فاهم حضرتك مش مقتنع ليه عادي إن شركة عريقة زي نيسان تجيب الرقم ده مين قال إن لو Gtr جابت الرقم ده هتبقى أحسن من المرسيدس أو الأستون مارتن أو الفيراري أو البورش"

عزيزى نيسان ممكن تجيب الرقم ده لكن لو كانت سيارتها بقوة تتعدى ال600 حصان ووزنها أقل من وزنها الحالى, أما مع 473 حصان فمستجيل طبعا, و مع وزنها الثقيل أصلا 1719.1 كغ (و الذى يوضح عدم قدرة نيسان على صناعة سيارة خفيفة مع محرك كبير و بودى يتحمل لصعوبة ذلك تقنيا) فان هذا الرقم ليس منطقيا أبدا.
مش الفكرة فى نيسان أو فى غيرها, الفكرة فى تضارب الأرقام. يعنى لو كانت فيرارى أعلنت أن لديها سيارة 480 حصان و بتجيب الرقم ده لن أصدقها. و راجع ما كتبته عن هذا الموضوع من أجل تفاصيل أكثر.