انا واحدة مش واحد, بس مش عارفة دي تفرق ايه في الموضوع. و بعدين حضرتك عامل موضوع في منتدى عام و مش عايز حد يسأل أو يستفسر و بتقول اللي عايز يعرف ينزل من البيت مش ياخد معلومة من منتدى
انا بعد اللي حصل عندهم مشكلة هنا في المنتدى عشان نشوف مدى شيوع الموضوع باعتبار الناس هنا عينة من ملاك العربية, ايه الغريب في كدة؟
لا الي عاوز يسئل يسئل و انا بجاوب اهو الي اعرفه بس مينفعش تعتبري المنتدى عينه وتقيسي عليها النسبه انا اقصد تنزلي عشان تعرفي النسب صح ويقون تقييمك دقيق مش اكتر يعني مثلا في فعلا 100 عربيه حصلهم المشاكل دي ادينا هنا احنا 3 او 4 في المنتدي هل 4 دول تدل علي النسبه الحقيقيه الي هي 100 ؟
ما هو السؤال اللي انا بسأله و محدش عارف اجابته هل هما عارفين ان فيه عربيات فيها مشكلة و لا ان كل العربيات فيها مشكلة؟ تفرق كتير.
هما مين؟ كل العربيات واحد مش معقول يعني ال 100 عربيه دول حظهم وحش وطلع فيهم عيوب التصنيع ولو فرضنا ده هل عيب الصناعه هيتكرر بنفس العيوب في 100 عربيه صدفه صعبه اكيد هي مسئله وقت وطريقه استخدام بس المشاكل هتظهر هتظر
طبعا عدد 100 عربيية عدد كبير, بس الأهم نعرف من اجمالي كام عربية اتباعت في مصر؟ الناس هنا كانت بتقول تقريبا 3000 عربية. لو العدد ده صحيح يبقى العربيات اللي اتغيرلها أجزاء في الفتيس 0.3%. و على فكرة انا اللي أعرفه ان مفيش عربيات بتتصلح عند موزعين, الموزع المعتمد بيبيع بس. مش معقول واحد عنده مشكلة في عربية زيرو في الضمان و يوديها لحد غير التوكيل
لا في موزعين وبكونو عاملين مركز صيانه معتم من توكيل تويوتا مش معرض بيع وبس والناس بتروحله لانه ارخص انا عن نفسي بروح مركز معتمد في ش السودان في الصيانات الصغيره الي هيتغير فيها زيت وفلتر بس وبروح ابو رواش في الصيانه الي هيكون هيتغير فيها اجزاء اخرى لان مشنعيه ابو رواش 500 جنيه ومشنعيه المركز المعتمد 80 جنيه مش معقول هدخل العربيه التوكيل عشان اغير زيت وفلتر وادفع 500 في صيانه رئيسيه بيتعمل فيها مراجعه كامله وتغيير جميع السوائل الي في العربيه زي صيانه ال 40 الف 80 و 120 وهاكذا وفرع العبور ده مركز معتمد وليس توكيل والمعلومه دي ممن تتصلي بالخط الساخن 16550 وتسئلي فين المراكز المعتمده وفين التوكيل الرئيسى والمركز الي بروحه في ش السودان معتمد يعني لازم يكون عنده ناس فاهمه ومعدات واجهزه متقدمه عشان توكيل تويوتا تعتمدهم وكل قطع الغيار اصليه بيجبوها من التوكيل الرئيسى بس بتكون اغلي شويه وعندهم جهاز الكمبيوتر الي بكشفو بيه وبظبطو السوفت وير بتاع الفتيس MMT وموجود مهندس متخصص شغال علي الجهاز ده بس انا مبعمل هناك غير الزيت والفلتر وبس وممكن سعات تغيير التيل انما اي حاجه خاصه بالموتور او الفتيس بعملها في ابو رواش والمهندس الي في شارع السودان قالي ان بيجلهم عربيات كتير فيها مشاكل في الفتيس وقلي العربيه فعلا فيها عيوب صناعه في الفتيس وتويوتا اليابان عارفه طبعا المعلومات الخاص بعدد العربيات الي دخلت التوكيل الرئيسى وان المشكله عامه مش واخدها من مهندس المركز المعتمد لا انا واخدها من مهندس في ابورواش ومن مسؤل مبيعات صديق عزيز عليا في فرع العباسيه ومن رئيس قسم الاستقبال في ابو رواش بس بصفه وديه :)
طيب تفرق ايه لما يكون بيعيد تنزيل السوفت وير و يظبط القيم؟ مهو ده يعتبر ابديت. كلمة ابديت معناها تحديث مش تغيير. يعني لما يبقى عندك ويندوز اكس بي وتعمله ابديت حيفضل برضه اكس بي مش حيبقى فيستا مثلا. ده لا يمنع ان يكون فيه ايرورز ومشاكل و تتصلح
ماشي صح بعمل ابديت بس ده مبيحلش مشاكل الفتيس الابديت بيحل الاداء بتاع الفتيس يعني مثلا لما بتشيلي رجلك من علي الفرامل العربيه بتبتدي تتحرك ممكن العربيه تلاقيها اتاخرت في الطلوع 2 ثانيه مع ضبط الخلوص تلاقيها بتطلع علطول اول ما تيلي رجلك مثال تاني النقلات ممكن تلاقي العربيه بتتاخر في النقلات يعني بتنقل علي ار بي ام عالي السوفت وير بيقللها لما يتظبط حساسيه البدال بتتحسن مع ظبط السوفت وير النتشه بتقل بس طبعا مع المشي الاجزاء بتتاكل ولازم كل 10 الف بيتاعد عمليه الظبط وده بيحصل في الصيانه الدوريه
حضرتك مشكور انك بتعرض مشكلة اتعرضت لها و بتحذر غيرك, بس مش المفروض انك تضايق لما حد يناقشك عشان نعرف اذا كان كل ملاك العربية معرضين لنفس مشكلة حضرتك و لا لأ.
يا فندم انا مش زعلان ولا مضايق انا برد بكل موضوعيه واهلا باي سؤال او مناقشه بس تكون موضوعيه يعني مبنيه علي معلومات صحيحه وليس تخمين والي عاوز يعرف معلومه ويتاكد منها ممكن يعرفها بالتليفون او باي طريقه ويتاكد منها وللعلم العربيه فيها مشاكل اخري منشره جدا زي المساعدين بتبوز كتير وعمود الدركسيون والطنابير ودي مشكله عامه بس انا مش بتعرضلها لان التوكيل بيغيرهم علي حسابه ومش مشكله انما الفتيس حاجه مهمه و اساسيه وشكرا و ارجو مكنش ازعجتكم بكلامي الكثير :shine[1]: