الموضوع: دعوه للتواصل لاصحاب فتيس mmt وحصل معاهم مشاكل

المشاركة الأصلية كتبت بواسطة marwanmohamed

انا غيرت الحاجات دة كلها بعد مشاكل كتيرة مع التوكيل وكانو ف كل مرة بيحاولوا يقنعوني ان العربيه نظامها كدة ولازم تكون العفشة ناشفة عشان تكون ثابتة علي الطريق ولكن لما كنت بزعق واعلى صوتي هناك كانو بيعترفوا ان المساعدين بايظة وغيرت الاول المساعد الخلفي يمين وبعدين الشمال ولما حسيت بتحسن كبير ف العربية عملت معاهم مشكلة تانية و اجبرتهم يغيروا المساعدين الاماميين وبجد حسيت بنعومة غريبة احسن ماكانت العربية جاية وبعد المساعدين جربت العربية مع مهندس الصيانة و اعترفلي ان في تخبيط لسة موجود بسبب عمود الدريكسيون وادانى كارت اغيرها بية لأنها مش موجوده دلوقت.وبعدين لقيت العربية بترعش جامد على الطريق والفرامل بقت سيئة رحت التوكيل قالولى الطنابيرالامامية والخلفية فيها عيوب صناعة هنغيرها ف الضمان بس التيل الخلفى و الامامي هيتغير على حسابك ب 1200.0جنية.عملت معاهم مشكلة كبيرة و قلتلهم مدام بتعترفوا ان الطنابير بايظة يبقى اكيد هيا الى بوظت التيل وماردتش ادفع ولا مليم وغيروها على حسابهم.وبعدين سمعت صوت جشانة جامدة ف العجلة الشمال قدام ورحت التوكيل وغيرولي بلية العجلة علي حسابهم . واخيرا مشكلة الفتيس رحت التوكيل و حاولوا يقنعونى انها مشكلة فردية و مابتحصلش وهنصلحهالك على حسابنا رفضت وعليت صوتى جامد اكتشفت ان في ناس كتير موجوده وبتصلح الفتيس لثالث و رابع مرة وكل واحد مفهمينوا ان المشكله عندة هو بس.عملت معاهم مشكلة كبيره واتصلت بالنجدة وعملت محضر ف قسم الوايلى فحاولوا يهدونى و قالولى حضرتك هي نظامها كدة ولازم كل عشرين الف كم تغير اسطوانة ودسك .قولتلهم ولما الضمان يخلص هعمل اية ماعرفوش يردوا عليا.......دلوقت الى عايز ياخد حقة لازم يعمل شكوي ف جهاز حماية المستهلك على رقم 19588ويبعتلهم على الفاكس صورة الضمان والرخصة لان الاستاذ.سعيد الالفى رئيس الجهاز بيجمع اكبر عدد من الشكاوي عشان يثبت للتوكيل انها مش حالات فرديه.وانا واللة واخد منة وعد ان لو ثبت ان فية شكاوي كتير من نفس العيب الجهاز حيجبر التوكيل انة يرجعلنا فلوسنا او يغيرولنا العربيات ودة حصلت مع توكيل كومودو و اسبرانزا........المشكلة يجماعة ان التوكيل متأكد اننا عمرنا ما هنتجمع و انهم بيعرفوا ازاي يسكتوا كل واحد على حدة ويوهموة انها مشكلتة هو بس...........انا عايز كلنا نعمل الشكاوي , وكلنا نوصل لبعض ونحاول نحدد يوم و نروح التوكيل كلنا مش بأقل من عشر عربيات ونقف قدامهم و نوريهم انها مشكلة عامة ومن غير مانعمل مشكلة معاهم.....

تليفونى0103333062

يا حفيظ دى الاسبرنزا موش كده يا عالم

الناس اللى هتشتكي هيكتبوا ايه في شكوتهم ؟ لأن كل الأسباب اللى ذكرت مش سبب كافي او مقنع يدفع المطالبة بتغيير الفتيس لأوتوماتيك وبعدين انتم عارفين يعني ايه تغيير فتيس وهيتكلف كام لأني ملاحظ ان الناس شايفة الموضوع سهل شوية وواخدة الموضوع حماسة خاصة ان الشكوي جاية في وقت صعب جدا لتويوتا شوفو حتة حشو في دواسة البنزين كلفهم قد ايه ما بالكم بتغيير فتيس كامل وبعدين جهاز حماية المستهلك مش بيطالب بتغيير السيارة او استبدالها غير لما يكون العيب متكرر ولا يمكن اصلاحه.

وجة نظري ان الشركة تقوم بتغير الفتيس وذلك من خلال تطبيق طريقة التبديل بالشركة من خلال فرق بسيط وذلك لعدة اسباب
1- اولا الفتيس بمصر لا يناسب البيئة والمناخ بمصر لان مع كثرة المطبات والحفر الكثيرة والمناخ الغير ملائم من تلوث واتربه وغيره وايضا عدم الاحساس بالثقه من التوكيل ادي الي عدم الاطمئنان بعد انتهاء الضمان .
2- التوكيل اوقف استيراد العربية خلال فترة وجود 2سنتين فقط ( 2008-2009) ، وهذا دليل علي وجود مشكلة بالعربية -
3- اذا حدث مشكلة لاي واحد و معه العربية ممكن ان تتكرر لا احد اخري . فمثلا n err او مشكلة في الطنابير او المساعدين او غيره فيها تحدث لا احد اخري حتي مع تفاوت عدد الكيلو مترات -

انا مع الاتحاد للوقوف امام هذا التوكيل لان نسبة عدد العربيات ال mmt بمصر لا تتعدي 2000 او 3000 عربية وهذا العدد بالمقارنه باجمالي انتاج تويوتا بمصر ومبيعاتها بمصر لا يمثل اي نسبة وبالتالي فلابد ان يقوم الوكيل باقفال ملف هذا النوع من العربية mmt ويتعبرها خطأ لابد ان يصحح وذلك من خلال تبديل العربية باخري بفرق بسيط ..

وايضا دليل ان العربية بها مشكله ان التوكيل يقوم ببيع العربيه في 2008 بمبلغ 135000.00 ثم يتدرج السعر الي 115000.00 ( الprofee. ) فهذا دليل علي ان التوكيل قد ربح فرق كبير ( 20000.00 لكل سيارة مباعه اي تقريبا وهذا متوسط تقريبي لعدد 2500 عربية = 50000000 اي مبلغ خمسون مليون جنيها مصري فرق تقريبي فقط وهذا من غير الربح المحقق للسيارات .

واعتقد تكلفة تبديل السيارة مع الوكيل يتم تغطيتها من الفرق و الربح وبالتالي يتم تصحيح مسار تويوتا ويعود الوضع الي طبيعته ..

طب نتفق علي المطالبة بتغيير الفتيس لأوتوماتيك عادي مع دفع فرق بسيط لا يتعدي 5الاف ويكون الموضوع اختياري اللى عايز يحتفظ بالفتيس يحتفظ بيه واللى عايز يغير يغير براحته وده اظن حل وسط يرضي جميع الأطراف سواء المستهلكين او التوكيل او اللى معاه عربية فيها فتيس mmt وعايز يحتفظ بيها.