انا واحدة مش واحد, بس مش عارفة دي تفرق ايه في الموضوع. و بعدين حضرتك عامل موضوع في منتدى عام و مش عايز حد يسأل أو يستفسر و بتقول اللي عايز يعرف ينزل من البيت مش ياخد معلومة من منتدى اولا انتي بتعدي هنا علي المنتدي عدد الي حصل معاهم مشاكل في الفتيس اعتقد ان عدد قليل جدا الي بيدخل هنا علي المنتدي و مش معناه ان 3 او ا4 بس هنا الي عندهم المشكله يبقي حاله فرديه صح ولا لا انتي لو بتتحريالدقه زي ما انتي بتقولي ممكن تنزلي مشوار لحد اي فرع تويوتا وتسئلي بنفسك بس بذكاء شويه يعني اي مهندسلو اتكلمتي معاه بصفه وديه وحسستيه انك عارف المشكله وان في ناس كتير بتشتكي هيتكلم معاكي بصراح انما لو عميل رايح بيسئل عشان قلقان طبعا هيقولك لا طبعا ومفيش مشاكل عشان هما مش ناقصين الناس الي بتشتكي يزيدو واحد اوك فهمتيانا اقصد ايه
انا بعد اللي حصل عندهم مشكلة هنا في المنتدى عشان نشوف مدى شيوع الموضوع باعتبار الناس هنا عينة من ملاك العربية, ايه الغريب في كدة؟
نا مش بقنعك ولا حاجه لان انا مش هدفي لا اسوء سمعه العربيه هي سمعتها سبقتها في السوق واكيد ده مش من فراغ ولا اجمع عدد واعمل انقلاب انشاء الله ربنا هيوفقنا وهناخد حقنا لان تويتا مش شركه صغيره ولو فكرتي فيها شويه هتلاقي كلما العدد يقل احسن لان تويتا هتكون سهل قوي تاخد قرار وتحللهم المشكله يعني التكلفه علي تويتا انها تغير فتيس 3 عربيات غير تكلفه انها تغير 200 عربيه مثلا صح ولا لا
هتقوليلي عاوز اجمع عدد عشان اثبت ان العربيه فيها عيب الحمد لله شركه تويتا عارفه عربيتها كويس وهما معترفين بيه ضمنيا مع العملاء الي حصلت معاهم المشكله انما العملاء الي محصلش معاهم مشكله لا طبعا لانهم مش ناقصين قلق وخناق كفايا عليهم العملاء الي حصل معاهم العيب
ما هو السؤال اللي انا بسأله و محدش عارف اجابته هل هما عارفين ان فيه عربيات فيها مشكلة و لا ان كل العربيات فيها مشكلة؟ تفرق كتير.
بالنسبه للعدد الي غير اجزاء في الفتيس تقريبا وصلو 100 عربيه او ازيد حاجه بسيطه ده علي مستوي فروع تويتا ايجيب الرئيسيه بس انما الموزعين المعتمدين من تويتا الله اعلم بقي لان مش مربوطين علي السيستم مع التوكيل
طبعا عدد 100 عربيية عدد كبير, بس الأهم نعرف من اجمالي كام عربية اتباعت في مصر؟ الناس هنا كانت بتقول تقريبا 3000 عربية. لو العدد ده صحيح يبقى العربيات اللي اتغيرلها أجزاء في الفتيس 0.3%. و على فكرة انا اللي أعرفه ان مفيش عربيات بتتصلح عند موزعين, الموزع المعتمد بيبيع بس. مش معقول واحد عنده مشكلة في عربية زيرو في الضمان و يوديها لحد غير التوكيل
ممكن كمان توصلي لجهاز حمايه المستهلك وتسئلي بنفسك في شارع احمد عرابي كام شكوي جت خاص بالفتيس انه فيه عيب شوفي العدد بعيد عن الي بشتكو من انهم مش عارفين يتعاملو مع الفتيس يعني لو انتي مهتميه فعلا زي ما بتقولي انك تعرفي العدد صح وتدرسي الموضوع
بالنسبه بقي لسوفت وير الي اخترع ان نزل سوفت جديد ده توكيل تويتا فرع العبور وده مركز معتمد من تويوتا ايجيبت وليس توكيل رئيسي هو بقي بينصب علي الناس او بيريحهم الله اعلم انما العربيه دي منزلهاش سوفت وير جديد خالص ولا اتغير فيها مسمار 2009 زي ال 2008 بالظبط ولو بتقولي في اختلاف ومش مخزون من 2008 حد من الي معاه العربيه 2009 اتحداه ان يكون مكتوب علي اي حته في عربيته موديل 2009 او ال 2008 يكون مكتوب عليها 2008 مش هتلاق ولا علي القايم ولا في اي حته الورق بقي ده ورق الافراج الجمركي والتوكيل بيحدد الموديل حسب السنه الي بتتباع فيها العربيه للعلم الي اتغير فيها حجات ولا تذكر 2010 فقط وحجات بسيطه جدا زي الوير الي بيفتح الشنطه وحبه حجات بسيطه في العفشه و التقفيل
ممكن طبعا لو وصلتي تويوتا العباسيه او ابو رواش اسئلي هناك كذا مهندس بس برضو حسسيه انك فاهمه هما بيقولو عليها reinstall يعني اعاده ضبط قيم الخلوصات في السوفت وير يعني مفيش سوفت وير بينزل جديد السؤال بقي يكون كالتالي هل في سوفت وير جديد ولا انتو بتعيدو تظبط قيم الخلوصات وشوفي رده ايه و اسئلي كذا واحد
طيب تفرق ايه لما يكون بيعيد تنزيل السوفت وير و يظبط القيم؟ مهو ده يعتبر ابديت. كلمة ابديت معناها تحديث مش تغيير. يعني لما يبقى عندك ويندوز اكس بي وتعمله ابديت حيفضل برضه اكس بي مش حيبقى فيستا مثلا. ده لا يمنع ان يكون فيه ايرورز ومشاكل و تتصلح
واخيرا انا بقول للناس كلها الي حصل معاه المشكله اهلا وسهلا الي محصلش انا مش طالب منه حاجه هو بقي عاوز يبحث في الموضوع ويسئل هو حر وشكرا واي استفسار اهلا بيكي واظن انا كده رديت علي تساؤلاتك ولا لسه؟
حضرتك مشكور انك بتعرض مشكلة اتعرضت لها و بتحذر غيرك, بس مش المفروض انك تضايق لما حد يناقشك عشان نعرف اذا كان كل ملاك العربية معرضين لنفس مشكلة حضرتك و لا لأ.