تجربه نيسان Gt-r بواسطه ايدموندز

**فادى** · 07-01-2008 09:36 PM

" يا تري في حد تاني غير نايل موتورز مشغول بالموضوع ده... يعني فيه حد بيشكك في وقت تسارع Gt-r غيرنا....... ولو فيه رأيهم إيه

- هل في وقت تسارع 0-100 كم يستحيل كسره....يعني ممكن رقم بوجاتي فيرون يتكسر ولا ده آخر التقدم البشرى"

بص فى صناعة السيارات هناك غش تجارى بأكثر مما تتصور, نيسان ليست الوحيدة التى تكذب و سوف تدهش أن شركات ألمانية و أمريكية محترمة و لها اسمها كثيرا ما تكذب, لعلك لا تعرف أن معظم سيارات النقل تتلاعب فى الأحصنة و العزم كى تفوز فى المناقصات التى تتقدم لها, و هناك الكثير من السيارات التى تغش فى الوزن و عدد الأحصنة كى تتقدم على منافسيها, كل هذا يحدث و لا يتكلم أحد, الموضوع مش كبير الموضوع عادى جدا نيسان مش أول و لا أخر شركة تكذب. يعنى متفتكرش انو الأرقام الرسمية التى تقدمها الشركة المصنعة منزلة, و لو عدنا لمجال التسارع, فان معظم السيارات التى يتم اختبارها ان لم يكن كلها, تتأخر عن وقتها الرسمى بجزئين أو ثلاثة من الثانية على الأقل, بل هناك هناك سيارات تتأخر بثانية كاملة و ثانية و نصف عن وقتها الرسمى, و هناك سيارات لا تحقق سرعتها القصوى أبدا, المشكلة أن العديد من المستهلكين يظنون أن هذه الأرقام لا تشوبها شائبة, و لكن الحقيقة غير ذلك يا عزيزى, معظم هذه الأرقام ملعوب فيها, و عموما الأرقام غير المنطقية يشتهر بها اليابانيون عادة و أذكر اننى رأيت ذات مرة لانسر ايفو فى احدى المجلات و مكتوب بجانبها التسارع 4.6 ثانية, و ده طبعا رقم مستحيل أيضا.و كذلك فورد موستانج و التسارع 4.5 و ده برضو رقم خيالى.

بالنسبة للبوجاتى هى حققت أقل من ثلاثة ثوانى و حتى الأن لم تكسر أى سيارة مخصصة للانتاج التجارى هذا الرقم 3 ثوانى, سوى سيارة أخرى أمريكية اسمها ايرو كار تقريبا لا أذكر اسمها بالضبط, و لكنى كتبت عنها مداخلة ذات مرة فى المنتدى, المهم أن رقم 4 ثوانى و ليس 3 ثوانى هو رقم لم تستطع سوى سيارات معدودة كسره, و معظمها سيارات تتعدى قوتها ال600 حصان, و مصممة بحيث يكون وزنها خفيفا جدا.

**PRO-DRIVE** · 07-01-2008 11:09 PM

لو عدنا لمجال التسارع, فان معظم السيارات التى يتم اختبارها ان لم يكن كلها, تتأخر عن وقتها الرسمى بجزئين أو ثلاثة من الثانية على الأقل, بل هناك هناك سيارات تتأخر بثانية كاملة و ثانية و نصف عن وقتها الرسمى

من تجارب سيارات من نيسان كتييرررررررررررررره جدااا تجربه عمليه 100%
السياره بتجيب وقت اقل من الوقت الرسمي

و الدليل ان كمان ايدموندز جابو وقت اقل من الرسمي

و ارجووووووووك متقولش اعلانات و كذب

المشكلة أن العديد من المستهلكين يظنون أن هذه الأرقام لا تشوبها شائبة

طبعا لأني عارف ان سيارتي تسارعها الرسمي 3.5 مثلا حروح اسابق سياره تسارعها
في نفس الوقت تقريبا
100 مره علي الاقل :) عشان منقولش عامل السواقين
في الاخر شوف مين حيسبق

و لكن الحقيقة غير ذلك يا عزيزى, معظم هذه الأرقام ملعوب فيها,

علي اساس ان اصحاب السيارات الرياضيه من الفئه دي مش كل يوم و كل ساعه في سباق صح ولا انا غلطان ؟؟

عموما الأرقام غير المنطقية يشتهر بها اليابانيون عادة و أذكر اننى رأيت ذات مرة لانسر ايفو فى احدى المجلات و مكتوب بجانبها التسارع 4.6 ثانية, و ده طبعا رقم مستحيل أيضا.و كذلك فورد موستانج و التسارع 4.5 و ده برضو رقم خيالى.

طيب من تسارعات سيارات تانيه نستنتج تسارع ايفو

شيفورليه لومينا
او هولدن كومودور بأسمها الاصلي تسارعها 5.2
ابحث في فيديوهات علي يوتوب علي دراج بين السيارتين :)

او اسأل ناس في بلاد متوفره عندهم السيارتين بيشوافوا السيارات كل يوم في سباق قدام عينهم و بيشاركو فيه :)

و في الاخر
في طريقه معتمده في كل العالم اسمها الداينو ميتر :)

قول بقي الشركات دافعه للداينو ههههههه
الداينو بيقيش قدره السياره بدون غلط 1% من العجلات :)

و الطريقه المعتمده التانيه هي الحلبات الرسميه :) بس طبعا كل الدنيا بتقبض فلووس

الطريقه التالته هي سباقات الشوارع
بس طبعا اول ما تشتري سياره من نيسان او هوندا او متسوبيشي
بتلاقي صندوق فلووووووووووس ورا في العربيه ههههههههههههههههههه

لا ياربي بيكونوا صندوقين
صندوق ليك عشان تسابق و صندوق للعربيه اللي حتسابقها هههههههههههههههههه

و اخيرا دليل علي صدق السيارات اليابانيه

سيارتي بقي و انا ادري بيها
سرعتها القصوي الرسميه 183

اسأل كام واحد من ملاك سوبارو كسر الرقم دا

استاذ احمد حسن وصل 190 او 200 علي ما اذكر :)

و استاذ خالد برضه وصل لرقم كدا :)

**Chicco** · 08-01-2008 03:12 AM

بص فى صناعة السيارات هناك غش تجارى بأكثر مما تتصور, نيسان ليست الوحيدة التى تكذب و سوف تدهش أن شركات ألمانية و أمريكية محترمة و لها اسمها كثيرا ما تكذب, لعلك لا تعرف أن معظم سيارات النقل تتلاعب فى الأحصنة و العزم كى تفوز فى المناقصات التى تتقدم لها, و هناك الكثير من السيارات التى تغش فى الوزن و عدد الأحصنة كى تتقدم على منافسيها, كل هذا يحدث و لا يتكلم أحد, الموضوع مش كبير الموضوع عادى جدا نيسان مش أول و لا أخر شركة تكذب. يعنى متفتكرش انو الأرقام الرسمية التى تقدمها الشركة المصنعة منزلة

لو فرضنا جدلا إن نيسان بتكدب و المجلات مرتشية و السائقين مابيشفوش العدادات و المستهلكبن مخمومين عارف مين اللي مش ممكن يسكت....الشركات المنافسة....ده سوق ما بيرحمش و ناس قاعدين بيتابعوا الشاردة و الواردة

لو عدنا لمجال التسارع, فان معظم السيارات التى يتم اختبارها ان لم يكن كلها, تتأخر عن وقتها الرسمى بجزئين أو ثلاثة من الثانية على الأقل, بل هناك هناك سيارات تتأخر بثانية كاملة و ثانية و نصف عن وقتها الرسمى, و هناك سيارات لا تحقق سرعتها القصوى أبدا, المشكلة أن العديد من المستهلكين يظنون أن هذه الأرقام لا تشوبها شائبة, و لكن الحقيقة غير ذلك يا عزيزى, معظم هذه الأرقام ملعوب فيها

إيه رأيك بأه إن الGT-R في الإختبارات اللي إتعملتلها محققة رقم أسرع من الرقم الرسمي اللي أعلنته نيسان... عارف ليه.... لأنها ناس خايفة علي سمعتها وعارفة إنها داخلة عش دبابير ومش عايزين يدوا للمنافسين فرصة للنيل منهم

عموما الأرقام غير المنطقية يشتهر بها اليابانيون عادة

مش فاهم ليه التحامل علي اليابانيين ده... علي حد علمي الفضايح الكبيرة في عالم السيارات طالت الكوريين (التلاعب في أرقام الأحصنة) و الأمريكيين (عوامل الأمان في العربيات الsuv)
أنا مابقولش إنهم ملايكة بس لما تعيش في اليابان مدة حتفهم ليه الناس ديه وصلوا للهما فيه بس ده موضوع تاني;)

أذكر اننى رأيت ذات مرة لانسر ايفو فى احدى المجلات و مكتوب بجانبها التسارع 4.6 ثانية, و ده طبعا رقم مستحيل أيضا.و كذلك فورد موستانج و التسارع 4.5 و ده برضو رقم خيالى.

