انا كنت عندهم من شوية ولا كأن فيه حاجة مدير الصيانة بقوله علي الخبر اللى في الأهرام يقولي لو فيه مشكلة طلعت علي الجهاز بنغير الأكتيويتور اقوله طب وايه الجديد في كده:36_1_8[1]:
عرض للطباعة
حماية المستهلك يلزم تويوتا ايجيبت بإصلاح عيب ناقل الحركة فى طراز كورولا على نفقتها
http://productnews.link.net/general/...10/coroola.jpg اضغط للتكبير
سيارة تويوتا كورولا 2009
2/11/2010 3:02:00 PM
القاهرة - محرر مصراوي - أعلن جهاز حماية المستهلك تلقى عدد من الشكاوى الخاصة بمشكلة الفصل خلال نقلات السرعة فى السيارة تويوتا كورولا ام ام تى (ناقل الحركة متعدد الأوضاع ) موديلى 2008 و 2009 .
وهما اللذان تم دخولهما السوق المصرية من هذا الطراز مؤكدا أن الجهاز قرر إلزام الشركة باستدعاء هذه السيارات والقيام بإصلاح هذا العيب فى عدد السيارات المباعة من هذا الطراز بالسوق المصرية وعددها 6500 سيارة ، وإلزام شركة تويوتا ايجيبت بتحمل كافة التكاليف والمصروفات الخاصة بذلك دون تحميل المستهلك أية تكلفة ، وذلك خلال الفترة من الأن وحتى 31يوليو القادم.
وصرح سعيد الألفي رئيس جهاز حماية المستهلك بأن لجنة السيارات بالجهاز قد عقدت اجتماعات مستمرة على مدى يومين كاملين والتى تضم أعضاء من كليات الهندسة شعبة السيارات بكل من جامعتي عين شمس وحلوان وبحضور المستشار القانوني للجهاز وعضوا من هيئة المواصفات والجودة وذلك بحضور ممثلي شركة تويوتا ايجيبت فضلا عن حضور المستهلكين المتضررين لفحص كافة شكاوى المستهلكين من السيارة تويوتا كورولا - وعددها 33 شكوى - لبيان وجود العيب الخاص بهذه الظاهرة فى هذه الشكاوى.
وأسفرت نتائج الفحص عن وجود عدد من هذه الشكاوى الخاصة بالسيارة كورولا ام ام تى تعانى من هذا العيب ، وبناء عليه قرر الجهاز إلزام تويوتا ايجيبت اتخاذ إجراءات استدعاء جميع السيارات من هذا الطراز وإصلاح هذا العيب على نفقتها والتى تقدر بنحو 20 مليون جنيه علما بأن اللجنة الفنية أكدت أنه ليس هناك خطورة لهذا العيب على سلامة المستهلك.
وقال الألفي ان الشركة أكدت التزامها بتنفيذ قرار الجهاز، و أفادت بأنها ستمنح ضمان إضافى على الضمان الأصلي للسيارة على قطعة ناقل الحركة ( الفتيس ) لجميع السيارات من موديل تويوتا كورولا فى السوق المصرية والتى تم شرائها عن طريق الوكيل.
ودعا الجهاز أصحاب السيارات كورولا ام ام تى سرعة الاتصال بشركة تويوتا ايجيبت على الخط الساخن 16550 لاتخاذ إجراءات إصلاح العيب وفقا لقرار الجهاز، وحددت الشركة مراكز الصيانة التى ستستقبل السيارات من هذه الطراز لإصلاح العيب وذلك فى مراكز الصيانة الخاصة بها وهى " أبورواش - العباسية - القاهرة الجديدة - الأسكندرية " ولدى الموزعين المعتمدين فى القاهرة " تويوتا العبور "، والأسكندرية "الرزقى للسيارات"، والمنصورة "شركة النصر للتجارة "، وشرم الشيخ "اجيكو ".
المصدر: وكالة انباء الشرق الاوسط، مصراوي.
انا النهارده كنت في جهاز حمايه المستهلك في لجنه السيارات تويتا اعترفت بالعيب وبعتت قطع لحل المشكل والي هي متمثله في N error يعني المفروض الي يغير القطع دي ميجلهوش ان ايرور تاني وتتمثل القطع في اكتويتور وطقم الدبرياج بالكامل وجزء اخر مش متذكر اسمه يعني معظم اجزاء الفتيس ومدير العلات العامه كان في اللجنه وقال انهم مصنعين بخامات اعلى وتكنولوجيا اخري مختلفه عن الي في العربيه ليتحملو السير بيهم لا يقل عن 150 الف كم عشان يعطلو وتويوتا هتعمل ريكول لكل العربيات الي في مصر ام ام تى لتغيير القطع ليها بس طبعا هيبداو بالناس الي عامله شكاوي في الجهاز الاول :) ويا رب فعلا القطع دي تحل المشكله
الي فهمته بقي من المستشار القانوني لجهاز حمايه المستهلك انه ملهوش يد قويه تجبر بيها التوكيل علي فعل شئ يعني هو بيلعب بس علي سمعه الشركه لان التوكيل ممكن يعترف بالخطاء ويدفع الغرامه المقرره عليه حسب قانون حمايه المستهلك وميصلحش حاجه بس ده طبعا علي حساب سمعه الشركه وقال انه يجب نمشي خطوه خطوه يعني هكل الناس هتغير القطع دي وهنشوف حلت المشكل ام لا و الشكاوي هتفضل مفتوحه لو محلتش هيتم احاله العربيه للكشف عليها من قبل لجنه السيارات في كليه الهندسه بعين شمس والمطريه وهتتحول الموضوع بعد كده للمحكمه يعني القضاء في الاخر هو الي ممكن يجيب حقنا الجهاز مساعد بس مش اكتر
