كيف تعمل السيارة:5 المساعدين-طريقة عملها ومشاكلها

**ahmed_safwat** · 14-04-2009 11:13 PM

المشاركة الأصلية كتبت بواسطة x100

شكرا يا كبير على المعلومات المفيدة
بس ليا استفسار فى حالة ان المساعد ضرب زيت مش ممكن يتغير الاويلسيل ويتملى زيت (يملى المساعد)
سمعنا بقى عن مساعدين غاز هل هى الاحسن ولا الزيت؟

كل حاجه وليها حاجه يعني ماينفعش انك تركب مساعدين غاز والعربيه أصلا زيت
الخواجه عارف انه في مساعدين غاز انما هو ركب في العربيه مساعدين زيت لأنها هي دي اللي تنفع مع العربيه

**ooso28** · 15-04-2009 12:28 AM

معني كدة ان ثبات العربية هوا وظيفة المساعدين و بيكون علي حساب راحة الركاب

**Sharaf2009** · 15-04-2009 07:47 PM

المشاركة الأصلية كتبت بواسطة ooso28

معني كدة ان ثبات العربية هوا وظيفة المساعدين و بيكون علي حساب راحة الركاب

شكرا لاستفسارك... الاجابه العلميه والعمليه: نعم فى تعارض بين خواص معامل اخماد المساعد اللى يحقق راحة الركاب (Softer) ومعامل الاخماد اللى بيحقق اتزان المركبه (Rigid)

إزاى؟ مثلا تخيل ان فى عربيه بتلف على سرعه (قول 50 كم/س) اللى بيحصل ان فى انتقال ديناميكى لوزن السياره من العجل اللى جوا الملف الى العجل اللى بره الملف. لو كان معامل الاخماد للمساعد كبير (Rigid) نسبة انتقال الوزن دى هاتقل وده معناه ثبات القوى العرضيه اللى بتحافظ على ثبات وتوازن السياره فى الدوران.

نفس ا لشئ لو ان العربيه بتفرمل بيحصل ان فى انتقال ديناميكى لوزن السياره من العجل الخلفى الى العجل الامامى. لو كان معامل الاخماد للمساعد كبير (Rigid) نسبة انتقال الوزن دى هاتقل وده معناه ثبات القوى الطوليه اللى بتحافظ على ثبات السياره أثناء الفرامل.

ممكن تقول نفس الكلام برده لو العربيه بتعمل تسارع.....

الخلاصه ان من وجه نظر تحسين اداء السياره فى ظرووف العمل المختلفه يجب تقليل تغير الاحمال (ديناميكيا) على العجل/الاطار وده بيتطلب زى ما قلت معامل اخمادكبير للمساعد (Rigid).

طيب لو قلت (زى ما بيقول الناس) ان المساعد ناشف (معامل اخماد للمساعد كبير -Rigid) ده هايسبب تقليل امتصاص الصدمات اللى بيسببها المطبات وخلافه بالتالى تقليل راحة الراكب والاحساس بخشونه الطريق.

وده معناه تعارض فى تحقيق الاهداف لنفس التصميم .... طيب عملو ايه؟

حطوا مجموعه من الحساسات لاستناج ايه هى الظرووف المطلوب فيها تحسين راحة الراكب والظرووف المطلوب فيها الاهتمام اكتر باتزان السياره واعطاء نسبة الاخماد اللى بتحقق الهدف المطلوب ومن هنا كان بدايه تصميم نظم التعليق النشط او النصف نشط

اتمنى انى اكون اضفت ليكم شئ..... وشكرا

**sab3aawy** · 16-04-2009 10:20 AM

المشاركة الأصلية كتبت بواسطة Sharaf2009

ان مش شايف ان فيه بلبله بالعكس انا باشوف انها اضافه فى محلها. انا بس حبيت اوضح اهميه الـ Damping من وجة نظر راحة واتزان السياره وانه كان السبب الرئيسى فى تطوير واحد من أهم وأعقد نظم السياره (التعليق) ومانبصش بس للموضوع من وجة نظر الصيانه والاصلاح....

عموما ان لسه شايف واحد بيتكلم عن التعليق النشط
http://www.nilemotors.net/Nile/showthread.php?t=69890

انا طبعا بأحييه واللى لفت نظرى فى مقالته انه بيقول ان التعليق النشط بدأ فى الخمسينات وحضرتك بتقول 99.9 ...........

حضرتك ليه اعتبرك كلامى مقصود بيه تقليل من شان اضافتك القيمة؟ انا فقط حطيت التنويه ده علشان محدش ينزل يدور على منظومة التعليق الالكترونى اللى حضرتا اتكلمت عنها فى عربيته الفيرنا او اللانوس، اما عن قصة 99.9% فحضرتك عملت زى اللى قال ولا تقربوا الصلاه، حضرتك اخدت نص جملتى وسبت النص التانى، انا قلت 99.9% من السيارات....نكمل جملتى من فضلك... التى نراها ونستعملها كل يوم. يعنى انا بتكلم عن اللى احنا عايشينه هنا فى مصر ، لا ليا دعوة بأه اول تعليق الكترونى نزل سنه كام ولا غير ذلك، ولو مش مصدق نسبة ال 99.9% انزل مشكورا اقعد على اى كافيه على شارع صلاح سالم وعد العربيات اللى بتعدى وشوف كام واحدة منهم فيها نظام تعليق الكترونى، غالبا هتلاقى ان نسبة ال0.1% اللى انا اقترحتها مبالغ فيها كمان . فقط ارجو ان قبل ما نفكر ناخد الأمور على محمل شخصى ونرد ردور تحمل ملامح التهكم( وحضرتك بتقول 99.9%) اننا نفترض حسن النية لأن انا مقصدتش اى حاجة من اللى جه فى دماغك وبنيت عليه ردك

**ابو حسين** · 19-04-2009 07:18 PM

مشكور يا باشا

**samoevil911** · 19-04-2009 07:23 PM

مشكوووووووور

**abo_lamar** · 27-08-2009 07:15 PM

المشاركة الأصلية كتبت بواسطة sab3aawy

الصوت اللى بتسمعه ده الى بيقول (هسسسسس) فى المطبات ليس صوت هواء ولكنه صوت الزيت اثناء مروره عبر ثقوب المكبس الضيقة، (جرب تكبس ميه من ابره حقنة هتلاقى المية وهى خارجة لها صوت مماثل)
والصوت ده طبيعى ويسمع فى كل مساعدين كل السيارات، جرب بنفسك هز اى سيارة من عند المساعد وهاتسمعه

لو انت وقفت جنب اى مطب صناعى هاتسمع كل السيارات اللى بتعدى من فوق المطب بتعمل نفس الصوت

لكن لو انت بتسمعه وانت جوة العربية فده معناه حاجة من اتينين، يا إما ان عزل الصوت فى كابينة السيارة عندك مش اد كدة، يا إما انك ببساطة فاتح الشباك :lol: :lol: :lol: :lol:

والله يا سبعاوي باشا انا كنت فاكر العجلة مهوية شوية وفعلا انا لما بكون فاتح الشباك بسمع الصوت ده

**wanderer** · 26-10-2009 10:45 AM

هل المساعدين له علاقة بقواعد المحرك ,, بمعنى لو المساعدين من النوع الرياضى (الناشف)

هل ده بيضر قواعد المحرك ولا لازم اغير قواعد المحرك لنوع اقوع ,مش عارف