أحب أشكرك علي إستخدام كلمات زي مستحيل و خيال علمي.. إلخ الكلام ده اللي بيدفعني دفعا للرد:)

المهم أن رقم 4 ثوانى و ليس 3 ثوانى هو رقم لم تستطع سوى سيارات معدودة كسره, و معظمها سيارات تتعدى قوتها ال600 حصان, و مصممة بحيث يكون وزنها خفيفا جدا

الدنيا بتتقدم بسرعة رهيبة و اللي كان مش ممكن انبارح بأه عادي النهارده.... تفتكر شركة كبيرة زي نيسان ميزانيتها أكبر من ميزانية دول بحالها (هي في الحقيقة نيسان/رينو) ماعندهاش مصممين و مهندسين علي أعلي مستوي و من جميع أنحاء العالم وتحت إيديهم ميزانية بحث و تجارب خرافية ممكن يوصلوا لنتايج تتحدي الموجود و المعروف

**PRO-DRIVE** · 08-01-2008 04:34 AM

لو فرضنا جدلا إن نيسان بتكدب و المجلات مرتشية و السائقين مابيشفوش العدادات و المستهلكبن مخمومين عارف مين اللي مش ممكن يسكت....الشركات المنافسة....ده سوق ما بيرحمش و ناس قاعدين بيتابعوا الشاردة و الواردة

Bmw رفعت قضيه علي نيسان بكامل قوتها فقط لأن نيسان استخدمت عباه
M Power Is Comin و Bmw كانت بتسخدم كلمه M Power
بي ام لها السبق في استخدام كلمه ام باور و نيسان دفعت تعويض محترم لبي ام عشان بس استخدمت كلمه ام باور

قامت نيسان رافعه قضيه علي بي ام لأن نيسان بتستخدم حرف Z من ايام داتسون
و بي ام استخدمته ايضا في الجيل الجديد Z4 Z3

و بي ام دفعت تعويض اكبر من اللي نيسان دفعته :)

علي ما اتذكر ان هيونداي كانت في اعلان لها كذبت في تسارع كامري او كورولا مش فاكر
تويوتا بهدلت هيونداي :) بكل الادله الرسميه :)

الناس مش بتلعب

يعني جنرال موتورز ايه اللي دفعها تنزل Zr1 ؟؟

مع العلم ان كورفت Zo6 ارخص من Gt-r

لما جنرال موتورز لقت ان في سياره جايه حتهزمها :)
قامت منزلسه في 3 شهور بس سياره Zr1 بشاحن تربو
فشلت انها تصنع سياره قويه N/a

طبعا حتقولي مستحيل
حرد هو مهندسين اكبر شركه في العالم كلها غير قادرين بس علي وضع سوبر تشارجر علي سياره ؟؟ في 3 شهور ؟

جنرال موتورز لو كانت تقدر تمسك كذبه واحده علي تويوتا
كانت فضحت الدنيا :)

تخيل جت مجله مشهوره و قالت في كل الدنيا ان رقم نيسان غلط و بالدلائل العمليه
حيكون موقف نيسان ايه ؟؟؟

خلاص كدا فشلت و مفيش ثقه فيها :)

