المشاركة الأصلية كتبت بواسطة Ahmed A.Maksoud
الأشياء العادية.........عادية
الأشياء الغير عادية
1- حساس الكرنك
أعراضه أن العربية تبطل بعد ما تدورها ب5 أو 10 ثوانى لوحدها
حل مؤقت أنك تفضل معلى البنزين فوق ال 2 rpm لمدة دقيقتين هتلاقيها ظبطت معاك......بس ممكن لو بتقف وتطلع كتير فى زحمة تلاقيها عاوزة تبطل برضه.
2- حساس السرعة
أسمع أنه بيخلى العربية تبطل برضه
3- الكوعة المذكورة دى بتبقى فى الموتور و دى عادة الجوان بتاعها هو اللى بيسرب زيت ( بس فى التوكيل بيغيروا الكوعة بالجوان ب 900 جم بينما تغير الجوان بس بيتكلف 400 تقريباً بالمصنعية بالضريبة بكل حاجة بس فى الميكانيكيون العرب)
4- عوامة البنزين معرفش عنها أنها بتبوظ بسهولة بس هى الملاحظة الوحيدة عليها أنك و أنت بتفول العربية لو كان الموتور داير هتلاقى عداد البنزين مقراش الفول تانك.
الأشياء الغير منطقية
1- كمبرسور التكييف
معرفش حد غيره أو أشتكى منه خالص
2- شريط الأيرباج.....يمكن عشان مكانه تحت عمود الدركسيون على طول فبيكون معرض أنه يتشد مع لف الدركسيون على الأخر و ممكن بالتالى كتر لف الدركسيون على الأخر بسرعة يخليه يتقطع.
3- جلب الفتيس برضه معرفش حد أشتكى منها.
الفكرة بالنسبة للأشياء الغير عادية
1- كام واحد باظت عنده الحاجات دى
2- باظت بعد كام كيلومتر
يعنى أنا مثلاً موضوع حساس الكرنك ده حصل معايا و العربية عاملة 78 ألف كم
ومعرفش غير واحد كمان حصلت معاه على المنتدى و أن كنت مش فاكر أسمه
حساس السرعة معرفش حد من مالكى الميجان غيره
كوعة الزيت أنا برضه غيرت الجوان ومعرفش غير واحد كمان عنده نفس الموضوع.... ( أبراهيم topgear )
بالمناسبة....فى علاقة بين الكوعة و حساس السرعة....لما تكون الكوعة بايظة ( بتجيب زيت ) الزيت بينزل على المنطقة اللى فيها حساس السرعة و بالتالى ممكن يبوظه.
المفضلات