http://www.nilemotors.net/Nile/image...-bot-right.gif أولا: حضرتك بتسأل على اللي عنده عيوب عشان تعمل رأي عام ضد العربية و ده يأثر على كل ملاكها, يبقى مينفعش تقول لنا ما نقولش رأينا, لأنك كدة بتخوف ناس كتير ماحصلتش عندهم مشاكل بس كلامك حسسهم ان المشاكل لااااااااااازم حتحصل.
ثانيا: حضرتك بتقول العيوب ظهرت في 2008 بس لأنها بتحصل بعد 35000 كم مع ان حضرتك قبل كدة قولت انها بتحصل كل 20000 كم و ده رقم كتير من أصحاب العربية 2009 عدوه بكتير.السؤال المهم ليه حضرتك مصر ترفض فكرة ان العيوب اختفت في 2009 رغم ان محدش من أصحابها اشتكى؟ طبعا عشان تثبت ان المشكلة في كل العربيات سواء ده حقيقي أو لأ.
ثالثا: التوكيل ماقالش ان لازم العربية تقف منك كل 20000كم و تغير حاجات كتير في الفتيس غيرلحضرتك بس ليه؟ زي ما قولت قبل كدة في ناس هنا عدت ال20000 و ال50000 كمان و ما غيرتش حاجة. واضح ان الناس في التوكيل عايزين يقنعوك ان ده طبيعي عشان ما تصرش انك تغير الفتيس بالكامل لأني زي ما قولت قبل كدة شايفة ان واضح ان الفتيس عند حضرتك فيه عيوب صناعة فعلا.
رابعا: على فكرة أنا ماقولتش انكم طماعين أنا قولت انكم زعلانين ان سعر العربية نزل 30000 جنيه عشان ده طبعا يفرق معاكم في البيع, و حضرتك عايز تغير الفتيس لأوتوماتيك عشان سعره مانزلش و بالتالي سعر بيعه اكبر. ده مش طمع, حقك تزعل انك تخسر في تمن لعربية, لكن اللي مش حقك انك تحاول تعمل رأي عام و تبوظ سمعة العربية زيادة عشان مشاكل فردية.
انا جاوبت على النقاط اللي حضرتك طرحتها بس انا سألت أسئلة محددة محدش جاوب عليها, كام واحد عنده مشاكل و حاجات اتغيرت في الفتيس بعد 20000 كم زي حضرتك أو حتى بعد مسافة أكبر؟ و كام واحد حصله n error؟ و يا ريت اللي يرد يقول عربيته 2008 و لا 2009 و حصلتله مشكلة قبل و لا بعد تحديث السوفت ويرعشان نعرف نحكم فيه فعلا مشكلة عامة و لا لأ.
انا لغاية دلوقت مش شايفة غير اتنين بيشتكوا و يردوا على بعض و بقية الناس قلقت من كلامهم. و يا ريت محدش يدخل يتكلم ان سواقة الفتيس و حشة و يقارن مع الأوبل و عربيات تانية عشان موضوع طريقة السواقة دي قتلت بحثا و مش مجالها هنا, احنا عايزين نعرف فعلا الفتيس فيه عيوب تخلي العربية لازم تقف منك فجأه ان اجلا أو عاجلا زي الأستاذ ما بيقول و لا لأ؟