**فادى** · 08-01-2008 01:47 PM

الأخ برو درايف و الأخ شيكو اتصدموا من كلامى و ده الى كنت متوقعه, هما يعيشون فى عالم مثالى غير موجود أساسا فى الواقع.
و ده طبيعى لأنهم يثقون ثقة عمياء فى أى خواجة, و ديه عقدة مزمنة عند المصريين لو تخلصنا منها, لربما أصبح حالنا غير الحال.
مفيش حد يا سعادة الباشا بيجيب ساعة و يقعد يقيس عربيته بتتسارع بكام ثانية لا و بالستحتوت كمان, أنت عايش فين يابنى؟؟! و لا يمكن أن تحقق السيارة نفس وقتها الرسمى لاختلاف الظروف و العوامل, يا عم ده لو السواق تخين شوية العربية ممكن تتأخر نص ثانية!!
و مفيش حد طول النهار عمال يسابق بعربيته, واضح انو الأفلام الأمريكانى مأثرة عليك جامد.
و فروق التسارع بسيطة جدا و غير ملحوظة.
و مجلات السيارات ليس بوسعها التأكد من أى معلومات تتقدم بها الشركات المصنعة, هذه واحدة, أما السبب الأهم هو أن هذه المجلات أساسا تعيش و ترتزق على "قفا" شركات السيارات, ان أى اختبار تجريه مجلة لسيارة ما هو اعلان مدفوع الأجر, و الا فمن الذى يعطى هذه المجلات نسخة من السيارة كى يختبرها, و قد يوفر له حلبة للاختبار, بل و يدعه يعبث بالسيارة و يهريها جرى و فرملة؟؟!! مقابل ايه؟؟ كما أن معظم اعلاناتها أصلا اعلانات عن سيارة معينة, يعنى لو قامت مجلة مثلا بفضح نيسان , فانها سوف تفقد مدخولها من اعلانات نيسان و ربما رينو أيضا فأى مجلة مستعدة لفعل ذلك.
ناهيك أن رقم نيسان لا يمثل فضيحة لأن شركات كثيرة تكذب بشأن التسارع منها فورد و شفروليه و لانسر و تويوتا, عموما هى عادة أمريكية - يابانية, و لا يمكنك أن تثق سوى فى الأرقام التى تعطيها الشركات الرياضية العريقة من أمثال فيرارى و بورش, بالنسبة لموضوع التسارع. ما استفزنى فى موضوع النيسان ده ان الكذبة المرادى ليها هدف خبيث جدا, ألا و هو رفع سعر السيارة بضعة دولارات و نقلها الى فئة أعلى من فئتها كل هذا عن طريق كذبة صغيرة مثل هذه, أما لو كانت كذبة بيضاء لمجرد التفوق المعنوى على سيارة منافسة مثلا أو شىء كهذا فلن أعلق لأن ذلك يحدث كثيرا, الذى استفزنى هو انها كذبة مقرونة بعملية نصب!

**PRO-DRIVE** · 08-01-2008 04:31 PM

مفيش حد يا سعادة الباشا بيجيب ساعة و يقعد يقيس عربيته بتتسارع بكام ثانية لا و بالستحتوت كمان

اتكلم علي نفسك في عدادات بتتباع و تتركب اذا كنت انت مش من هواه مسك الساعه

كل برامج التفزيون بتشتغل علي الرادار مثل كشف السرعه
عاااااااااااااااااااااااا اااااااااااااااااالاقل خالص لو جيت اسابق عربيه ابطأ مني و سبقتني حتأكد ان يا العيب في السواق و دا بتبديل السواقين يا اما العيب في العربيه

أنت عايش فين يابنى؟؟

في فرق بين واحد مشتري شاهين لأنه معجيب بيها
و واحد مشتري كورفت او جي تي ار ؟؟
حيكون مشتريها ليه ؟؟؟ عاوز جواب مقنع منك :)

يا عم ده لو السواق تخين شوية العربية ممكن تتأخر نص ثانية!!

ما انت مشفتنيش ههههههههههههههههه

مفيش حد طول النهار عمال يسابق بعربيته, واضح انو الأفلام الأمريكانى

هل حضرتك عيشت قبل كدا في دوله خليجيه ؟؟ ولا اسبوع ؟؟؟؟؟؟
هل حضرتك عشت ولو 3 ايام بس في امريكا ؟؟؟
لو كنت زرت اوروبا كنت شفت الحلبات للسوبر كارز

و الا حنرجع للسبب الاصلي لو انا مش حسابق حشتريها ليه اصلا !!!!

فروق التسارع بسيطة جدا و غير ملحوظة.

هو حد قال هنا قبل كدا بتحس ان العربيه بتنط ولا سحبها جامد ولا كل الكلام غير المدلول بالارقام دا !!!!!!!!!!!!!