وعرفت ان تكلفه تغيير الفتيس بفتيس اوتوماتيك عادي بيتقلف 50 الف جنيه ومستحيل تويتا تعمله لانه ضد الرولز عندها يعني تعملها بره التوكيل
يعني لو منفعش الاجزاء دي في حل المشكله لازم هنرفع قضيه وهيكون ساعتها بتغيير السياره كلها
التوكيل خلال الاسوعين الجايين هيتم الاتصال الناس الي اشتكو في الجهاز وهيبدا التغيير وهيتم التغيير في يوم واحد فقط
تويوتا اليابان زودت سنتين ضمان علي الفتيس فقط بعد ال 3 سنوات
واتكلمنا انهم يخلو كمان ال كم مفتوح للضمان علي الفتيس ولسه هيبعتو ياخدو الموافقه من اليابان بذلك
نرجو تجميع بينات ملاك العربيه وتغيير القطع ونشوف حلت المشكل ام هنكمل في الشكوي
بالنسبه للناس الي مش معترفه انه فيه عيب صناعه وكانو بيدافعو عن العربيه. العربيه طلع فيها عيب صناعه فعلا وتويوتا ايجيبت اعترفت بكده خلاص كل عربيات 2008 و 2009 فيها نفس العيب
التوكيل الي هيغير القطع في القاهره فرع العباسيه وفرع ابورواش وفرع القاهره الجديده علي الدائرى بلاش حد يروح لموزع زي الي في العبور او اي مكان تاني خليكم في التوكيل الرئيسي بس
القرار طلع النهارده ولسه متعممش علي الفروع يعني لسه مخدوش خبر الي عرفوه بس جهاز حمايه المستهلك وهو الي نشره وشكرا
طبعا شكرا جدا اننا اتتجمعنا لان عدد ال33 شخص الى كانو ف الجهاز امبارح والنهاردة عرفوا موضوع شكوى الجهاز من هذا المنتدى واهتموا و راحو عملو الشكاوى وهو دة الى خلى ممثليين تويوتا مايقدروش يجادلوا او يقولوا زى ماكانوا بيقولو لكل واحد فينا على حده ف التوكيل ان العربية زى الفل ومفهاش مشاكل ونظامها كدة.......وعشان عدد الشكاوى كان رقم مش قليل و التوكيل عارف انة مش هايعرف يضحك على الناس بتوع الجهاز و كلية الهندسة...( لان طبعا الى كانوا بيقولوه لينا مايدخلش عقل حد),
.فاعترفوا بالمشكلة وده اول خطوة واهم خطوة اننا قدرنا نوُصل لكل الناس اننا بنفهم ومش اول مرة نركب عربية وان العربية فيها عيب صناعة.(ودة طبعا كان هيبقى مطلبنا الرئيسى في تجمع يوم السبت وهو الاعتراف بالمشكله امام الراى العام...)وبالتالى هنأجل الخطوة دة ونديهم فرصة يصلحوا العيب بشكل نهائى وبعدين نشوف خاصة ان الجهاز مد الضمان على الفتيس سنتين كمان واذا حصل نفس العيب تانى الجهاز مش هيتناقش مع التوكيل ف تصليح تانى و هيجبرهم يغيروا كل العربيات..
.احنا بردة هنفضل مع بعض وهنحل مشكلتنا بشكل جماعى لان بقالنا سنتين كل واحد بييشتكى لوحدة وماحدش سامعنا.ولما اتجمعنا واتكلمنا بصوت واحد الموضوع اتعرف ف يومين...!
شكرا لكل الزملاء وان شاء اللة مع بعض للنهاية لحد ماتخلص المشكلة..
فعلا الاتحاد قوة......
تم تأجيل مقابله يوم السبت حتى نجرب القطع الجديده ونشوف النتيجه لان الهدف من المقابله معرفه التوكيل اننا اتجمعنا والاعتارف بعيب الصناعه وده حصل فعلا خلاص وشكرا
طب ياريت يجماعه الي يتغير لعربيته طورلوب يحكلنا ... ادينا ورلهم لما نشوف اخرتها ايييييه:I_angr1[1]:
الاجراء الذى اتخذه جهاز حماية المستهلك جيد جداً و رادع لحل المشكلة
وعرفت ان تكلفه تغيير الفتيس بفتيس اوتوماتيك عادي بيتقلف 50 الف جنيه ومستحيل تويتا تعمله لانه ضد الرولز عندها يعني تعملها بره التوكيل
يعني لو منفعش الاجزاء دي في حل المشكله لازم هنرفع قضيه وهيكون ساعتها بتغيير السياره كلها
بالنسبه للناس الي مش معترفه انه فيه عيب صناعه وكانو بيدافعو عن العربيه. العربيه طلع فيها عيب صناعه فعلا وتويوتا ايجيبت اعترفت بكده خلاص كل عربيات 2008 و 2009 فيها نفس العيب:Ta_clap[1]:
يعنى بصراحة أعضاء المنتدى اللى حذرت من بدرى من مشكلة الفتيس وقالك بلاش كورولا علشان الفتيس كان معاهم ألف حق.
فعلاً المنتدى ده محترم ومرجعية لأى واحد مهتم بالعربيات
انا معايا 2009 عامله 50000 كيلو وبسوقها انا والوالد واخويه وبنهرسهااقتباس:
كل عربيات 2008 و 2009 فيها نفس العيب
ومفيش اى مشكلة اغاية دلوقت كل اللى حصل انى على صيانة 45000 طلبت تربيطه عشان النقلة كان الاحساس بيها زاد شوية
انا موش بدافع عن الفتيس ... انا مخنوق منه بس عشان كلمة الحق