مجلات السيارات ليس بوسعها التأكد من أى معلومات تتقدم بها الشركات المصنعة, هذه واحدة

قولي انت دلوقتي ميقدروش يتأكدوا في ايه؟؟
عاوز 1 2 3 مش كلام

تعيش و ترتزق على "قفا" شركات السيارات, ان أى اختبار تجريه مجلة لسيارة ما هو اعلان مدفوع الأجر

يعني نيسان دفعت اكتر من بورش و اكتر من جنرال موتورز عشان هما يقوالوا
ان العربيه دي اسرع من 911 و اسرع من كورفت !!!
و فرا بورش دفعت تيجي بعد سنه حته و تقول عربيتي بطيئه !!!
دا اقتلهم لو عملوا كدا
خليك عقلاااااااااااااااااني

المجلات تمويلها من جهات حكوميه و رقابيه
+ مجله زي ايدموندز بيزوها في الشهر 13 مليون شخص علي وجه الارض
تخيل مجرد اعلان بسكوت علي الموقع دا حيكون بكام ؟؟؟
+ مكاسبها من بيع مجلتها اصلا

توب جير : يعني البي بي سي حتضحي بتاريخها كلههههههههههههه
عشان شويه دولارات ؟؟؟

اذا كانوا مش بيعلونوا ابدا عن اسم السواق اللي بيسوق في الحلبه
عشان الناس اللي بتشك متقولش بيقبض !!!!

الا فمن الذى يعطى هذه المجلات نسخة من السيارة كى يختبرها, و قد يوفر له حلبة للاختبار, بل و يدعه يعبث بالسيارة و يهريها جرى و فرملة؟؟!! مقابل ايه؟؟

شركات التأمين هي اللي بتدي المجلات السيارات و البي بي سي موفره الحلبه
شركات التأمين لو اكتشفوا غلط في الارقام الرسميه عمرهم ما حيأمنوا علي العربيه دي

, يعنى لو قامت مجلة مثلا بفضح نيسان , فانها سوف تفقد مدخولها من اعلانات نيسان و ربما رينو أيضا فأى مجلة مستعدة لفعل ذلك.

بنفس مبدأك اروح لجنرال موتورز اقولهم حفضح نيسان و اخلي كورفت هي الافضل في العالم
و تتقطع نيسان بالي جابوها و تبقي اعلانات جنرال موتورز بزياده ( ما هو كله نصب و غش بقي و رشوه )

ناهيك أن رقم نيسان لا يمثل فضيحة لأن شركات كثيرة تكذب بشأن التسارع منها فورد و شفروليه و لانسر و تويوتا, عموما هى عادة أمريكية - يابانية,

تفكير شخصي منك ولا انسان في الدنيا بيفكر بالطريقه دي

استفزنى فى موضوع النيسان ده ان الكذبة المرادى ليها هدف خبيث جدا, ألا و هو رفع سعر السيارة بضعة دولارات و نقلها الى فئة أعلى من فئتها كل هذا عن طريق كذبة صغيرة مثل هذه, أما لو كانت كذبة بيضاء لمجرد التفوق المعنوى على سيارة منافسة مثلا أو شىء كهذا فلن أعلق لأن ذلك يحدث كثيرا, الذى استفزنى هو انها كذبة مقرونة بعملية نصب!

السياره حاليا منتجه في اليابان فقط في الصيف حتوصل امريكا و الخليج و اوروبا ان شاء الله
في ال3 اماكن دول تتوفر سيارات بورش و فيراري و لمبورجيني و كورفت
و الفيديوهات ان شاء الله حتوريك كذب نيسان :)

_______________________________

علي العموم عندي خبر ليك ماينز في اليابان حط اكزوزت سيستم علي العربيه
بس زي اللي بنزوده هنا
قوه العربيه علي الداينو ميتر وصلت 501 حصان :)

دا اول تعديل حقيقي للسياره :)

رابط الخبر هنا :)

http://www.autoblog.com/2008/01/07/m...-the-flywheel/

شوف التاريخ الخبر بس انهرده :)
كل يوم شيئ بينكشف

تخيل :)

من اجدادها القدماء R34 وصلت 1500 حصان في امريكا :)

دي حتوصل كام :)

**SAbuhashem** · 08-01-2008 05:08 PM

My congratulations to you PRO

You know how to play the game

Thanks
Eng.Sherif Shaker

**matrix_rashed_8** · 08-01-2008 06:07 PM

انا مش عارف الاستاذ فادى متحامل على اليابانيين كده ليه
و مراقب الموضوع من الاول ومسش عايز اتكلم
حضرتك اليابانيين اللى مش عاجبيين حضرتك دول
بيتقدموا بسرعه تفوق الخيال يعنى حضرتك قارن اى عربيه المانى
او امريكى موديل 90 بعربيه يابانى حتلاقى اليابانيين كانوا متاخريين اوى عنهم
و فى ظرف 10 سنيين تقدموا تقدم هائل و ده لوحده كفيل بان الناس ترفع ليهم
القبعه احتراما
يعنى شوف حضرتك اللكزس الجدييد و هاتلى اى سياره تعادل فخامته ما عدا المرسيدس الفئه اس
هاتلى حضرتك سياره امريكيه تحتوى على نفس الكم من التكنولوجيا
و دول عمر السيارات الامريكيه متأخره تقنيها يعنى هوه بيجيب عربيه ليس بها
اى مظاهر جمال شبه التلاجه و يشوف اكبر موتور عنده يرميه فيها
و تبقى كده عربيه امريكى قويه مفيش حاجه تقف قدامها
بالنسبه لسياسه اليابانيين فهى صنع محركات صغيره ذات قوه عاليه و دى قمه التكنولوجيا
يعنى هاتلى حضرتك اى سياره امريكانى ذات محرك 1600 سىسى
او 2000سىسى لن تجد لانه كلما صغر المحرك كلما اصبح معقد
يعنى لو حضرتك بصيت على النيسان الالتيما ذات ال3600سىسى
و خليتها تتسابق مع شيفروليه لومينا ذات ال6000 سى سى حضرتك حتلاقى ان الالتيما اقوى
و بعدين حضرتك اهل الخليج اللى هما عندهم خبره كبييره فى مجال السيارات نظر لطبيعه الجو عندهم و كده
اسأل اى حد فيهم على عربيه يابانى واخرى امريكى حيقول لحضرتك بالنص
(اليابانى حج كرف و الامريكى الله يعينك على خراباته)
و مش عارف حضرتك بتقيم العربيه على اساس
على اساس الاعتماديه ولا التسارع و لا التوفير فى استهلاك الوقود ولا السعر
لو حضرتك بصيت كده حتلاقى كل النتائج لصالح اليابانى

و بعدن بالنسبه للتسارع معروف دائما ان الامريكى تسارعه بطئ
يعنى هات حضرتك ميركورى جران ماركيز ذات المحرك 4.2
و تويوتا كورولا 1.6 وقارن التسارع وحضرتك تعرف ليه Gtr لها هذا التسارع
و للعلم بالشئ تسارع الكورولا ال1600 مانيوال 8 ثوانى

**فادى** · 08-01-2008 06:10 PM

"قولي انت دلوقتي ميقدروش يتأكدوا في ايه؟؟"

هاتلى وسيلة واحدة للتأكد؟ أجهزة الداينو بتاعتك ديه غير متوفرة لأى مجلة أو كائن كان, ناهيك عن عدم دقتها.

" في فرق بين واحد مشتري شاهين لأنه معجيب بيها
و واحد مشتري كورفت او جي تي ار ؟؟
حيكون مشتريها ليه ؟؟؟ عاوز جواب مقنع منك "

هيشتريها عشان الفشخرة و يعلق بيها بنات. أو يشد مع أصحابه زى العبيط و يخبطها.

" هل حضرتك عيشت قبل كدا في دوله خليجيه ؟؟ ولا اسبوع ؟؟؟؟؟؟
هل حضرتك عشت ولو 3 ايام بس في امريكا ؟؟؟
لو كنت زرت اوروبا كنت شفت الحلبات للسوبر كارز

و الا حنرجع للسبب الاصلي لو انا مش حسابق حشتريها ليه اصلا !!!!"

معشتش فى أى من الدول المذكورة.
سيبك من موضوع السباقات ده, ده موضوع تانى خالص, التسارع الى بنحسبه ده هو أقل وقت ممكن لبلوغ سرعة معينة, يعنى الوقت الذى تستهلكه السيارة عندما يكون المحرك على عزمه الأعلى(يعنى البنزين على أخره) و مع أخذ أفضل عزم على كل نقلة, لا يوجد سائق فى الدنيا يقود بهذه الطريقة.

" شركات التأمين هي اللي بتدي المجلات السيارات و البي بي سي موفره الحلبه
شركات التأمين لو اكتشفوا غلط في الارقام الرسميه عمرهم ما حيأمنوا علي العربيه دي"

ههههاهاهاههاهاهاه شركة التأمين ايه علاقتها بالأرقام الرسمية, هو لو اكتشفوا ثانية و لا اتنين زيادة مش هيأمنوا على العربية!! ديه من أظرف الحاجات الى انت قولتها, عموما أنا أمنت على الشاهين و محدش سألنى عن التسارع بتاعها!:)

" بنفس مبدأك اروح لجنرال موتورز اقولهم حفضح نيسان و اخلي كورفت هي الافضل في العالم
و تتقطع نيسان بالي جابوها و تبقي اعلانات جنرال موتورز بزياده ( ما هو كله نصب و غش بقي و رشوه )"

لو فعلت جنرال موتورز ذلك لن تستفيد شيئا لأنهم يعلمون أن كل هذه الأرقام وهمية, و أن أرقامهم و أرقام غيرهم بعيدة عن الحقيقة, و أن كل السيارات تتأخر عن وقتها الرسمى, ما الفائدة اذن؟؟! ثانيا كيف سيثبتون ذلك يا عبقرى؟ هاتلى طريقة تثبت بيها, التجربة ليست طريقة اثبات لأن من الطبيعى أن تختلف عن الرقم المحسوب. و الحسابات لا يفهمها الكثيرون كما أن نيسان لن تقدم لهم الأرقام كلها التى سوف يحتاجونها.
كل الناس و الخبراء يعلمون ذلك و مش حاجة تعيب الشركة. نيسان فقط لها السبق فى انها اول من استخدمت الكذب لتزيد بضعة دولارات من سعر سيارتها.

" السياره حاليا منتجه في اليابان فقط في الصيف حتوصل امريكا و الخليج و اوروبا ان شاء الله
في ال3 اماكن دول تتوفر سيارات بورش و فيراري و لمبورجيني و كورفت
و الفيديوهات ان شاء الله حتوريك كذب نيسان "

سيبك من الفيديوهات و الهبل ده, قولتلك قبل كده موضوع الفيديوهات ده لا يثبت أى شىء.
نيسان لن تصل أبدا الى فيرارى و بورش الأعلى سعرا و الأقيم. موت بغيظك. هى بديل رخيص لمن لا يستطيع شراء مثل هذه السيارات, عيب عليك أن تقارن بينهم.

"My congratulations to you PRO

You know how to play the game"

هههاهاهاههاهاهاه
دائما ينتصر الجهل.
برو معظم معلوماته من كلام الناس و مواقع النت و المنتديات الأمريكية و الخليجية و مشكلته الحقيقية أنه يصدق أى معلومة يقرأها و هى مشكلة كبيرة. كما أنه يثق فى شركات السيارات و هى مشكلة أكبر, بالاضافة الى عقدة الخواجة المصاب بها معظم المصريين تقريبا.

عموما انتظر الحسابات و سوف ترى حقيقة سيارتك منخفضة الجودة تلك.

**SAbuhashem** · 08-01-2008 06:25 PM

دائما ينتصر الجهل

LOOOOOOOOOOOOOOOOOOOOOOOOOOL

??I think you really don't know who you are talking about

Please try to control your words

Every body here knows who the ignorant Mr. Sahin guy is

Ah by the way
If you know which cars I own you well really cry but I don't like to show off .

Thanks
Eng.Sherif Shaker

الموضوع: تجربه نيسان Gt-r بواسطه ايدموندز

LinkBack

أدوات الموضوع

عرض

-

-

-

-

-

-

المواضيع المتشابهه

تجربه قياده الضفدعه احم قصدي الفوليستر و يا لها من تجربه

نيسان قشقاي ٢٠١٢ مشكلة تم توضيحها وحلها

اختبار ال Esc للكــروز بواسطه ال EuroNcap

الكلمات الدلالية لهذا الموضوع

المفضلات

المفضلات

ضوابط المشاركة